J'viens d'arpinser que ch'est l'Ste Catherine aujourd'hui !!! et je ramintuve chés bielles cartes qu'in archevot et qu'in s'montrot à l'récréation....
ichi dins l'région is connais'tent pas chés carte d'Ste catherine de nou jonnesse, est ce que cha s'fait cor d'in invoïer ?
Mi je n'd'ai pus d'chés cartes, et vosautes ? i n'd'avot des bielles...

Oh ouais, aveuc des bieaux jonnes hommes , qui prenottent un air inspiré aveuc eune rosse et des ys tout berlous.. et qu'les guernoules elles étotent sur eune balinçoires aveuc leur panti à l'air et des fleurs tut partout ... cha ch'étottent des bielles cartes qui faijottent rêver à l'impossipe....

Din nou coin cha s'fait moins d'invoyer des cartes, mais cha s'fait core..

Citation :

qui faijottent rêver à l'impossipe....

Ch'est fini d'rêver les filles!!!
J'devos vous in invoyer eun',mais ch'est vrai qu'in est St Catherirne ché jusque 25 ans....
Nan j'rigole....
j'sais que dins vos tiête, vous avez toudis 20 ans.

In a dépassé la date ed péremption... Ch'est cha qu'te veux nous faire acroire Roger ?

Allez, in a ouvert nos ys et in a arrété d'croire à l'impossipe.. mais in a pos perdu au change, in vous aime bin miux comme cha qu'vous êtes , pratique, serviapes et tout et tout plutôt qu'avec eune rosse et les ys tout berlous...

In parlant d'z'ys tout berlous, j'avos jomais armarqué que l'avatar à Roger y ravisot eune fos à gauche et pis qui faijot des cliques aveuc ses ys in ravisint à droite.
Merci à not grind chef à pleumes ed rester ainsi toudis éveillé et aux aguets que cha qui arriffe su l'foroum.