vl'a chi l'pus célèpe personnache d'Denain, not ami Cafougnette
l'sculputure elle est à l'intrée d'denain, su in rond point, au début de l'rue de Villard in face d'l'incienne usine Cail (que ch'est pus qu'un bâtimint bin dégradéasteur) pou ceusses qui connais'tent....

l'rue d'villard, à droite, l'bâtimint in brique ch'est l'conservatoire d'musique


l'même rue avec l'tramway moderne.... quand j'étos tiote l'tramway i étot jaune




la statue de villard

tiote bellotte a écrit:

quand j'étos tiote l'tramway i étot jaune

I a toudis eu un tram à Denain dins le 59? Je veux dire, i n'a jamais été démonté pour être rimplachi par des autos à bus comme dins les autres villes?

le théâtre, bieau bâtimint, j'y sus allée pusieurs fos quind j'étos jone, soit avec l'collèche soit pou les fêtes d'fin d'année du traval d'min papa
i a été restauré i a pas lommint


in face du théâtre, in bâtimint qui n'existot pas d'min timps, la médiathèque, bieau bâtimint aussi....


mais Deanin a bin cangé d'pis m'jonesse, i a gramint d'bieaux magasin d'disparus et j'ai été in tiot peu triste d'vir commint étottent devenus certains indrots.....

batisse a écrit:

I a toudis eu un tram à Denain dins le 59? Je veux dire, i n'a jamais été démonté pour être rimplachi par des autos à bus comme dins les autres villes?

si bin sur, chtilal i est d'pis 2006 ou 2007, ch'est line qui va jusqu'à Valenciennes, et elle dot ête complétée dins les ins à v'nir pou aller jusqu'in Belgique
l'incien tramway s'est arrêté in 1966 (ou dins chés eaux là)

ravisez bien el deuxième photo in vot el mason à Jules Mousseron. dit "Cafougnette"asteur ché un centre culturel..
té m'in voudras pas tiote belotte d'avoir mis un commentaire?

bin nounours, pouquo té pourros pas mette in commintaire, j'comprinds pas bin si j'ai mis les photos ch'est pou faire plaiji à tertous et les avis sont les bienvenus, in est là pou partager chés souvenirs....

té parles d'que bâtimint, chti qui est in brique et qui abrite l'conservatoire d'musique ?

yes. j'em sus gourré ché bien un conservatoire ed musique e j maintiens que chéto el mason à Jules Mousseron. carrefour ou cora j'en sais pus. i est juste à côté.
j'ai pas ker des commentaires sur les photos mais comme ej connos l'indrot j'em sus permis..

bin t'as bin fait pace que té m'as rappelé quette cosse, j'me rappelos pus qu'ch'étot l'majon d'Jules Mousseron
et ch'est bin Carrouf qui est derrière, i a aussi in fast food du célèpe Ronald (beurk beurk beurk) et in magasin d'ù qu'in vind plein d'séquos d'décoration....

cha s'appelle "A l'incroyape'

ouais, j'voulos pas mette l'nom pou pas faire d'pub
l'file de m'marraine elle i a travallé in tiot momint in 2009... mi j'y sus allée pou acater les fleurs pou mette su les tombes d'mes grinds parints, d'min tiot frère et d'min parrain

Merci tiote bellotte ,cha m'a fait du bin d'raviser ches photos. Alle est vraimint belle l'photo d'Cafougnette j'connaissos pas l' statue . Mi l'théate j'y allot avec em Mémé quand j'étos tiote, souvint l'diminche in allot ravéttier ches comédies musicales du ginre Marie Poppins. Mi aussi j'pinsse que quand j'vais armonter j'va ête surprisse par l'cang'mint de l'ville .In tout cas minme si in argardant ches photos j'verse eune tiote larme bin cha fait quand minme du bin d'arvire sin patelin et d'armuer des souv'nirs .

A m'mote que ch'est pour tertous parel avec sin patelain. Que cha soche ch'ti qu'in habite depuis toudis, ou le viux qu'in a quitté ou le nouvieau qu'in occupe depuis des ins.

