| Quanque qu'in avot pas l'télévision | |
|
|
Auteur | Message |
---|
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Quanque qu'in avot pas l'télévision Dim 6 Nov 2011 - 23:19 | |
|
Dis mamie qu'est ce que tu faisais quand y avait pas la télé à ton époque J'ai bien aimé quand elle m'a dit à ton époque. J'y ai eu drot à l'bonne question. Diffichile ed faire comprinde qu'in vivot sans tout cha, télé téléphone portape téléphone tout simplement à l'mason. In avot toudis à faire. Déjà in écoutot l'poste radio, in bonne plache sur inne étagère dins l'coin de l'cuisine avec un napperon bien amidonné. je m'rappelle L'famile Duraton et des pièces de théâtre. J'ai appris à tricoter toute tiote, à détricoter les pulls, à broder avec m'mère In lisot aussi mais des lives d'infants y in avot pas autant qu'aujourd'hui. In espliquant cha à m'tiote file j'ai eu l'impression d'faire partie vraimint d'inne aute époque |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Quanque qu'in avot pas l'télévision Lun 7 Nov 2011 - 8:13 | |
|
- la clo a écrit:
- Dis mamie qu'est ce que tu faisais quand y avait pas la télé à ton époque
In avot toudis à faire. In étot souvint toute l'famille autour de l'table à jouer à toute sorte d'jeux: P'tits chevaux, dominos, bataille, jeu des 7 familles, meccano, etc.... Et in allot au lit d'bonne heure bin souvint... |
|
| |
pistouille2
Sexe : Date d'inscription : 11/04/2011 Messages : 214 la seyne sur mer
| Sujet: Re: Quanque qu'in avot pas l'télévision Lun 7 Nov 2011 - 9:21 | |
|
C'est vrai nous jouions au baccalauréat, à la couleur et cela reste de bons souvenirs bien plus tendres que les programmes de télé |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quanque qu'in avot pas l'télévision Lun 7 Nov 2011 - 10:54 | |
|
Chez mes parints in a eu l'télé quind j'avos 12 ans mais avint avec mes frères in allot vir chés émissions pou l'jonnesse du jeudi après midi chez mes grinds parints paternels qui avottent LE POSTE ! Mais comme i n'y avot pas des émissions toute l'journée comme asteur, in juot aussi grammint, "aux dadas", à la belote que min grind père avot fort querre... pis l'soir d'toute manière ch'étot "allez hop ! tertous au lit !" L'première émission que j'ai eu l'drot d'raviser au soir, j'avos 14-15 ans et ch'étot "les rois maudits" d'après Maurice Druon avec jean piat, série que j'ai déjà dit ichi pusieurs fos que j'ADOROS ! après avor vu l'série j'ai dévoré les lifes... j'ai toudis gramint lu, même asteur, que j'me couque à 10 h ou bin 3 h au matin faut que j'lise un tiot peu... |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Quanque qu'in avot pas l'télévision Mar 8 Nov 2011 - 6:53 | |
|
Bin mi j'ai appris à démarier chés carottes,à arpiquer porions,casser du tiot bos pour alleumer ch'feu,avec et m'faucille j'allos coper d'lherbe pour chés lapins... J'avos l'drot d'juer aussi... à l'fronde,à deschinte ch'terril sur un couvercle d'bouleusse,in essayant de nin s'faire printe par ch'garde des mines,aux mappes,aux osselets,fin Aout et Septembre,in passot ses journées dins chés camps à glaner à patates,à pos d'chuc, In s'innuyot nin dins l'temps... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Quanque qu'in avot pas l'télévision Mar 8 Nov 2011 - 10:03 | |
|
Mi, j'cros bin que j'a toudis eu l'télé, un tiot poste in noir et blinc aveuc plus ed bois que d'écran, d'ù qui n'avot qu'eune chaine. Ch'étot l'mire ORTF pis les speakrines et pis interlute... l'tiot train aveuc ses rébus.
Des fos in ravisot l'général de gaulle qui causot dins l'poste, in étot presque géné qui soche à nou majon et pis d'ête un quémiche ed nut devint li!
De toute façon, in allot au lit d'bonne heure, surtout in hiver ou tchin qui avot école et j'cros bin qu'ch'est un secret pour ête in bonne sinté que respecter un tiot peu ces rythmes: y'a qu'à raviser les glaines!
Cha m'fait rire ches tiots qui demindent cmint qu'ch'étot à notre époque... comme si notre époque ch'étot foque el jeunesse.
J'donne des conseils d'aller au lit d'bonne heure mais hier soir aveuc m'n'homme in a ravisé eune émission sur Michel Delpech... et in s'a sinti viux d'avir connu les 45 tours et tout cha....faut dire que l'technique elle évolue vite!
Y'avot dins l'emission un passache d'ù que l'canteu y guinchot aveuc eune guernoulle blonde crépée et laquée ... hé bin rin que d'raviser cha , y'a l'parfum de la laque à caveux qui monté au nez de m'n'homme... Y'a du in guincher des slows avint ed trouver infin s' princesse! ( ch'est mi !) |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Mer 9 Nov 2011 - 19:29 | |
|
Ch'est vrai que les tiots is nous prentent des fos pour des fossiles vivints... Mais bon, in a fait un tiot peu parel... Les gins qui avottent connu les carrettes à gvas, ou les trams saqués par des gvas, pour nousautes ch'étot des de l'incien timps énon?
