Mes gins, j'sus au bord de l'crise de nerfs ! j'comminche à n'd'avoir ras l'bol de chés sociétés d'livraison.. j'm'esplique :
Depis asteur pus d'20 ans, min homme s'occupe de faire eune commande groupée de vin d'Alsace, pou les amis et l'famile, auprès d'un viticulteur in Alsace, depis jusqu'à i a deux ans, aucun problème, in a toudis été livré sins qui euche d'souci. Pis l'an passé cha comminchot mal, l'livreur avot sin hayon qui s'baissot pus, i m'a dit j'arviens pus tard, j'deminde polimint si ch'est possipe que cha seuche avint 13 h 10 pace qu'après j'allos à l'école. I est arrivé à 13 h 08, i décarge à l'main, 25 cartons, sin hayon i fionctionnot toudis pas. Pressée j'vérifie pas l'livraison, l'soir min homme a pas pu vérifier pace qu'i étot nin là pou deux jours... et quind in a compté i minquot tros cartons d'6 boutelles.... in a rin dit, cha a été pou nous pemmes pacque ch'étot de m'faute, j'avos pas vérifié.... mais avint in avot jamais eu d'soucis, alors mi j'étos confiante.....
Cheule année, aute scénario, j'ai l'personne de l'société d'livraison au téléphone, j' li précisse que j'travalle pas l'mercredi toute l'journée et que l'vindredi après midi j'sus aussi relativemint disponipe du fait que j'fais pas les trajets d'école. Bin ch'est pas possipe d'ête livré chés deux jours là, dins min secteur ch'est foque les mardi et jeudi de 10 h à 14 h 00.
Bon, conciliante, j'diminde si ch'est possipe de faire que ça seuche avint 11 h 15, pace qu'après i a les trajets d'école et que j'ai 5 tiots à faire minger après. "Non madame, je peux pas vous donner d'heure et c'est impossible les autres jours". J'réponds que j'vas vir cha avec min homme et qu'in l'rappelle.
L'lindemin in avot un courrier qui disot que si in les recontactot pas d'ici 4 jours, l'marchandise étot rinvoyée... bravo !!!
Min homme finit par poser eune journée d'congé pou pouvoir ête là un jeudi pou l'livraison et quind i rappelle l'société in s'espliquant un tiot peu, i n'quet pas su l'même type que mi, qui li dit : "mais vos auriez du insister, effectivement votre ville c'est les mardi et jeudi mais on peut toujours s'arranger autrement !"....
heu mi j'me deminde si is s'moquent pas d'nosautes....

Deuxième société d'livraison : in attind un paquet (foque un paquet), j'trouffe l'messache comme quo i faut les rappeler in rintrant d'l'école au matin, J'fais l'numéro et là musique d'attinte pindint 8 mn 54 secondes, j'ai du coper pace que m'tiote me demindot d'aller faire pipi. Malheur j'auros jamais du coper l'communication pace que depis 9 h 30 c'matin, cha fait 25 fos que j'arfais l'numéro et là j'connos l'phrase par coeur : "service SAV livraison bonjour, toutes nos lignes sont actuellement occupées, veuillez rappeler ultérieurement"
Alors mi j'vos l'dis, j'sus au bord de l'crise de nerfs, Je n'd'ai ras la casquette.
Si j'travaillos pas, comme ch'est dins l'ville d'à côté, j'iros querre min paquet mi même cha irot pus vite...... mais peut ête que j'vas avoir de l'chance, allez j'y cros j'arfais l'numéro, in direct...
BIN NIN, TOUDIS PAREL, J'SUS MAUDITE...............

Pour les vins d'Alsace, mi je connos un livreur super....

Tiote futée, à 14 h 30, j'cache et troufe su internenette un aute numéro de téléphone de l'société, j'quets su eune dame charmante, j'y expose min problème in précisant que j'in sus à 35 appels et que pet ête i a un souci su l'ligne du sav. La dame navrée me dit qu'elle contacte tout de suite le service qui dot ête débordé et que cha s'ra eusses qui vont me rappeler...
Bin cha y est, 3/4 d'h après ch'est fait et là bonne surprisse, is livrent tous les jours au matin sins problème..... du cop j'ai cuji jeudi, min homme est là pour l'aute livraison, pou eune fos ch'est li qui s'débroullera avec chés livreurs, mi j'ai jamais d'chance avec chés livraisons, les anciens du forum in sav'tent quette cosse.
Pou les nouvieaux, vos auriottent pus jamais m'connaite, ayant minqué ête raplatie comme un raton au chuque lors d'eune livraison d'pusieurs centaines de kilos qui s'a tout rinversé d'sus mi et m'a coinchée....
Avouez que cha arot été dommache de pas m'connaite, non ?

Infin cha m'a bin occupée c't'affaire là aujourd'hui, asteur j'min va donner l'biberon au tiot d'6 mos, ch'est l'heure..... ch'est pus agréape que chés cops d'fil

batisse a écrit:

Pour les vins d'Alsace, mi je connos un livreur super....

ah ouais ? cha dot pas ête l'mien..... à l'occasion té m'donneras chés cordonnées, j'pourros même l'garder à minger des pemmes tierre au four, si l'livraison s'passe bin....

Cha dépind... i a quo avec les pennes tierre au four?

batisse a écrit:

Cha dépind... i a quo avec les pennes tierre au four?

Avec un verre d'vin blanc d'Alsace...ou bin l'restant d'un biberon...

peut etre in sauret aussi..

ou eine boite ed pilchards,pis eine salate ed cresson