|
Auteur | Message |
---|
Mérilou
Sexe : Date d'inscription : 12/01/2010 Messages : 737 Touraine
| Sujet: l'guernoule Gépéhess Lun 6 Juin 2011 - 20:56 | |
|
Je n'sais nin cmint qu'cha s'passe chez vous z'aut, mais chez nous y'arriffe qu'in va s'promener in carette aveuc m'n'homme et in veut ête surtes d'artrouver nou majon, nou gardin et nou glaines.
Avint dins les liffes, y n'd'avottent qui jetottent des tiots blancs cailloux su l'quemin pour artrouver d'ù qui crêchent. Y n'd'a qui distent qui a qu'à faire aller s'linque et qu' y faut dminder à les gins qu'in croise.
A ch t'heure aveuc l'pollution, y'a pu d'blincs cailloux et pis y'a pus d'gins dins les rues ( y sont tertous dins leurs carettes) et si qu'in trouve eune visse mémère aveuc un fichu su s'tiête et qu'in baisse sin carreau pour li dminder note route, elle ouvre tout grind ses ys, serre sin cabas su sin caraco et met un turbo à sin désimbulateur pour nin nous réponte.
Alors in a acaté eune guernoule , premier prix d'géographie que chaque fos qu'elle s'trompot à s'n'école, s'maîtresse elle li foutot des margnouffes.. alors, à forche de s'faire toute tiote et d'barrer les coups, elle a pu rintrer dins eune boîte et trouvrer d'l'ouvrache comme Gépéhess. Ch'est un nouvieau métier. Elle connot toutes les rues , les quemins de ch' Nord et du Pas de Calais et même d'aute part... et même des '' routes sins nom''
Ch'est t'eune guenoule mise in boîte ( cha arriffe souvint) et ch'est aussi eune sacré babelle ( cha c'est plus rare pour eune guernoule).
Y faut foque appuir su l'bouton pour l'réveiller: elle cminche à gratchi à s'tiête comme tchin qu'in dot réciter eune poésie et qu'in n'sait pu cmin qu'cha cominche , elle fait es mijotée, elle s'concintre pour trouver l'signal . Là y faut foque joquer sins la déringer. Et pis eune fos qu'elle s'ramintuve l'début, elle sait pu serrer s'bouque.
Au début, in li faijot confiance, elle dijot '' Tourne à droite'', in y allot... '' Tourne à gauche'' '' ch'est comme cha qu'te veux madame Gépéhess... '' et pis'' faites demi tour dès que ch'est possipe'' , ''t'es t'eune soyeusse mais in va t' obéir'' qu'in li dijot.. elle nous arot dmindé d'grimper dins l'n'hochère du catieau d'en face, qu'aveuc un bon embrayache, in y serot allés.
Elle avot premier prix d'géographie mais ch'etot aussi eune rute maligne in calcul: elle nous dit '' Té va arriver à t'majon à 17h47'' à croire que ch'est Madame Irma! . In s'arrête pour faire un tiot pisse derrière un arpe là dù qui a foque les vaques qui nous ravissent et pis in artourne dins l'carette. Madame Gépéhess elle joque et pis elle nous deminde pos si cha fait du bien, non, elle dit '' Nouviele heure d'arrivée, té va arriver à t'majon à 18h53, t'es toudis sur l'quemin el plus court'' ;
Eune fos, elle cminchot à nous énerver aveuc ses '' faite demi tour tchin qu'ch'est possipe'' toudis aveuc s'vox tout chuc et tout miel... in cminchot à l'insulter '' espèce ed flaminque ! te n'vos nin que derrière nous z'aut ch'est l'sud et que nous in veut aller dins ch'nord? pour qui qu'te nous prind hein? In est pos tchés de l'dernière pleuffe ! ''. Au plus qu'in li donnot des noms d'ojeux et au pluque qu'elle prenot eune vox tut douche ....Je n'sais nin cmint qu'elle fait. J'sus surte que tchin qu'elle serre es guiffe, elle bot du café et du gnieff pour s'calmer ... qu'elle bot aussi du chirop au chuc candy et aux carottes pour garder eune bielle vox.
Elle m'énerffe, cheulle guernoule qu'in finit toudis par li serrer s'bouque in appuyint su l'bouton du manicraque.. alors elle s'in va dormir au caut dins sin lit jusqu'à c'qu'in la réveille.
Elle est jomais vexée, elle tourne jomais sin nez, elle fait celle qui a jomais intindu de tout cha d'mécant qu'in li a dit. ( et des fos in est mache linque)
Y'a des fos je m'deminde même si qu'ch'est eune vraie guernoule qui crêche dins l'boîte de l'carette.
