D'une revue de travailleurs handicapés avec comme dossier "Le regard de l'autre" je vous livre ce qu'a écrit en patois un "travailleur" qui a signé d'un pseudo

Commint qu'te m'ravisse ?

Pourquo les gins qu'je croise i m'ravisse avec un air drôle ?
P'tet ben qu'j'ai mi min capiau à l'invers, ou qu'j'ai boutonné lundi à mardi,
mais si j' m'ravisse dins l'glace, ben non j'su bin fagotté.
Alors pourquo qui m'ravisse ainsi ? Ché nin facil d'comprint.

Quand j'étos incor qu'un tiot quinquin el première fo que quéqu'in m'ravisso ch'étot mes parints. Et mi j'voyos que des gins qui rigolent et qui sont fin bénache de m'vire.
Quand j'ai grindi j'voyos ben qu'des fo sur l'guiffe d'mes parints ch'étos nin facile d'avoir un tiot comme mi. Y z-étot parfois défoutus d'vire des gins m'zieuter.

Plus tard, j'ai comminché à comprind que ch'étot ben plus rute d'supporter l'regard des aut'es. Les gins qui t'ravisse soit is ont pitié, soit is ont peur et même des fos i'n'da qui font eun' graine. Mi cha m'rin triste d'vire cha, mi j'veux juste qu'in m'ravisse comme tout l'monte. Ch'est nin de m'faute si j'chus handicapé.

mais dins m'vie, j'ai aussi vu plein d'monte qui s'en fouto pas mal d'commint j'étos. Des gins qui m'dijot "bonjour" des gins qui m'écoutot même si j'ai nin un biau parlache, enfin des gins qui m'voyot comme j'étos. Et cha, j'ai compris qu'j'étos quequ'in de comme i faut.

Alors si ch'est dur pour ti quand les autes i t'ravisse,n vindious saque d'dins, ch'est nin ti qui est drôle, ch'est l'regard des autes qui est handicapé.

Tiot quinquin.

Extrait de Sillage revue trimestrielle
Les Papillons Blancs de Roubaix-Tourcoing
Avril 2011

Le fond i est magnifique mais l'forme n'est hélas nin à la hauteur.

Ch'est dommache. Cha hindicape le texte. Pour mi, ch'est comme un canteux qui cante bin, mais qui a un micro qui rind l'écoute pénible.

L'éditeux arot pu arringi cha. A m'mote de bertonneux...

Bin té vos Batisse, mi j'troufe que l'éditeur a bin fait d'rin canger.
J'pinse pas que l'auteur ait voulu faire un texte in rimes ni in proses. I a voulu simplemint parler avec sin coeur de c'qui vit au quotidien avec chés mots à li. Pis pet ête que ch'garchon a m'maux à s'exprimer, ou bin qu'i n'a pas eu l'occasion d'apprinde l'syntaxe...
Quind m'file va s'proumener avec chés infints autistes dont alles s'occupent, bin l'argard des gins n'est pas toudis tindre, souvint par peur que cha leu arrife dins leu vie et souvint par minque d'information su l'maladie... et l'autisme ch'est qu'eune forme de handicap (avec plein de stades différints)...

Citation :

"batisse"L'éditeux arot pu arringi cha. A m'mote de bertonneux...

Bin non Batisse, l'éditeux, chi i'avot arringi ch'texte cha n'arrot pu été l'parole ou les mots de tiot quinquin et i'arrot incore dit "Commint qu'te m'ravisse ? J'ai nin mis l'verpe avec el sujet ?"

m' garnoule à l'a gardé un tiot trisomique.ej cro qu'ej vous ai déjà raconté l' histoire.
i est parti parce que les parints on déménagé.
i est iper gentil. et très receptif malgrè sin handicap .
j'ai des photos d' min copain Rafi dins mes doc' que bien sur j'en mettrai pas sur l' site .
juste pour vous dire que cha soit des tiots ou des adultes n' les ravisez pas d' "travers " in disant in vous meme :ch' ti la i est pas comme un aute!!

Bon, in ne va nin in faire tout un fromache, mais si l'orthographe des mots est plutôt bonne - chapeau pour les accents - les conjugaisons sont un cran en dessous.

J'aros aimé lire

te me ravisses
les gins me ravissent (ou me ravistent)
La conjugaison de rigoler est bonne mais pas celle de ravisser. C'est étrange énon?

Cha m'étonnerot qu'in écrivint des textes ainsi le tiot quinquin soche hindicapé mintal.
Il y a beaucoup d'aveugles qui maitrisent parfaitement la musique. Et je ne sais nin vousautes, mais pour quelqu'un qui aime l'musique, un tiot afant qui chuffèle dins eune trompette ou buque chu un tambour... ch'est vite lassint

M'infin bon, cha n'est que min avis. Si que vous n'êtes nin d'accord, cha ne m'impêchera nin de pinser comme je veux...