Aujourd'hui ch'est l'Ste Cécile, patronne d'tous chés musiciens
Alors bonne fête à tous chés musiciens, ceusses qui ont fait de l'musique, ceusses qui in font cor pis ceusses qui ont invie d'in faire... et pis tous ceusses qui ont quer l'musique, du rap à l'opéra
Avint i avot toudis un banquet de la Ste Cécile, asteur cha s'perd, quoque ichi dins l'région i a des efforts d'fait mais ch'est pus les bombances d'avint
J'ai vu su un life de m'ville l'descriptif du banquet d'eune Ste Cécile d'y a eune quarantaine d'année, bin i avot d'quo minger ! j'sais pas commint is faisottent pou avaler tout cha ! et c'banquet étot toudis précédé par un concert
Nousaute c't'année in a rin d'prévu, faut dire qu'in sort d'un concert important pou aller vers deux concerts l'même jour in janvier, alors i a du boulot ! in pouvot par armette in aute concert intre deux...

pis pou pouvoir faire bombance, faut avoir des sous dins sin porte monnaie..... ché eune dinrée qui s'perd

tiens in parlant d'musique, j'vas inregistrer un deuxième CD aveuc Jules RAMON c'vinderdi chi.....in n'est pon couqué!!

Ch'est qui dins tin avatar? Nicolas ou Pimprenelle?

Si te te mets à dire bonne nut les tiots à 8 heures au matin, in peut dire que te prinds assez d'élan!

Eune bonne fiête à tous les musiciens, pis à tous les aveugles aussi. Imaginez vous vies sins vir clair. Cha dot être rutemint dur.

camanette a écrit:

j'vas inregistrer un deuxième CD aveuc Jules RAMON c'vinderdi chi....

Rin que de t'imaginer in train de faire wouawouawouawoua avec tin air le plus sérieux cha me déclinche eune risette. Ne m'in veux nin, ch'est nerveux.

Te tournes t'main in même timps comme si que te lavos les carreaux de l'auto de t'n'homme? T'as incore des cauchettes à rayures pour canter?

Des fos j'aimeros bin être eune tiote sourite.

Allez va, bon amusemint tiote

bon, d'eune ch'n'est ni Nicolas ni pimprenelle ,ché Nounours et ch'marchand d'sape, j'vas essayer d'in treuver eune in couleur pacheque t'as la vue qui baisse à m'n'avis.....et de deusse, pour inregistrer qu'j'ai des cauchettes à rayures o bin un snip in dintelles, in s'in fout, cha n'est pon un DVD......(pon cor!!)
mais j'vas bin m'amuser quind meume..

et euh..... pssst Batisse, je n'lave pon les carreaux de l'auto de m'n'homme

No comminte...

Camanette j'espère que té t'amuseras autint qu'nousautes in s'a amusé qu'in in a inregistré nou Cd.... que t'euches des cauchettes in dentelles et un snipe à rayures (ou pas).....

Alors mes gins, attintion, là ch'est l'minute culturelle ! :
D'après vosautes qui ch'étot Ste Cécile ?, si vos êtes comme mi vos l'savez pas, alors pou vou érudition (j'cause bieau !) j'ai caché et vl'a c'que j'ai treuvé su Wikipédia:
Cécile de Rome, une des sainte Cécile, ou sainte Aziliz dans le le calendrier breton des saints, est une sainte chrétienne. Elle aurait vécu à Rome, aux premiers temps du christianisme. Sa légende en fait une vierge qui, mariée de force, continua à respecter son vœu de virginité (la paufe !) Sainte Cécile est la patronne des musiciens.
In lisant cha j'me sus demindée quel rapport avec la choucroute, l'fait qu'alle euche conservé s'virginité et qu'alle seuche patonne des musiciens (pace que j'vos rassure tous les musiciens n'font pas voeux de garder leu virginité !!!)
Pis in lisant in tiot peu d'pus l'artique in troufe que ch'est pace que pindint qu'alle allot à sin martyre (pace que ch'est bin connu tous les saints sont des martyres) alle a intindu eune musique céleste.... ch'est pou cha que depuis alle est l'patronne des musiciens, des luthiers et autres fabricants de musique....
Mi j'intinds toudis de l'musique, alors j'sus eune sainte.... ??

in lisant la fin d' tin sujet tiote belotte j'ai avalé d' travers m' garnoule ale a été obligée d' taper dins min dos.ti eune sainte qu'esse qui faut pas inttinte

Min père is dijot "vierge et par conséquint martyre".

Vinguette, i a du y avoir un rute rodéo à s'nuit de noces à celle-là.... Ou alors elle a foutu un cop de chabeau dins les roubignoles à s'n'homme, que du cop i s'a mis à canter l'tyrolienne, et que cha devrot être li l'patron des musiciens.

In a incore découvert eune erreur judiciaire qu'elle a modifiée le cours de l'histoire.

Euh... si que j'ai bin compris, saint Toni i ne risquot nin de canter l'tyrolienne à cause d'ti....

bonne fête à tous ches musiciens,ch'est normal que ste cécile al soit vierche ,al juot du pipeau

Bonjour tertous!
Eun' bonne fête de Sainte Cécile à tous ché musiciens,et tout particulièr'mint à tiote Bellotte et à nounours.
-Ouah! ch'duc!!!

merci Roger

Merci Roger, mais in peut t'dire bonne fête à tisaute aussi, i m'sanne que quind t'étos in tiot peu pus jonne té juos du tuba ?

v'la chi à l'occasion de l'ste cécile, l'hamonie d'Avion 62 :

"Concert de Ste Cécile. Le plateau de Lorette d'Emile Van Herck, Arrgt:Michel Nowak interprété par l'Harmonie Municipale Ouvrière Avionnaise sous la Direction de Michel Nowak. Emile Van Herck compositeur et accordéoniste Belge,Citoyen d'Honneur de la ville d'Avion. Evocations des champs de batailles de l'Artois Notre Dame de Lorette et Vimy"

Wunderbar ! ! ! Magnifique ! ! ! super ! ! ! !

Bonjour tertous.

J'souhaite eunne bonne d'st cécile à tous ché musiciens et musiciennes du forum.
Mi j'pars à min cours d'aqurelle, bin ché pon dutout minme misique!!!!!!!!!!!!!! ché l'valse du pinceau.

J'me suis régalé d'intinte ch'concert!
in plus ch'est eun' harmonie qui est nin trop loin de maison!

Vlà chi eun' photo qui date au moins 25 ans

personne a treuvé apparemmint.... mi nin pus
t'étos roux in étant jonne ?
allez in joque après l'réponse...

Citation :

t'étos roux in étant jonne ?

té m'as reconnu alors!
nan j'étos nin roux,j'étos blond,ch'est l'vieilliss'mint de l'photo qui fait cha...
pour chti lal qui m'a nin reconnu,j'sus carrémint à droite avec eun' grosse trompette dins ses mains.