In fait, à m'mote que cha qui fait un peu peur ch'est que pour eune raison ou eune autre, à un momint in ne s'y arconnot pus, qu'in perd ses marques... I a qu'à vir le brun que cha fait tchand qu'eune rue elle chinge de sins de circulation... et je ne vous parle nin des quartis d'ùche que le tram i s'a réinstallé, in foutint la circulation des autos à luche....

Ch'est parel à tous les niveaux, je pinse. Cha pullule de visses photos dins ch'forum et quo qu'in y vot? Des majons avec les ouaters déhiors, l'ieau à l'pompe, des punaiches ou des cafards plein les lits, de l'bedoule ou des pavés à casser les rayons des roues de vélos, des gins qui oeuvrottent grammint d'heures par semaine et qui mourottent jones, des autos qui étottent dingereusses et qui consommottent grammint, des quiens qui mordottent etc. Mais derrière tout cha i a l'jonesse des gins. Du coup is aimerottent bin que cha existe incore. Nin pour le contenint, mais pour le contenu.

Si que vous avez quitté eune majon, i a toudis un je ne sais quo qui pousse à aller l'arvir de timps in timps. Et là in vot que les successeurs is ont fait des trinsformations - ou is n'ont rin fait du tout et cha s'abime - ou alors que l'majon elle n'existe pus, et in ne peut nin s'impêcher de passer l'marche arrière.

Donc je dis heureusemint que les liux de vie is cangtent. Cha prouve qu'i a de l'vie et de l'espoir. I n'a rin de plus triste qu'un villache in train de mourir. In voyagint dins certains coins in in vot beaucoup et in ne peut s'impêcher d'avoir de l'nostalgie pour ches indrots que pourtint in ne connot nin.

Pinsez à vous afants ou tiots afants qui, dins 50 ins, diront comme nous à ch't'heure des séquos dins le ginre "in a connus des autos qui brûlottent du pétrole, des téléphones qu'i fallot tenir à s'main et faire des numéros, des avions qui faijottent un bruit de tous les diables, des majons qu'i fallot dépinser des fortunes à cauffer ou à réfrigérer, des ordinateurs avec un clavier, de l'politique avec gauche droite etc...

L'roue elle ara incore fait un tour. Infin, ch'est cha que j'espère...

mi je m' sint bien tout partout,ch'est vrai qu'in à quer sin coin, mais ch' est pas toudis sin coin qui nous fait vivre, mais ch'est bon d'in parler !!

j'fais armonter c'sujet pou célestinetta, cha va li rappeler des souv'nirs.....

d'pis que l'photo a été prise in a démoli tous les ateliers Cailles qu'in vot derrière l'statue d'cafougnette, les associations n'ont pas réussi à faire réhabiliter l'site pou l'sauvegarde de l'mémoire...

El statue ch'est pas "Villard de Lens" alors?

Bin nous à Bruay voilà s'qu'is ont fait de l'cité des électriciens (ch'est des marseillais qui font cha)


[img][/img]

[img][/img]

[img][/img]

Is ont l'intention ed réhabilité chés corons in faisant des atrocités, mais i parait que ch'est de l'art.

Ch'est quo? Des relais de téléphones portapes?

tiote bellotte a écrit:

j'fais armonter c'sujet pou célestinetta, cha va li rappeler des souv'nirs.....

d'pis que l'photo a été prise in a démoli tous les ateliers Cailles qu'in vot derrière l'statue d'cafougnette, les associations n'ont pas réussi à faire réhabiliter l'site pou l'sauvegarde de l'mémoire...

Merci merci merci Au théâtre javo été vire les coeurs de l'armée rouche avec min père , jéto tout tio, ch n'avo jamais rin vu ni intindu d'aussi bio. Yavo des sièges rouches. Min père l'a travaillé à l'atelier Cail, les freres dem mère ont été al fosse linclos (? ché pas l'écrire) mais eusse jles ai po connu, et min frere ya travaillé à Usinor. min neveu m'a montré des photos dé l'atelier Cail, aujourd'hui tout est démoli.
Merci encore

ej vient d'aller vire des photo sur un aute site que té conno loumarcel j'ai lu tin commentaire ej cro que ché ti qui a raison.
que gâchit.