nan , comminchez pas à croire que j' parle ed vous ché garnoules qui v'notent sul' site, nan nan nan
mi j 'prinds min role au sérieux, j a vu eune rubrique su l' droite quand que té sur t in profil
te vo eune jeune file comme in des seins animés in maillot d' bain et ché écrit "buquez duq' vous voulez et zallez vire la femme idéale" , mi j a buqué bin te peux gonfler ché ploplos ou arrondir l' derriere del file
AH COMMINCHEZ PAS A DIRE QUE J DIS DES CACOULES ALLEZ RAVISER,
pi au bout d' tro coups que té buques cha t amene à eune publicité du que té peux avoir un scanner déshabillant sur tin portappe .............
alors mi bébétte comme j' suis j' pinso que chéto un truc offert par l ' site alors j a acaté et j' invo comme prévu l' facture à min Roger

z avez vu asteure ..... j a 13 ans

Et t'momère elle te laisse aller buquer su des sites nin comme y faut?
T'as nin honte garchonal!

manman al' ravisse des chifédélettes, j' sais pas si té conno ché eune émission qui est remboursée par l' sécurité sociale françaisse pour tous ceux qui font du surmenache

in france ch' médicamint i s appelle "chifédeletes" et in almane i zappelent te cha " derrick" , in angleterre ché "barnaby" (mi rin qu à intinte l' générique avec l' scie musicale j' m indors"

te sais min prénom ché Minloute et min nom ché Causette

Causette et babelle, ch'est de l'même famile énon?

Cosette, ch'est cte pauff guernoule ed 13 ins aveuc des courtes maronnes trop grindes qui dot faire el ménache, passer l'wouassinque et laver l'pavé tchin qu'les aut y s'amussent.
A ch t'heure in va laichi Cosette oeuvrer trintchill pindint que s'momère elle minge ches chifrédélettes.

in m'appelle ??????

Nan nan, te peux artourner à tes chifédélettes

L'femme idéale ch'est Cosette, ch'est minloute qui l'a dit!

Te sais Mérilou, i faut se déméfier de cha que Minloute i dit.

Déjà les boyaux rouches is ne caustent nin comme nousautes, mais li, in puq, i ne pinse comme personne d'autre.

Ch'est un brafe garchon. In n'd'a un dins sin ginre ichi au villache. Bon, ch'ti d'ichi i est plus jone, alors les ginses is crottent qu'i est comme cha pasqu'i n'est nin fini.

Tout l'villache i est gintil avec li. I parle vite et in ne comprinds rin à cha qu'i dit mais i est au courint de tout. In ne sait nin commint qu'i fait. L'sirène des pompis elle sonne, in li deminte pourquo et i explique quo qu'i s'a passé, d'ù et tout cha. Du coup ch'est intéressint pour les journalisses alors I n'd'a des qui ont fait des étutes espéciales pour le comprinte. Mais is distent que cha sert à rin d'essayer de comprinte et qu'i vaut miux acater le journal si qu'in veut les détals.

Ben nousautes, avec Minloute in fait parel. In est tertous gintils avec. Tchand qu'i dit eune séquo qu'in comprind, in a intérêt à dire ouais amen. Mais si t'essayes de discuter avec li, comme ichi avec t'n'interprétation de l'femme idéale selon li... te vas être surprite. Te vas intinte causer de Pamela Anderson, que ch'est étonnint qu'i n'd'a nin incore causé d'ailleurs...

Alors, vu que je te connos, arrête! Te peux li donner des tiotes tapes chu s'tiête - fais attintion, i met du raquion dins ses cheveux gris pour faire sin cran - et te te contintes de li faire un bieau sourire comme te sais si bin faire.

D'ac? In fait comme cha? Ch'étot foque intre nousautes deux hein? Cha n'argarte nin les autres.

