salut mes gins

j'sus cor un tiot peu in congés, j'in profite...
samedi in a été aveuc des amis à Bruxelles, ché eune ville qu'in a quère tertous
y avot cor ché illuminations su l'grand plache chéto fin biau
mais vinguette que frod!!!
j'avos mis un damart un pull in laine, cor un par au d'seur;m'casaque in piau d'mouton, min bonnet dusqu'à mes yux, mes gants in laine, mes gros godillots pis des collants in d'sous d'min d'jean (NON j'n'ai pon d'photo)
chéto l'début des soldes aussi là bas, donc, aveuc m'copine guernoule in a fait ché magasins
té rintres y fait caud, t'artires tin bonnet, tes gants, té dégraffes t'casaque, t'arsors,té fais parèle in sins inverse, té rintres dins ch'magasin à côté ,t'arcomminches....
du cop, tin nez y file, pis y file pus vite qu'ti pou printe tin mouchoir dins t'poche (surtout aveuc tes gants) té r'nifles mais au bout d'un momint cha n'suffit pus, t'as un filet d'morve tout du long , tes yux y braitent', t'arrives pus à articuler pacheque tin minton y est ingélé...
ché cha qu'in appelle avoir l'air sexy!!

j'ai pon mis min sujet à l'bonne plache, ché pour pon laicher Minloute tout seu dins ch'cas là

T'es vraimint surte que t'as nin de photos?

T'copine guernoule - cha ne serot nin un pléonasse cha? - elle avot nin d'apparel à photos. Te diras, avec des moufles ch'est nin facile d'appuir chu le bouton.

Tcheu malheur. Cha m'arot fait tellemint plaiji de te vir in sexy. Bon, j'ai bin des photos de théâtre, mais ch'est du théâtre, tindis qu'in vrai....

Bon, cha dit, Roger i faut de déméfier parce que je ne sais nin si que t'armarques, mais i a eune bante de boyaux rouches écarlates qui font exprès de foutre le brun dins les sujets.

Et je sins que d'ichi bétôt i a Marie-Claire qu'elle va mettre s'recette complète de l'tarte à libouli ichi.

Je seros ti Roger, je feros des gros ys.

ouais ch'est vrai cha!
ya du laisser aller

D'un aute coté in peut aussi dire que dins l'rubrique Présintons nous, Camanette ale s'a présintée comme ale étot à Bruxelles avec es copine , in peut vire cha comme cha aussi , in peut canger intre l'jour dù qu'in s'présinte et un aute jour ..
j'in connos un qui dot maronner dins sin coin, suivez min r'gard vers l'Est, in s'disant ben ben ales n'ont des drôles d'idées ches garrnoules

Effectivemint, i n'd'a qu'elles ont des idées biscornutes.

In tiête de liste, Camanette. In lit dins sin texte que sin rêve ch'est d'être sexy et quo qu'elle dit pour se présinter: "bonjour, bi ch'est Cabanette, j'ai eune cobine que ch'est eune guernoule, et je chus fachile à arconnaitre, j'ai boutonné le dibinche abec le lundi à m'casaque, et j'ai des bouquilles jusqu'à bes bottines. Je ne vos bus clair barce que j'ai essui bes leunettes avec bin bouchoir".

Deuxième de liste, Marie-Claire. Elle elle a décidé de se présinter autremint tous les jours. "bonjour, aujord'hu je m'appelle incore Marie-Claire mais je ne sais nin si que cha va durer. Je cros que ch'est nin 500 grammes mais 800 qu'i faut pour faire tros tartes au libouli, mais je fais aussi du pâté de marmotte, vu que j'aime cha. Min passe timps favori, hier, ch'étot d'éternuer dins un micro et de minger des tchips et des cacaouettes. Aujord'hu ch'est de canter et demain in verra".

Eh ben min paufe Roger, si que te restes calme ch'est que t'as des nerfs in acier trimpé. Je t'inviros.