Et vous, vous la conaichi Madame GépéHess? Cmint qu'cha s'passe aveuc vous z'aut?
G P S= Guernoule Promeneusse Esspécialiste in géographie |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Lun 6 Juin 2011 - 21:03 | |
|
Cha va? T'as nin trop de mau à tes tiots dogts? |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: l'guernoule Gépéhess Lun 6 Juin 2011 - 21:07 | |
|
j'voudros eune baisse su mes tiots dogts tout meurtris....cha va aller, j'mouque min nez |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Lun 6 Juin 2011 - 21:22 | |
|
Mi, m'guernoule Gépaisse, i a nin fallu longtimps pour que je li dise ses 4 vérités.
Pourtint te me connos, ch'est nin min ginre d'être grossier avec les guernoules. Parce que les guernoules cha a eune espécifité vraimint espécifique: tchand que ch'est contrarié cha devient historique. Ouais ouais, historique. N'allez nin pinser que batisse i s'a incore eune fos trompé et qu'i arot du écrire hystérique.
I a des guernoules hystériques, grammint même, mais nin toutes. Par contre, toutes sont historiques. Dès qu'in les contrarie, elles arsortent des histoires qui armontent à perpette inclus et qui, dins les mémoires normales, chelles des hommes, cicatristent vachemint vite. In puq de cha, in ce qui me concerne, j'ai toudis été nul in histoire, même tchand que j'étos obligi de me souvenir pour faire plaiji à un prof et avoir eune autre séquo qu'un zéro comme note chu min bulletin. Du coup je chus comme qui dirot hindicapé mintal tchand qu'in me sort des séquos que pour mi cha n'a jamais existé. Donc, pour éviter la honte, j'évite les sujets historiques.
Courage fuyons, in quelque sorte!
Alors m'madame Gépaisse à mi, malgré eune vox vexinte qu'in dirot qu'elle pince sin nez pour causer - pourtint je ne sins nin toudis mauvais - elle a eune qualité exceptionnelle pour eune guernoule: elle n'est nin historique.
Je peux l'ingueuler comme du pichon pourri et la mettre à l'brenne pour li serrer sin caquet, elle ne me fait aucun reproche tchand que je li rinds s'liberté de parole.
A m'mote qu'elle a peur de mi.
Ch'est pour cha que je la garte: ch'est l'seule que je connos qui a peur de mi et que je m'imagine donc que j'ai un tiot peu d'influince chu cha qu'elle va faire.
A m'mote que je me fais des illusions.
Infin bref, ch'est souvint que je me déméfie de cha qu'elle dit et j'ai in principe toudis eune carte routière pour vérifier que cha qu'elle me dit de faire ch'est nin des cacoules. Parce que souvint, ch'in est... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: l'guernoule Gépéhess Lun 6 Juin 2011 - 21:31 | |
|
Ti, t'a eune carte routière pour vérifier, ch'est nin du jux, te triche. Y faut tut d'même arconnaite de Madame Gépéhesse, ch'est des fos eune soyeusse mais elle raconte tout ed tiête, alors forchémint des fos, y'a des cacoules. Te cros vraimint qu'elle a peur ed ti? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Lun 6 Juin 2011 - 21:34 | |
|
- Mérilou a écrit:
- Te cros vraimint qu'elle a peur ed ti?
Laisse me mes illusions, sale gamine! |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: l'guernoule Gépéhess Lun 6 Juin 2011 - 21:40 | |
|
tiens, in parlint d'illusions: mi aussi..... j'ai peur ed ti |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Lun 6 Juin 2011 - 21:51 | |
|
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: l'guernoule Gépéhess Lun 6 Juin 2011 - 22:04 | |
|
Ouais Mérilou, va pas nos l'contrarier, té sais qu'i a les boyaux fragiles, c'garchon...