OUPS ! trop tard j'ai lu.........
d'tout manière i discute dins l'vide Minloute, i m'connot pas alors i n'a aucune idée de ce que à quo peut bin arsonner l'femme idéale...
bon je sais pas la peine de l'dire j'artoune à m'n'ouvrache d'guernoule

Nan nan Batisse, li i est vraimint fini, si i est comme cha ch'est passe qu'i a eu in accidint d'poussette dins l'côte des Grands Bureaux à Bruay in allant à l' "goutte de lait" pou ête pesé ou pou ch'concours du plus biau bébé, je n'sais pus trop.
Ach't'eure i pourrot pus monter sus l'minme balance, quant à ch'concours cha ch'est fini aussi passe qu'à 13 ins in est pus in bébé.

tiote bellotte a écrit:

in m'appelle ??????

Mi aussi Tiote bellotte in veyant el tite , j'm'a précipitée sur el sujet et ch'est cha que j'voulos dire aussi :cheers:

Ben ouais les guernoules, in ravissint l'titre, in arot pu acroire que ch'étot foque pour nous z'aut... hé ben non! l'femme idéale, ch'est un jeune garchonal ed 13 ins qui s'appelle Cosette et qui buque n'importe d'ù su l'ordi pindint que s'momère elle ravisse ses médicamint qu'in appelle des chifrédélettes... Voilà l'résumé de l'guernoule idéale.

Marie Claire te sait que t as passé juste à coté de ch'titre là d' femme idéale , cha s est jué à causse du dessert que t as pas voulu m' servir , alors que mi j adore les ropfitéroles

Ah ben Minloute si ch'est qu'eune histoire ed ches profiterolles , j'sus pleinemint rassurée alors ...

si minloute ,asteur y s'appelle cosette,sin nom va canger,y va s'appeller pipelette, pour ches profitéroles ches glaines vont es cotiser, pis invoyer cha à cosette escusez me à minloute !

Minloute ch'est un goulafe et pis ch'est tout.

Bon, je voudros qu'in arvienche au sujet du sujet (ben ouais, je sais, cha fait drôle mais le sujet i s'appelle "l'femme idéale chu le site" et ch'est au sujet d'eune réclame que Minloute i jue avec. Armarquez, à 14 ins ch'est de s'n'âche...) parce que là in s'a éloigné, cha qui est interdit par le réglemint et qui n'arrife d'ailleurs jamais.

Bref, je voudros faire un sondache:
- qui qu'ch'est qui a de l'pub à côté des fernietes du site et qui qu'ch'est qui n'd'a nin?

Mi je n'd'ai nin. Rin de rin. Pour mi l'femme idéale à Minloute ch'est un bandeau gris bleu avec rin dedins... Alors je voudros savoir si que ch'est parce que j'ai buqué chu eune séquo et que je chus dispinsé ou si que ch'est pasque Roger i a foutu tout cha à luche parce que cha déringe s'n'esprit à Minloute.

mi j'ai rin non pus ou bien j'sus pas core réveillée

Si si y a des pub, in l'vot quand in va sur el liste des mempes et qu'in clique sur el nom d'un mempe et là à droite y a un case ed pub

batisse a écrit:

Bon, je voudros qu'in arvienche au sujet .......... parce que là in s'a éloigné,

Batisse té dis qu'in s'a éloigné du sujet au momint dù que Minloute i dit que j'sus presque el femme idéale ... non in s'a pas éloigné du sujet mi j'treufe :queen:

aprés , i vont dire que j' raconte des cacoules, nan nan nan, mais aprés j' te dis Batisse , si tin moteur d' recherche ché Mozarella , ptete que t as pas les memes pubs qu' nous ......

in a inventé eune nouvel' tactique avec Marie Claire , in avinche à deux à découvert achteure, et là te va pas et' al' fiete min garchon , pasque té conno ché garnoules ....... ravise tchiote bellote in l' vo jamais sul' site et pourtant sin tableau d' points ché pire que l' nompe d avions qui avo l' baron rouche su s' n avion ....

Et Minloute i a fait cha?

Te m'étonneras toudis!

batisse a écrit:

Et Minloute i a fait cha?

Te m'étonneras toudis!

i a fait quoi ?