Ch'est biête hein?

Vous vous in foutez hein?

N'impêche... ch't'au matin je mets eune maronne toute propre toute bin arpassée et in bon état, et in faijint eune marche arrière à côté d'eune pognie de porte un tiot peu agressive, j'ai resté accrochi!

Heureusemint, l'pognie elle s'a artrouvée in sandwich intre l'maronne et le caneçon! Autremint, à m'mote que cha arot saigné comme i faut! Et pour aller coller un sparadrap là, i faut être un tiot peu contorsioniste. Aucun commintaire chu torsioniste svp.

Vous vous in foutez toudis hein? Z'avez bin raison!

Comme je chus bin incapape de faire eune rassersissure, me vlà obligi d'aller faire un tour in mobylette pour acater eune autre maronne. I fait pourtint rudemint bieau...

Ch'étot m'plus bielle...

Je ne sais nin quo qu'i se passe depuis hier, mais i a comme un air de brun dins m'vie et celle des certains de mes proches.

Demain matin bonne heure je pars in Gelbique avec m'file. Avec m'n'auto. Hier au soir, j'arviens de l'usine avec min bardas dins m'n'auto et, dins un tournint, i a le bout de min pot d'échappemint qui décide de continuer tout seu. Du coup, gros ramdam et fin du voyage chu le platieau d'eune dépanneusse. Bon, cha faijot 4 ins qu'au contrôle technique is me dijottent que le bout de l'ligne d'écappemint i étot mate. I a mouru!

Je téléphone à m'file pour la prévenir qu'in ara peut être eune misère à aller in Gelbique avec m'n'auto à mi. Vlà t'y nin qu'elle m'apprind que s'n'auto à elle elle vient de carrémint casser, moteur HS.

Bon, dins min/nou malheur in a de l'veine: min garagisse qui m'a dépanné i a fait des pids et des mains pour avoir les piches aujord'hu. Du coup in devrot quind même pouvoir aller in Gelbique avec m'n'auto.

Et m'file elle a trouvé eune autre auto, via un collègue à elle. Eune bonne affaire mais elle dot attinte 15 jours pour l'avoir, que sin copain i aiche s'nouvielle.

J'espère que ch'est l'fin des inquiquinemints pour cheule semaine!

T'as fait eun' marche arrière dins t'mason avec t'mobylette Batisse?
T'arrivos pas à passer l'porte?

Citation :

J'espère que ch'est l'fin des inquiquinemints pour cheule semaine!

Jamais deux cent tros!!!
j'te l'souhaite nin quand même...

Citation :

Comme je chus bin incapape de faire eune rassersissure, me vlà obligi
d'aller faire un tour in mobylette pour acater eune autre maronne.

in acatant t'nouvelle maronne,té vas sur'mint faire des plis in bas tes gambes!!
ou bin té les laichent comme cha!

Citation :

Jamais deux cent tros!!!

Ch'tros i l'avos d'jà fait à s'maronne

Roger a écrit:

in acatant t'nouvelle maronne,té vas sur'mint faire des plis in bas tes gambes!!
ou bin té les laichent comme cha!

J'ai du arlire plusieurs fos, oh grind chef à pleumes, avint de comprinte quo que te voulos dire. Je me demindos quo que te voulos dire avec les plis in bas de mes guimpes, comme si que j'étos comme je ne sais nin trop quelle marque de quien (celle qui fait de l'réclame pour un pressing) qui a trop de pieau pour l'longueur de ses oches....

Après j'ai compris.

Eh ben tchand que j'acate un boudjine - je ne mets que cha à longueur d'année - je le mets tel qu'i sort du rayon. Ouais marcel, j'inlève les étiquettes de talle et les papis collés dessur... te cros que je ne te vos nin venir?

D'ailleurs, i a un service raccoucissemint de boudjines?

Tchand que j'ai voulu aller mettre m'mob in route ch't'au matin pour aller au magasin, min téléphone i a sonné: min auto elle étot déjà réparée! Cha ch'est de l'efficacité énon?

[quote="Roger"]

Citation :

in acatant t'nouvelle maronne,té vas sur'mint faire des plis in bas tes gambes!!
ou bin té les laichent comme cha!

