J'sais pas si j'dos écrire cha ichi ou bien dins les r'cettes, l'chef ou l'cheftaine i z'arringeront cha.



Ouais j'ai appris ch'matin. j'ai vérifié, merci internet.

J'ai fait pour ch'midi eune salate ed mache ou comme in dit par chez nous del salate ed blé.

Pourquoi d'blé ? hein ?

ch'est pace que ch'étot au départ del'mauvaise herpe, cha poussot dins ches cultures et in l'trouvot après ches moissons .........de blé.... d'où.....salade ed'blé.

ch'est pas bieau, cha ? in va dormir moins bête es'soir.

ah bin merci la clo, j'me demindos toudis pouquo in dijot salate d'blé (j'ai jamais caché nin pus !)... d'ailleurs quind j'ai dit cha ichi dins l'Rhône is n'comprenottent pas c'que ch'étot ! j'vas pouvoir leu espliquer et leu dire que les chtis ch'est les meilleux ...

J'va même mieux dire, In peut êtes fiertes nous deux,ch'est eune mauvaise herpe qui vient.... d'italie. t'as qu'à vire !

m'momère elle faijot el salate ed blé aveuc des betteraffes rouches et des oignons cauts d'dins...
J'aimos nin les oignons cauts.
L'salate ed mache ch'est fin bon. Ichi eune file ed viticulteur elle nous avait montré que cha poussot comme du cruau intre les rangs de vigne in hiver. elle allot in ceuillir des pleins saladiers.
A ch t'heure ej cache après perdu.. y mettent tout un tas de produits chimiques dins les vignes qu'in artouffe pu rin d'bon à minger.. même un pichoulit sulfaté in oserot nin l'minger.

Merci pour t'n'explication La clo. J'va m'coucher moins bête
Pour l'instant faut préparer l'minger et te m'a donné invie d'minger de l'salate ed blé... je n'd'ai nin j'va faire des carottes rapées avec un reste de houmous-majon in intrée. ( ch'est de l'purée d'pois chiche in boite aveuc de la pate ed sésame et du jus d'citron et huile d'olive+ épices...MMMM chu un tiot crouton d'pain grillé, ch'est fin bon)

Chez nous'autes in a ène séquo qe vous devez nin avir : De l'salate avec les racines dins un bloc de tourbe, dins un bloc in a tros laitues d'couleurs différentes....

bin si.. in France, in a cha dins les gardineries au momint qui faut pour tout arplanter dins sin courtil..

Ché nin pour replanter, ché des grosses salates bonnes à minger...

Ah bon? Et pourquo qui vindent l'tierre et les racines aveuc? Ch'est vindu au poids?

J'ai jomais vu cha au magasin d'légeumes d'ù que j'creche (dins l'campagne profonte)

Bon appetit flersois, cha m'donne invie d'minger de l'salate tout cha aveuc tout plein d'ail à donner eune haleine à défriser un caniche... hou qu'ch'est bon!

Avec plein d'ail, t'es comme tin frère...

V'l'à chés salates, je n'd'ai copé ène paire d'fos.....bin pratique quint in est tout seu...

Vingt diousse, qu' est c' que ch' est comme marque d' salate ? T' as cha dins tin gardin ? ?

pépéPéBé a écrit:

Vingt diousse, qu' est c' que ch' est comme marque d' salate ? T' as cha dins tin gardin ? ?

T'as nin tout bin lu Pépé, in peut acater cha par ici tout prêt à minger, et cha reste frais si in donne ène goutte d'ieau de timps in timps...

Citation :

in peut acater cha par ici tout prêt à minger, et cha reste frais si in donne ène goutte d'ieau de timps in timps...

Ah bon!!! ya qu'à Belgique qu'in vot cha!
Ch'est nin de l'batavia cha comme salate?

salade tricolore ché marqué sut l'imballache, des feuilles de chêne sur'mint...

In tout cas, mi j'trouffe que ch'est eune bonne idée qui z'ont in Gelbique ed vinte les salates aveuc les pots ( si ch'est nin au poids), y gagntent du timps au ceuillache, mais ch'est cor des tiots boulots qui s'pertent.

Et pis pour présinter dins les rayons, cha dot ête plus carré, ch'est pos comme ces montagnes ed salates que tertous y leur tate el tchul pour savoir si elles sont fraiques.
Et pis pour l'transport, y dot avoir moins d'perte, comme dins l'fond du frigo aveuc des visses salates toutes pourrites.

In a qu'à brouter foque cha qui faut tous les jours...ch'est étonnint mais ch'est ptête miux après tout... l'salate elle a mourru à ptit fu. Ch'est plus romintique
Cha fait lommind que ch'est comme cha in Gelbique Flersois?

In treufe toudis des salates coupées ...Ouais c'est déjà ène paire d'années qu'in peut trouver cha...je n'd'ai toudis in hiver..
Et in ch'momint, la roquette elle continue à pousser au gardin.

Par contre ène séquo qu'in n'treufe nin par ichi et que j'aime bin, je n'd'ai acaté c'soir : du Cresson de Fontaine
Cresson-chti