Aujourd'hui ch'est l'ste Cécile, patronne tous chés gins qui font de l'musique aussi bin juée que cantée, alors bonne fête à tous chés gins qui des fos ont des russes avec chés textes de canchons à apprinde par coeur, chés partitions ou chés grilles, pou les gratteux, à déchiffrer.
Mais que plaiji d'faire cha !....

Bonne Fête à tous les musiciens et musiciennes , chanteurs, chanteuses, de ch'forum...



J'ai bin aimé Carmen hier au soir sur Arte.

J'souhaite eun' bonne fête de St Cécile à tous chés musiciens et canteux de ch'forum.
J'ai des bons souv'nirs de l'fête la...
Mi aussi j'a été musicien,j'faisos parti d'eun' fanfare et juot du tuba.
L'diminche qui précédot l'St Cécile, in défilot dins l'ville,cha comminchot vers 10h du matin et in traversot l'centre ville in i vindot nos fanions et breloques, in s'arrêtot chez ch'présidint,souvint à ch't'heure la, chétot café bistoulle ou chocolat au kirsch avec un tiot gatiau,après in allot chez l'chef,là! chétot l'apéritif... in pouvot faire quatre chinq maisons comme cha.. cha nous faisot rintrer vers quatre heures d'l'après midi,j'vous dit nin pour d'certains dins quel état, j'diminche d'après chétot l'banquet....
Cha fait rapp'ler de sacrés souv'nirs.

ché vrai que ché la sainte Cécile.
ej sus guitariste mais j'ai aussi jué du tambour avec bios frères musiciens à la clique "des dévoués d'Haveluy"(59.)
que des prones surtout quand chéto carnaval.
in a meme organisé eune fête d' la bière
2 jours sans dessaouler

J'y avos pinsé hier "d'main j'mets un tiot mot pour ches musiciens du forum" et ch'matin j'y ai r'pinsé mais j'étos au traval j'rintre à peine ! Un' bonne fête à tous ches canteux et joueux d'musique.

Bonne fête à tous ceux qui cantent, qui jouent d'un instrument.
C'est vrai qu'avec l'harmonie municipale ed Bruay ,in faisot un concert et un banquet. C'était i y a longtimps

min mononque Robert i éto prof à l'école d' musique à Bruay

J'ai eu l'occasion d'vir l'menu d'un ancien banquet de l'ste Cécile des années 1920, dins l'région ichi, bin ch'étot eune rude bombance, comme in in fait pus asteur, in lisant cha j'me demindos commint is avottent fait pou minger (et boire) tout cha qu'i avot !
Nosautes pus modestemint, in a fait i a queques ans eune tiote soirée, repas-dansant avec chés mempes d'l'orchestre et leu famille, tiote salate in entrée, choucroute et tarte aux pemmes. Rin à vir avec les banquets d'antan, mais ch'étot surtout l'occasion d's'artreuver tertous.
Avec mes copains du quatuor d'clarinettes in s'fait ou un tiot restau ou bin un tiot arpas à nou majon.

Flersois, j'ai vu que l'dernière demie heure de Carmen hier au soir, mais j'ai été déçue par l'mise in scène, mais comme j'ai pas tout vu, j'peux pas trop juger....