Avec cheule manie que certains docteurs ont de faire n'importe quo pour faire acroire à lus client(e)s que le timps n'a nin d'imprisse chu eux, in arrife à des situations tragico comiques.
Des nénés de jone file chu des mémères qui avotent plutôt tindince à les vir pinte de chaque côté de lu nombril, cha passe incore.
Mais de rinte des ménopausées inceintes, cha comminche à tourner au drame énon? Cha fait des orphelins in puissince, pour le seul plaiji de lus parints! Mi je trouve cha criminel.
Infin bon, cha se passe dins eune résidinche d'artraite d'ùche que, justemint, i a eune mémé qui avot assez de doupes de côté pour convaincre sin gynécoloque de la rinte inceinte par des moyens forchémint nin naturels.
Bon, elle a accouché et elle a rintré à sin lappartemint de s'résidince.
Du coup, forchémint, ch'est le défilé des visites. Ch'est vrai que ch'est nin courint eune naissince dins eune résidinche d'artraités.
Alors i n'd'a eune première qui se pointe et sonne à l'porte.
- salut Huguette, je chus venue vir tin tiot comme i est bieau...
- ouais, ben pour l'instint ch'est nin possipe. Mais te prindras bin un tiot café avec mi in attindint énon?
Nin longtimps après i n'd'a eune autre qu'elle sonne
- salut Huguette, oh t'as de l'visite, je peux arvénir plus tard si que te veux. J'étos venue vir tin tiot, pour vir si qu'i est aussi bieau qu'in le dit.
- ouais, ben pour l'instint ch'est nin possipe. Mais te prindras bin un tiot café avec mi in attindint énon? Ch'est pratique le copier/coller...
Et cha arcomminche avec incore eune autre visite, et cha finit parel:
- ouais, ben pour l'instint ch'est nin possipe. Mais te prindras bin un tiot café avec mi in attindint énon?
Des visites, i n'd'a comme cha 7 in suivint. Toutes pour l'même raison et cha à chaque cop cha finit parel:
- ouais, ben pour l'instint ch'est nin possipe. Mais te prindras bin un tiot café avec mi in attindint énon?
A un momint i a Marthe, l'première qui s'avot pointée après l'vaisselle, qu'elle ose deminder:
- dis donc Huguette, ch'est nin que je soche curieusse, mais commint que cha se fait que ch'est nin possipe de vir tin tiot pour l'instint? Tchand qu'ch'est qu'in pourra l'vir? T'as bétôt pus de cayelle et les suivintes elles vont devoir rester debout. Te sais, i n'd'a qui ont de l'misère avec lus guimpes. Alors, tchand?
Alors Huguette, un tiot peu gênée quind même, elle avoue l'vraie vérité:
- j'attinds qu'i se révelle et qu'i braisse.... je ne sais pus d'ùche que je l'ai mis!
Valà, ch'est fini. Ch'étot là qu'i fallot rire, ou braire....