In ch'momint in parle du frod.

Quanque j'étos toute tiote in a eu des hivers vraimint frods et j'avos attrapé des ingelures aux mains et à ches talons.

M'mère ale préparot eune tiote boutèle rimplie d'un mélanche ed glycérine, d'alcool et de citron. Ale nous massot avec cha nos pieds et nos mains, cha piquot rudemint cha faisot mal mais après in allot mieux.

Pauvre tiote!

Nousautes in avot des cauchettes et des moufles tricotées par les grinds mères, les visses matantes ou des séquos ainsi. Ch'étot du raide, à gros points bin épais. Ch'étot souvint in couleurs "comme cha venot" mais ch'étot caud.

Et pis cha grattot tellemint que ch'étot comme si que te passos tes pids ou tes mains au papi de vierre. Cha récauffe!

M'grind mère paternelle, que j'ai nin connue, elle étot rusée.

Tchand que sin garchon - min père - i allot vers elle in brayint parce qu'i s'avot fait du mau quelque part, elle allot cachi un chuc et elle le posot là d'ùche qu'i avot du mau.

Et elle li dijot "tchand que t'aras pus de mau, te pourras le minger!".

Sinon, l'visse matante à min père, qu'elle est morte i a nin longtimps à 101 ou 102 ins, elle n'étot jamais malate. Sin truc ch'est qu'elle mingeot de l'al comme ch'est nin permis et, surtout, qu'elle mettot des oignons à germer in dessous de sin lit. Elle avot honte de le dire, mais i parait que cha attire les mauvais micropes.

Armarquez, in dit cha, ch'étot des générations durtes... M'mère elle est morte à 85 ins et elle n'a jamais mis d'oignons in dessous de sin lit. Pourtint elle ne savot nin cha que ch'étot qu'un rhume. Elle étot immunisée contre cha.

.... Minger d' l' ale et d' z'ognons ch' est radical pour éloigner les mouques qui ramèntent des micropes.

Sans rigoler, ch' est vrai qu' ch' est bon pour eul' santé.

........Un gros ognon cuits dins l' four du feu à caebon... super ! ! !

........Et l' soupe à l' ale ! ! ! !

Citation :

Un gros ognon cuits dins l' four du feu à caebon... super ! ! !

Et qu'cha sint bon!!!
avec eun' pétote au four et un rolmops!
j'guile à chinq heures du matin...

Mi à ch't'heure-là j'ai ouvert un oeul... et je l'ai arserré bin vite!

Parmi les "trucs de grinds mères", je me souviens de deux qui étottent utilisés dins l'famile:
- tchand qu'in attrapot un bouton autour de sin oeul (je me deminte si que cha existe incore. A m'mote que mes afants is n'ont jamais eu cha), l'père ou l'mère i inlevot s'n'alliince et i la frottot chu le bouton. Cha passot.
- contre les furoncles min père i avot toudis eune noix de muscade dins s'poche. I n'avot nin de furoncles... et nousautes non pus, ou presque!

A part cha, pour inlever les maches odeurs dins l'majon, in faijot griller des épleuchures d'oranches dins eune payelle.

Batisse bin sur qu'cha existe incor un bouton autour d' sin oeul m'tiote i dot avoir quate mos d'cha qu'alle in a eu un ;m'voisine d' quate vingt tros ans (83 ans ) alle li a fait passer l'queue d'sin cat su sin oeul pis alle a pris sin alliance (l'alliance de m'voisine pas de m'tiote alle a foque onze ans )pour li mette su s'paupière .Bon in tout cas, je n'sais pas si ch'est cha obin l'pommade du méd'cin mais, in tout cas m'tiote alle est guerrie

cha marche aussi pour des boutons ed fièvre, j'avos deux boutons ed fièvre à mes loupes,et em voisine al les à guerris in faisnt eine croix avec es alliance,y à pas si longtemps ed cha

Mi quind j'étos enceinte d'mi premi garchon, mes deux grinds mères m'ont installé un torchon par tierre et m'ont demindé de l'ramasser, paraitrot que si in l'ramasse par un coin in a un garchon et si in l'ramasse par l'mitan in a eune file (ou bin l'contraire ????). J'pourros pas vos dire si que ch'est vrai pace que j'me rappelle pus commint j'l'ai ramassé c'torchon....

les trucs ed grands mère,chétot deja ed l'économie et cha marchos bien pour tout