l'emploi ses instruments de musique paraît si naturel aujourd'hui que l'on ne songe point à se demander pour quelle raisons l'homme les a créés..
André Schaeffener.
genèse de la musique

tiote belotte ale va astiquer s' clarinette ,mi m' guitare et batisse s'.... cornemuse.

nounours-94 a écrit:

l'emploi ses instruments de musique paraît si naturel aujourd'hui que l'on ne songe point à se demander pour quelle raisons l'homme les a créés..
André Schaeffener.
genèse de la musique

Vinguette t'es à fond dins chés citations in c'momint nounours, t'es inspiré, t'as arçu des lifes pou t'fiête des pères ?

Té jues ti pou l'fiete de la musique, t'as toudis tin groupe ?

Nous ichi l'fête ch'étot sam'di dernier dins ches arènes.

ouais in va va juer s' soir place Monge à Paris in espérant qui n' va pas dracher
si ej cite l' nom du groupe tous les nouviaux i vont f' foute d' ma poire.

Bin si cha les fait rire té les aras fait passer un bon momint...

Les noms d'groupes des fos faut pas cacher, l'groupe d'min pus jonne, l'bassiste, i s'appelle les "Sterennodrach" et à chaque cop i a quequ'un qui deminde c'que cha veut dire (cha a rapport avec l'fait qu'is habitottent tertous l'même rue quind is étottent tiots et ch'est l'nom de l'rue déformé).... eusses is vont juer à Lyon c'soir
Un des groupes ù jue min aîné, l'saxophoniste, s'appelle les "that's all fonk", là j'sais pas pouquo. Li jue à Grenoble c'soir

Quind à min homme et mi in jue avec l’orchestre dins un tiot villache des alintours... ch'est nou derni concert d'l'année après ceusses qu'in a fait vindredi et samedi soir....
N'impêche cha va faire tout drôle l'semaine prochaine d'pas aller aux répétitions ! vagances d'chorale aussi, bon in f'ra pet ête queques répétitions avec l'quintette d'clarinettes mais in a pas fixé d'calindrier alors ?.....

té l'aura voulu.
i s'appelle "de la part des anges"

Ah ouais !
Vos êtes des anches avec des tiotes cornes su l'tiête

Nousautes nou orchestre i s'appelle EOL(e)
v'la sin logo et min instrumint....

Mi j'ai été à la fiête de la musique de min villache. A Guebwiller i avot plein de choix. Ichi, à 3 km, i n'd'avot nin mais in a eu drot à de l'guggen musik, ou guggamusik comme is distent in alsacien.

Cha, pour mettre de l'imbiince, i n'a rin de tel. T'acoutes cha in mingint tin sandwich aux merguez et in buvint t'bière. Te peux causer à tes voisins, cha ne déringe nin les musiciens. Ch'est super. Nousautes in avot 4 grosses caisses et cha buquot!

Pour les malheureux qui ne connocherottent nin, ch'est cha:
L'plus bielle partie elle est vers les deux tiers...

ch'est vrai que cha met d'l'ambiance eun' fanfare ainsi,et ch'est plaigir à écouter.

Ch'est sur qu'i vaut miux que cha jue dehiors eune formation comme cha, pace que comme i a gramint d'cuifes ch'est toudis à fond les ballons, i a pas gramint de nuances, in pus avec les grosses caisses, cha buque ! mais ch'est sur que ch'est festif, in dirot comme les "bandas" du sud ouest...

