Ch'étot eune mape, eune bille
ou bien un tiot cop qu'in donne sur l'bras d'quequ'un in faisant l'geste d'lancer eune mape, avec l'index et l'pouche, et cha fait mal !

ahh? j'connaichon pon!

Pour nous aussi, un piouque ch' étot un mappe,

in juot aux mappes aux billes.

pépéPéBé a écrit:

Pour nous aussi, un piouque ch' étot un mappe,

in juot aux mappes aux billes.

Je connos nin non pu, j'm'rappelle des agates, quo qu'ché ?

ché aussi eune bille, chéto pététe rapport à s'couleur

Ch'est nous ausi eune agate ch'étot un mappe mais ch'étot moins courant

In juot aussi aveuc des biscaïens,(té parles d' un nom) dins l' glossaire in lit ; biscaïen bille....ouais mais pas des léquettes d' billes, des boules in acier grosses comme les 3/4 d' eune boule d' pétanque. Un jour i n' da eune qui a arbiné, j' l' ai archu d' sur l' coin de m' orèle ! ! ! Cha dot ète pour cha que j' sus arringé comme cha ! ! !

d'mot in mot in complète l'glossaire

ben PB arbiner j'l'avos complètemint oublié chti lal.

glossaire;

arbiner, reculer, chez nous, arbiner ch'est rebondir

reculer ch' est arculer......

d'où l' espression; "Arcule Ursule ou bin j' t' apostrophe".

J' avoue que j' vos pas l' rapport.

mi piouque j'connaissos pas, mais mappe (pou des billes) si...
si qu'in réfléchit (ouais cha m'arrife, j'vos ai à l'oel ceusses qui ricannent là bas dins l'fond, ) eune mappemonde, ch'est l'carte arprésintant l'tierre qui est ronde, cha dot avoir un rapport....

Réflexions faites. Eune agathe cha serot putot eune grosse bile in verre, un peu pus grosse qu'un piouque "normal" , aveuc des décos in couleur à l' intérieur.

I a tell'mint longtimps que j'jus pus aux mappes ! ! ! In pusse j' ai jamais vu d' gosses juer aveuc des piouques à l' école. Cha s' perd.

Les mappes chéto donc les tiotes in terre cuite et les agates les grosses in verre, j'ai bon ?

A m'mote qu' t' as tout bon. T' as gagné.

Et les filles elles jouaient au piou

Rectification: In dijot pas eune piouque mais un piouque..... Les files alles juotent pas aux piouques.

Qui ch' est qui a dit qu' alles juotent à l' guisse ? ? ?

Jouer au piou, chétot jouer à la marelle...enfin, j'cros...

quemin cha qu'ches files ale juottent pas aux piouques.
Mi si dins m'rue ches grands d'garchons i nous laissotent juer deux ou trois files pour mieux nous voler nos billes ; eux i z'étotent esperts et nous note paquet d'biles i fondot comme du burre au solel. binde ed'filous. D'ailleurs un d'ches grands d'l'époque j'l'ai artrouvé sur copains d'avant, ch'est drôle.

flersois a écrit:

Jouer au piou, chétot jouer à la marelle...enfin, j'cros...

Jamais intindu

flersois a écrit:

Jouer au piou, chétot jouer à la marelle...enfin, j'cros...

Ch'étot un' sorte ed marelle : un rectingle divisé in 8 carrés. In linçot not' piche ed bos, el piou, dins l'case 1 pour commincher, i fallot qui tombe bin dins l'carré, pas sur l'ligne sinon ch'étot l'suivant qui jouot. Pis, sur 1 pid in ramassot l'piou dins l'carré in s'panchant sins mette ches 2 mains par terre (sinon in étot éléminé) in sautot aud'sur du carré d'ouqu'i avait l'piou, toudis sur 1 pid, et un sautot dins les autes carrés comme à la marelle. Si in avot réussi, in r'jouot in lançant l'piou dins l'carré 2 et toudis sur 1 pid, in sautot dins l'carré 1, in ramassot l'piou dins l'carré 2, in sautot aud'sur de ch'carré et in continuot comme cha jusqu'à avoir fait les 8 carrés. Pour l'peu qu'in linçot mal, ou qu'in sautot sur l'ligne, in donnot l'piou au suivant jusqu'à que li aussi i fasse un' erreur et ainsi d'suite.

Mi, j'étos chimpionne ed piou à l'époque, au point que monmère elle pinsot qu'j'avos un problème et qui fallot qu'j'aille vire un toubib : j'usos que m'cauchure droite.....heureusemint que l'cordonnier ch'étot un ami à min monpère, i voulot bin arsemmeler qu'une cauchure !

In avot bin du plaisi quand qu' in étot tiots, hein? matante et aveuc deux fos rin core.