Mi l'madame Gépéhesse, je l'aisse pas parler, j'y ai copé l'chifflet dès l'premi jour, j'me méfie des guernoulles à l'vox injoleusse... j'laisse juste l'itinéraire s'afficher (faut dire que ch'est mi l'copilote, comme cha min homme peut rester concentré su l'route et pas s'laisser perturber par eune vox de sirène et s'perde comme Ulysse...) Eune fos alle voulot nos faire traverser tout l'centre d'Paris pour arjoindre l'Oise ! heureusemint qu'in a habité l'région parisienne, in s'a pas fait reuler dins l'farine, pourtint in l'avot bin paramétrée l'madame Gépéhesse, alle arretot pas d'signaler qu'i fallot faire demi-tour, j'ai cru qu'i allot avoir deux tiotes mains qui allotent sortir du boitier et nos donner des margnouffes. Eune aute fos j'étos dins l'carette d'une amie et s'madame Gépéhesse nos a fait passer par un quemin qu'in avot l'impression qu'in allot à perpete et nos dijot qu'in devot arriver 1 h pus tard, ch'étot vraimint bizarre. J'deminde à m'copine eune carte routière, j'vérifie d'ù qu'in dot aller, j'arrête l'babellache de madame Gépéhesse, j'dis à m'copine, teurne là, prind cheule direction là, etc..... et un quart d'heure après in étot arrivées !... Pis des cops i a des tiots miracles, alle nos amène sins problème juste à l'indrot qu'in veut aller et l'pus rapidemint possipe.... alors mi j'dis que ch'est des caractérielles chés madames Gépéhesse ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Mar 7 Juin 2011 - 6:45 | |
|
- tiote bellotte a écrit:
- J'deminde à m'copine eune carte routière, j'vérifie d'ù qu'in dot aller, j'arrête l'babellache de madame Gépéhesse, j'dis à m'copine, teurne là, prind cheule direction là, etc..... et un quart d'heure après in étot arrivées !...
Pis des cops i a des tiots miracles, alle nos amène sins problème juste à l'indrot qu'in veut aller et l'pus rapidemint possipe.... alors mi j'dis que ch'est des caractérielles chés madames Gépéhesse ! Le jour que t'as trouvé l'route avec eune carte, cha dot être eune année qu'i a eu un cataclysse ou eune séquo ainsi. Ou comme te dis ti-même, eune année à miracle. Ou alors i faudrot te mettre sous un globe avec eune étiquette in bas qui dit "spécimen rare de guernoule ayint su lire eune carte. Définse de jeter des cacaouettes" |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: l'guernoule Gépéhess Mar 7 Juin 2011 - 7:21 | |
|
Je n'sais pas s'que j'ai fait d'mal mais em Mme Gé Pet esse alle m'invoe toudis vers chés gendarmeries ou chés commissariats, des fos ch'est aussi vers chés docteurs, alle est sournoise passe qu'alle dit rien mais alle affiche sus ch'l'écran comme cha je n'vos pus l'route. Ch'est eun' vrai chameau. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: l'guernoule Gépéhess Jeu 9 Juin 2011 - 15:54 | |
|
J'ai fait eun' "Risette" à Mme Gé Pet Esse et ch'est toudis parèle alle m'invot cor vers chés gendarmeire, chés commissariats et vers chés docteurs. Qui ch'est qui pourrot m'dire pourquoi alle me fait cha? |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: l'guernoule Gépéhess Jeu 9 Juin 2011 - 16:01 | |
|
Ch'est que marque tin Gé pet Esse? Marcel!! |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: l'guernoule Gépéhess Jeu 9 Juin 2011 - 16:09 | |
|
Bin ch'est avec cha que t'invos tes messach' in tapant d'sus, ch'est un Tom Tom. In tapant sus ch'Tom Tom té peux aussi danser et faire el danse de l'pleuff'. |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: l'guernoule Gépéhess Jeu 9 Juin 2011 - 16:17 | |
|
te sais tiote bellotte que t'es pon obligée d'avoir eune guernoule gépéhesse à l'vox injoleusse.... y existe des mossieurs gépéhess aveuc eune vox bin grave....si grave des fos qu'in crorot qu'y viennent juste ed 's'elver!! |
|
| |
pistouille2
Sexe : Date d'inscription : 11/04/2011 Messages : 214 la seyne sur mer
| Sujet: Re: l'guernoule Gépéhess Jeu 9 Juin 2011 - 17:19 | |
|
[i]c'est vrai moi j'ai mis un mec Gépéhesse, mais j'aime quant il dit faites demi tour sur l'autoroute, alors quelquefois moi aussi je lui coupe le sifflet, je ne vais pas me laisser commander par un mec |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: l'guernoule Gépéhess Jeu 9 Juin 2011 - 19:48 | |
|
Si ti li coupe el sifflet y va avir eune vox d'guernoule. Retour à l'case départ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: l'guernoule Gépéhess Ven 10 Juin 2011 - 11:54 | |
|
- camanette a écrit:
- y existe des mossieurs gépéhess aveuc eune vox bin grave....si grave des fos qu'in crorot qu'y viennent juste ed 's'elver!!
Te ne confonds nin avec des klaxons de caméons des fos? |
|
| |
Contenu sponsorisé
| Sujet: Re: l'guernoule Gépéhess | |
|
|
| |
|