Nosautes in a eu eune fiête de l'musique bin arrosée, côté pleufe (j'précise !). In avot rindez vous à 20 h 30, depuis 18 h i faisot des oraches, in cop i pleuvot, un cop i drachot, un cop un tiot rayon d'solel ! Evidemment j'vos passe tous les cops d'fil et mails que j'ai eu me demindant c'qu'in faisot, le chef étant pas chez lui.
In s'artroufe à l'indrot d'ù qu'in devot juer, cheule année un avot eune tiote pergola pou nos abriter, sauf que pou tertous tenir dessous in a du s'installer façon sardines dins eune bote ! d'chaque côté d'mes orelles j'avos l'coulisse des deux trombonnes qui venot m'catouiller et comme j'ai l'habitute d'bouger in juant, j'donnos régulièremint des cops d'coudes dins m'vojine clarinettiste...
Alors nosautes in a été relativemint à l'abri mais chés spectateurs courageux nos ont acouté sous chés parapleufes et les pids dins l'berdoule. Is ont eu bin du mérite.
C'qui m'a surprisse ch'est qui avot du monte, malgré l'timps. A min avis aujourd'hui i n'd'a qui sont au grog et qui ont des tire jus à portée d'main.
In a jué aussi pratiquemint sin chef et au jugé, pace que comme in étot installé i avot que ceusses qui étottent bin en face qui l'veyottent, mi j'devos m'pencher d'sus l'côté pou l'vir et comme j'étos coinchée, si j'me penchos fallot que mes vojins in fassent autint, fallot ête synchronisé ! Heureusemint comme ch'étot l'trosième fos qu'in faisot l'programme in queques jours d'intervalle, cha roulot presque tout seu' !

Tout cha cha f'ra des bons souvenirs, in a bin rigolé cor un cop ! pis un musicien (surtout amateur) cha dot s'adapter à tertoutes conditions climatiques et organisatrices !!!!

VIFE L'MUSIQUE !!!!!

nous autes in a eu d'la chance,i n'a pas draché.
in a jué jusqu'à 2h du mat' après in a été finir l' nuit et mingé eune moule frite à l'académie d' bière ej sus rintré i éto 6h du mat'.
eune bonne sieste va s'imposer avant d'alller ouvrer.

Ch'est nin Philippe Lavil qui jue dins sin album '' la part des anges''... j'ai intindu cha au poste: te sero sin guitariste nounours?

Super ette fanfare Batisse. Ché ti qui dirigeot? Ché vraimint festif! Mais i faut pon ête trop prêts.
Dins nous villache à côté, y a tous ans in concours ed fanfares. i's arrifent ed partout, France, Italie, Espagne, .....et y s'font concurrence avec leurs morchiaux, leurs improvisations, leurs différeinds styles et leurs déguisements: in régal Mais y faut s'in aller pas trop tard avint que l'bière, elle coule trop! in vrai charivari!

"De la part des anges", non ,je ne me moque pas, Ché trè biau nounours, mais as-tu réfléchi que les anges sont asexués. Quo qui pinsent ché gins quand y vous vottes jouer. Pour les jones femmes, armarque, ché bien, elles ne risquent pas grand cosse; Les autes non plus d'ailleurs

nan mérilou ej voudro bien mais j'ai pas l' niveau.

ej te propose eune rencontre main nain pour d' prouver que j'en su pas un ange.

Ché pas mis qui l'a dit! Du coup, in peut faire des déductions!

Dis me main nain, in ravissint tin lavatar, je m'deminde eune séquo: Est ce que te peux t'ramintuver quo qu'te cantos in jetint tes pétales ed fleurs aveuc tin tiot cabas?
Ch'est Camanette qui cache après une canchon qu'elle a oubliée.

Comme, j'ai m'bouque in cul d' poule, m'mère m'avot dû m'apprinte: "Viens poupoule, viens poupoule viens!"
Sinon, i m'faut plus de précision! si t'es veut que j'retrouve et' canchon!
Là, jé n' jettos pon des pétales car in défilot.
Par contre ,quand j'étos déguisée in ange( et là, vous n'avez pas vu l'photo), Là, jé jettios des pétales, cha devait ête in août, mais jé m'rappelle plus pour quo! Y avot l'curé qui bénissiot ches corons, mais c'est tout c'que j'me rappelle!

Ch'étot pas putôt in juillet ch'est là qui a gramint d'"pétales" sus la route à causse de ch' Tour de France.
Mais je n'sais pas si y a un curé qui bénit chés corps ronds avant l'départ.

min nain a écrit:

Comme j'ai m'bouque in cul d' poule,

T'es nin toudis comme cha alors?

Eh ben je chus contint pour ti.

Sinon t'aros pu être prof d'eune matière sérieuse...

Ne viens nin me dire que ch'est cha que t'étos. Je seros confus. J'insiste chu le fus

Ah, Ah, Ah! Che biau dé s'moquer!

Mi? Nin min ginre...