500 g de citrouille
250 g de chuc fin
5 oeufs pas trop gros
1 pincée d'sel
1 sachet d'levure Alsa
200 g ed'farine
100 g ed bure

Eplucher l'citroule inlever aussi ches pépins.
Y in a qui font cuire l'citroule dins eune païelle in peut l'faire cuire aussi au micro ondes ; in tout cas couper l'citroule in petits bouts faire cuire duchemint. Mi pour aller plus vite ch'fait cuire cha au micro ondes. J'passe au mixer à soupe pour in faire eune purée.
Pis après j'rajoute tout cha qui a d'marqué plus haut.
l'chuc, les oeufs, l'sel, l'levure, l'farine et ch'bure.

J'mets cha dins un plat rectingulaire (comme cha après j'cope in tiotes parts cha fait plus joli in présintation) au four moyen pendant 25 - 30 minutes.
i fot surveiller l'cuisson pour pas cha brûle.

j'espère qu'j'ai bien espliqué..... pace que j'fais souvint mes arcettes au pif.

Et cha a un goût de quo?

Je suppose que ch'duc i va deminder si qu'in peut rajouter des lardons ou des dés de jimbon, alor je le laisse faire li-même...

In ce qui me concerne, vu qu'in fait de l'purée avec ches légumes, in peut faire l'même arcette avec du céleri ou des petraches rouches?

Je deminde hein... faut nin m'ingueuler!

Euh... si qu'in a des oeufs trop gros (pauvres glaines, ponte par césarienne....) cha va quind même si qu'in in met foque 4?

Et si qu'in in a des tout tiots?...

Ouais, parce qu'i a des oeufs d'ojon, des oeufs de canne, des oeufs de caille et incore des autres.

Je dis cha, ch'est pour faire avinchi le schmilimilimblique hein...

j'avos jamais pinsé des oeufs arrivés là par césarienne, que dallache ! et même in réfléchissant bien, pour ches gros oeufs quemint qu'ale font ches tiotes poules ! oh la la ! aïe !

j'auros pas demandé à la clo, si y fallos mette des lardons,j''i fais du gatieau au potiron,l'année passé qu'einne vielle femme polonaise bin gentille q'al m'avos donné,et ch'est el meme que la clo,par contre dins soupe ed potiron j'in met in morcieau ed lard fumé

core un cop ch'duc in est sur l'même longueur d'ondes.

Dins l'sud ouest ch'est un gâtieau courant et tout simpe. Dins l'temps ches gins i faisottent avec ches récoltes d'fruits et légumes qui z'avotent.
Ch't'année comme un a eu à peu près eune chintaine d'kilos d'citrouilles, m'n'homme i in a distribuées à ches voisins et après avoir fait eune bonne réserfe au congélo j'viens d'intamer l'dernière citroule et là j'ai profité d'faire un gâtieau.

Par ichi, in fait des flans avec l'potiron, cha arsonne un tiot peu à ch'gâtieau (mais i dot i avoir moins d'farine, faut qu'j'artroufe l'arcette !), in sert ça avec eune viande.... et in peut mette effectivemint des tiots lardons d'dins

Nous y vlà....

pour in coup que ch'est pas mi qui l'dit...