Bin chez nosautes cha s'passe très bin l'fête des vojins..
Cha fait asteur 23 ans qu'in fait eune soirée, eune fos l'an intre vojins...
Pindant 15 ans in a fait un barbecue, in organisot cha à deux, un d'mes vojins pis mi, courses, logistiques et cie, in s'mettot su l'parking du lotissemint, tertous donnot un cop d'main, in est 35 majons et i avot toudis pus de l'moitié des gins qui participottent in fonction d'leu possibilité, pis min ami est décédé accidentellemint et eune d'mes vojines et amie a proposé de l'organiser avec mi, in a cor fait l'barbecue pindant 5 ans pis in s'a dit que cha serot moins lourd à organiser si qu'in s'alignot su l'date de l'fête des vojins, alors d'pis 3 ans in fait comme cha... comme ch'est pus lipe et que les gins ont pus b'soin de prévenir si is sont surs ou non d'venir, bin cha va et cha vient et y a toudis du monde, chacun amenant eune séquo à boire ou à minger.
Pou l'première fois depis 23 ans min homme et mi in a pas participé hier pou des raisons indépendantes de nou volonté mais in sait que cha s'est très bin passé et certains s'sont inquiétés d'savoir pouquo in étot pas là.
Et pourtaint j'précise qu'in est loin de tertous s'fréquenter dins l'lotissemint, comme d'partout i a des affinités avec certains et pas avec d'autes, mais 50 % de participants au bout d'23 ans j'pinse que ch'est pas mal.
Et in est pas eune exception, i a pusieurs quartiers du villache (in est un tiot peu pus d'5000 habitants) qui l'font, in peut même deminder des taffes et des cayelles à prêter auprès de l'mairie...
Sujet: l' fête des visins 
Sam 28 Mai 2011 - 10:37