J'cros qu'i est assez grind (en talle....)pour nin faire ed pli in bas de s'maronne !
Bin mi, j'viens d'brûler min rideau in l'arpassant !!!! J'venos d'el nettiyer et in l'accrochant incore humite, j'trouve qui a des plis dins l'bas. Alors j'prinds min fer à arpasser qui peut faire d'el vapeur à la verticale et j'défrosse. Mais ch'est qu'ches rideaux is sont froncés et berdaffe i a un pli qui s'a posé sur min fer. J'ai un beau trou au beau mitan de ch'rideau, tieu brun !

Fais comme chu les habits des afants: couds un mickey ou un monstre de tasmanie....

Te vos, te peux toudis compter chu mi pour les bons consels....

In même timps que j'ai acaté eune nouvielle maronne, j'ai acaté de l'pâte à prouts pour mes tiots afants. Je ne sais nin pourquo, mais tchand que je ne serai pus là, i m'a l'air que je vas incore longtimps traîner eune réputation pourtint très surfaite...

mérilou,n'fait plus rin aujourd'hui,i pourot t'arriver quéquosse!

Ch'est vrai cha, pauvre tiote...

surtout que ch'est à matante que ch'est arrivé tout cha... pauf mérilou qui dot bosser et qui dot avoir chés orelles qui chiffèllent...

Batisse m'machine à coude alle est su l'tape, j'viens d'faire un ourlet à eune maronne que min garchon vient d'acater, si t'as b'soin, té prinds t'mobylette et t'amènes t'maronne (attintion in t'asseyant su l'selle de n'pas craquer l'fond !)....

Gnagnagna!

Pour ch'ouaiquenne, ch'est fini l'mobylette. D'ichi eune heure et demie je m'in vas dins t'direction mais je m'arrête chez m'file, à Chalon. Et demain au matin, in avint l'jonesse, direction la Gelbique!

I faudrot d'ailleurs que je pinse à préparer min sac et à carger l'auto, vu que je dos y faire intrer un lit qu'i me faut incore démonter et bin imballer!

I faudrot aussi que je fasse m'vaisselle...

Me r'vlà... ch'est vrai qu'j'étos à l'ouvrache tout ce long wouiquige et j'arlis vos cacoules aujourd'hui... hé bé vla Matante qui arpasse ses rideaux à la vapeur.. ch'est comme les wayka... cha fond!
Vlà qu'min frérot y'a un trou dins s'maronne ( ça c'est empétant dissent les alssaciens) et qui n'sait nin ravauder. Ch'est pourtint pas copliqué d'printe un fil et eune aiguile et d'faire eune rassarcissure aveuc eune bielle chuchotte au bout pour arsimbler à un tiot lapin...
Pour l'ourlet de t'maronne Tiote Belotte elle proposse d'faire un détours vers l'beaujolais in allint in Gelbique. C'est cha qu't'as fait ou alors t'a mis tes cauchettes par au dssur pour nin marcher su l'berlouffe qui déhutte?

Bin, m'machine est restée su l'tape pindant qu'in étot partis pour ête fin prête à faire un ourlet in rintrant, mais i nin d'maronne dins l'boite aux lettes qui attindrot in racourcissache... Batisse a du aller in Gelbique in short, ou canneçon (min diu seigneur, pourvu qu'i n'est nin attrapé froid, ch'est fragile à c't'indrot là !)

Citation :

Batisse a du aller in Gelbique in short, ou canneçon

J'l'imagine plutôt in kilt sur s'mobylette...

Mi j'ai du canger eune freture à glissière à l'maronne de m'n'homme... Y m'in restot eune toute neuve dins l'bote à ouvrache, ch'étot eune '' incoinçable'' qui étot écrit su l'étiquette... j'ai gardé l'étiquette et j'l'a fait berloquer à min cou pour faire un bijou original ( rassurez vous j'l'a nin gardé lommind)

Que idée d'faire berloquer eun' fermeture éclair "incoinsape" à sin cou. Va t'in vire, ch'est bien des idées d'59 cha.
Surtout que pus tard, quand s'n'homme i s'a coinché sin zizi dins l'fermeture de s'maronne, alle étot fin continte, alle allot pouvoir s'arposer quique temps.
I disot: "j'ai coinché mon moi-eau, j'ai coinché mon moi-eau"
Pauff' gars, j'compatis à s'douleur.
J'sus sûr qu'i y a eu du sabotache sus l'fermeture.