Cha dit, je ne sais nin pourquo, mais ch'est vrai qu'à nous majon je diros qu'i a toudis eu l'télé. Par contre, cha qui a mis du timps à arriver, ch'est un tourne disque. Cha, ch'est arrivé tchand que Mérilou elle étot toute tiote. A m'mote que le premi disque qu'i a eu à l'majon ch'étot gros nounours. Pom pompompom pompompom pom pom... et pis cha a vite fait d'imbrayer avec les beatles, hugues aufray et des canteux comme cha.
In découvrot les canteux à l'télé chez nousautes. Cha a été le cas pour Adamo, Polnareff, Antoine et pis plein d'autres. I avot des émissions spécial jones, avec albert raisner et sin larmonica. Je ne chus nin sur si que ch'étot albert...
Et pis i avot saturnin! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Mer 9 Nov 2011 - 19:30 | |
|
Ah ouais, mérilou, l'prochaine fos que je te vos, rappelle me de t'appeler princesse...
In a saqué le gros lot avec cheule_là! |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Quanque qu'in avot pas l'télévision Mer 9 Nov 2011 - 20:19 | |
|
tin, in parlint d'princesse: tin Albert Raisnier (et sin l'harmonica?) ch'étot nin el prince ed monaco? |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Quanque qu'in avot pas l'télévision Mer 9 Nov 2011 - 20:59 | |
|
Albert Raisner s' n'émission ale sap'lo: Age Tendre et Tête de Bois |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Quanque qu'in avot pas l'télévision Mer 9 Nov 2011 - 21:25 | |
|
J'confond aveuc Albert Reigner.. que ch'est pus âge tendre et tiête ed bos mais tiête couronnée.. je m'dijos aussi qui n'juot nin d'l'harmonica. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Mer 9 Nov 2011 - 21:40 | |
|
Je confirme: in a saqué le gros lot avec cheule-là.... |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Quanque qu'in avot pas l'télévision Mer 9 Nov 2011 - 21:42 | |
|
- batisse a écrit:
- Je confirme: in a saqué le gros lot avec cheule-là....
Et s'n'homme i dit cha aussi ? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Mer 9 Nov 2011 - 21:59 | |
|
Li i a l'air contint... des fos je me deminte si qu'i se rind compte... sacrée mérilou! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Quanque qu'in avot pas l'télévision Mer 9 Nov 2011 - 22:10 | |
|
Du temps d'Jean Nohain, in véyot le trio Raisner (de Monaco bin sur). |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Mer 9 Nov 2011 - 22:29 | |
|
Te ne vas nin t'y mettre aussi tisaute? In a déjà de l'misère avec eune, alors si que vous vous y mettez à grammint, in va tourner balous ichi. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Quanque qu'in avot pas l'télévision Mer 9 Nov 2011 - 22:37 | |
|
In Gelbique in a aussi not Albert qui a été appelé à régner ...(de Monaco bin sur) |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quanque qu'in avot pas l'télévision Mer 9 Nov 2011 - 22:45 | |
|
à régner, à régner ? pouquo pas libellule ou papillon ?... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Quanque qu'in avot pas l'télévision Jeu 10 Nov 2011 - 7:09 | |
|
Je vos qu'i n'd'a qui n'ont nin compris.
L'cheftaine elle arcomminche....
Z'avez nin honte, à vous âches?... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Quanque qu'in avot pas l'télévision Jeu 10 Nov 2011 - 7:26 | |
|
- flersois a écrit:
- Du temps d'Jean Nohain, in véyot le trio Raisner (de Monaco bin sur).
Is juotent pas d' harmonica cheux lale ? ? ? |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Quanque qu'in avot pas l'télévision Jeu 10 Nov 2011 - 8:02 | |
|
- Citation :
- Dis mamie qu'est ce que tu faisais quand y avait pas la télé à ton époque
Cha valot bien les dessins animés de l'télé : Bibi Fricotin Bécassine Fripounet et Marisette Coeurs Vaillants Les pieds nickelés Tintin Etc... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quanque qu'in avot pas l'télévision Jeu 10 Nov 2011 - 8:50 | |
|
Sylvain, Sylvette... j'avos querre leu' avintures ! pis l'série des Martine bin sur, i avot vraimint d'jolis dessins dins Martine. J'in ai racaté i a pas longtimps des Martine pou mes tiots que j'garde et cha plait toudis autint aux nouvielles générations, Ouf ! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Quanque qu'in avot pas l'télévision Jeu 10 Nov 2011 - 10:15 | |
|
L' trio Raisner aveuc eune speakrine qui n' avot pas frod à ses fesses. https://www.youtube.com/watch?v=tOdGE8RHEME&feature=related J' adoros ...pas l' présintatrice mais l' trio Raisner! ! ! ! Du qui est ch' timps la ! ! ! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Quanque qu'in avot pas l'télévision Jeu 10 Nov 2011 - 10:33 | |
|
Merci ppPB, j'savos pas du tout qu'Albert avot fondé c'trio !! mi j'connaissos foque l'Arbert d'âge tendre et tête de bois"... j'ai acouté l'morciau que t'as partagé attintivemint et j'sus allée su l'net vir c'qu'in disot su albert reisner et sin trio... J'ai cor appris quette cosse aujourd'hui.... In tous les cas j'ai acouté l'morcieau avec l'tiote de 2 ans assise su mes genouilles et alle a eu l'air d'apprécier, elle dit "encore musique"... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Quanque qu'in avot pas l'télévision Jeu 10 Nov 2011 - 11:02 | |
|
. Cha armonte loin, ch'étot du timps d' Jaboune, Jean Nohain, et si j' me trompe pas dins " 36 Chandelles" |
|
| |
Contenu sponsorisé
| Sujet: Re: Quanque qu'in avot pas l'télévision | |
|
|
| |
| Quanque qu'in avot pas l'télévision | |
|