Vos in avez assez de c'temps d'brin ? alors allez raviser cheule vidéo et disez vos que ch'est pou bintôt !
https://youtu.be/VebFetMfUyI

Déjà j'ai bin ri in ravisant cha.... c'est déjà cha, l'rire nos fait vir l'soleil même si i n'd'a nin dehiors
N'impêche in part in rando in Lozère, tros jours l'ouiquende prochain, l'gîte est à 1200 m d'altitude.. faudrot quind même un tiot peu d'caleur !!!

Bin vos êtes tertous congelés ??? qu'in n'vot personne ?
vos devez êtes in train d'nettier chés majons et chés gardins, pace que quind i pleut i n'd'a de l'berdoule à inlever !

Mi hier au soir j'ai eu min rayon d'solel
J'sus allée vir Julien Clerc in concert, ch'étot à Roanne, à un peu pus d' 1 h d'route d'chez mi, mais cha valot l'cop d'faire l'route.
Min diu qu'ch'étot bin ! pou sin nouvieau spectaque i est accompagné par un orchestre symphonique et cha confirme, si besoin in étot, que RIN de vaut des VRAIS musiciens su scène, surtout des musiciens ainsi.... in tous les cas in a a pris plein nous mirettes et nous orelles, mais d'eune façon agréape...
In a eu l'drot aux anciennes canchons réorchestrées et bin sur aux nouvielles, un spectaque de qualité ! pas avare du tout, Julien clerc a fait tros rappels...
Ahhhhhhh ! j'ai fait eune bonne nuit, rimplies de rèfes après cha....

in est pas ingélés in est no- yés.

ch'matin ch'est un tiot peu mieusse mais toudis un ciel bas, cha brouillasse tout duchemint. J'ai préparé del'lessiffe pour étaler déhors pace que des guirlantes sul l'séchoir dins l'mason y a en marre. Ch'qui est sûr ch'est qu'in aura pas un impôt sécheresse ch'est toudis cha d'gagné.

Et Julien Clerc y'a canté : Laissons entrer le soleil ?








Pour ène fos ici in a du solèl, un tiot peu voilé pour l'momint..

OUAISSSSSSSS !!! i a canté cheule lal, presque à l'fin du spectaque, tertous étot debout, cha cantot à fond dins chés gradins....
i a aussi canté "femmes je vous aime"... ch'est un homme de goût, mi j'vos l'dit !

I est assis chu quo comme marque d'essoreusse tchand qu'i cante ch'julien là?

Dis donc, je pinse à eune séquo: in s'a presque croisés. J'ai dormi à Roanne mardi au soir.

In fait, je chus tché dins un guet apens. In étot dins un routier et i in s'a trouvé eune équipe qu'in s'intindot bin et in n'arrêtot nin de payer l'dernière tournée... A m'mote que j'ai ronflé.... ch'est nin dins mes habitutes!

Citation :

A m'mote que j'ai ronflé....

Faut pas d'minder!!! té devos ête bieau?

In tous les cas i avot grammint d'ieau. Déhiors...

Les camps in arot dit des rizières!

grosse caleur hier ....surtout après midi!!

j'ai attindu 6 heures au soir pour mi tondre m'pâture et je m'sus aperchue qu'au pus te tond au pusse que t'pâture all arsanne à eune pelouse ... pis ché moins dur à pousser ch'manicraque.

j'ai tondu des trèfles, des picholits, des pâquerettes, tout cha mélingés.

euh....pour batisse...toudis pon d'nouvelles de m'jachère...

allez, ch't'après midi in s'in va aux andelys pou l'anniversaire d'min biau fiu.

camanette a écrit:

euh....pour batisse...toudis pon d'nouvelles de m'jachère...

Ch'est nin possipe que t'es incore pire que mi.

T'es sure que t'in as semée au moins... in ne sait jamais, des fos qu'adenauer i donnerot des signes avint coureux! T'as quind même nin passé un grind coup de 4 dints après, histoire que cha soche bin infoui. Mi j'ai fait l'inverse: j'ai semé et pis ch'est tout, in me disint que dins l'nature, les graines elles tchettent à tierre et elles se débroultent très bin sins un cop de ratieau.

Bon, i devrot faire bieau chés tros prochains jours... infin des oraches annoncés d'ù qu'in va, mais in verra bin, les oraches cha va, cha vient...
J'ai mis du caud et du léger dins l'sac, de l'crème solaire et des polaires, des shorts et des jeans.
Et bin sur les célèpes wayka.... asteur i a pus qu'à (cha rime in pus !)
A mardi mes gins....

Mi j'vins d'artouner à'majon, à vélo, y fait toudis aussi caud, j'espère que cha s'ra du aussi bieau temps pour vous-z-autes ch-weekinde.

Vindiousse ! Te fais du vélo l'nut ti ? T'as peur qu'les autos elles te frolent ? Pourtint i a des pistes cyclabes in Gelbique !

Cha y est ,après 3 jours ed caleur, v'là l'orache qui arrife. Dins 8 jours j's'rai in Norvège; tant pis pour l'caleur, mais j'veux pas d'pluie ni de brouillard! J'espère que j'vas ête exaucée, simplemint por vir el paysache!

min nain a écrit:

Cha y est ,après 3 jours ed caleur, v'là l'orache qui arrife. Dins 8 jours j's'rai in Norvège; tant pis pour l'caleur, mais j'veux pas d'pluie ni de brouillard! J'espère que j'vas ête exaucée, simplemint por vir el paysache!

Ch'est simpe in Norvèche i a que d'l'glache chés majon i r'sonne à des igloos pis chés routes à des glaciers ,

pou faire croire qu'i a d'eul verdure is mettent des arpes in plastique ....

Cha y est me v'la arvenue d'mes tros jours d'tiotes rindonnées dins la Lozère.
Ch'étot fin bieau, et in a eu du solel, ouais, ouais, ouais... infin, dins l'journée pace que tous les soirs vers 17 h 00, berdaf ! ch'étot des arnus du diape ! des grêlons gros comme des pois chiches... Bon cha nos a pas déringé, in étot rintré d'nou marche su les consels du responsape du gîte qui nos avot dit d'rintrer avint l'fin d'l'après midi... faut toudis acouter les gins du coin d'ù qu'in va, is ont l'espérience !