Cha n'a rin à vir avec l'politique!

Figurez vous mes gins que j'ai hérité d'eune demi boule de hollande (le fromache, je précise parce que j'in vos qu'is ont déjà lus loupes qui se soulèvtent avec un tiot sourire narquos et l'invie de dire eune bêtisse. Toudis les mêmes d'ailleurs...).

Le problème ch'est que pour minger cha, j'ai nin trouvé de solution "propre".

Bon, un pourcheau qui fait à s'mote ch'est le mitan de s'nourriture, ch'est vrai, mais des fos le pourcheau, même in faijint à s'mote, i a un tiot peu honte des supplices qu'i fait subir à ch'paufe fromache.

Alors, si que par hasard, i n'd'a parmi vousautes qui ont un truc pour coper assez propremint du fromache qui est dur comme du caillou, je chus preneur.

Dépêchez vous quind même parce que ch'est tellemint bon qu'in attiindint eune évintuelle solution, cha part in tiots morcieaux attaqués avec l'pointe d'un coutieau solite!

Ene demi-heure dins d'l'ieau caute cha d'vro l'ramollir...

Citation :

Ene demi-heure dins d'l'ieau caute cha d'vro l'ramollir...

j'in brais!!!

Je ne vas quind même nin minger cha comme eune fondue?

T'es des rigolos tisautes!

Pis d'abord j'ai nin de pain....

tfaut l'coper avec eine scie sauteuse,,avec eine lame propre..

batisse a écrit:

Je ne vas quind même nin minger cha comme eune fondue?

T'es des rigolos tisautes!

Pis d'abord j'ai nin de pain....

Comme de l'raclette alors, te fais fonte l'fromache avec tin sèche-cheveux...
T'as nin d'pain mais t'as des pèneterres non !

ch'duc a écrit:

tfaut l'coper avec eine scie sauteuse,,avec eine lame propre..

Quo que t'as comme scie sauteuse tisaute? Chu les miennes (dont celle qui va bien) la hauteur de coupe est à tout casser de 5 cm. Min hollande est bin plus gros que cha.

Et eune lame propre ch'est eune lame avec de l'peinture dessur. Pis i faut des rudemint grosses dints (de scie).

Et cha va me foutre de l'sciure de fromache tout partout dins les mécanisses...

Et pour serrer eune demi boule de hollande dins un étau... i faut un modèle mahousse énon?

Te vos ch'duc, je t'aime bin, mais t'n'idée je vas un tiot peu la garder in réserfe in attindint miux...

In tous cas, merci de t'être pinché chu min problème!

flersois a écrit:

batisse a écrit:

Je ne vas quind même nin minger cha comme eune fondue?

T'es des rigolos tisautes!

Pis d'abord j'ai nin de pain....

Comme de l'raclette alors, te fais fonte l'fromache avec tin sèche-cheveux...
T'as nin d'pain mais t'as des pèneterres non !

J'ai nin de sèche cheveux, vu que j'ai nin de cheveux!

T'as nin un massicot ...ou un coutieau électrique moulinex ...ou ène tronçonneuse....
Et si te veux nin d'nos bons consels, te f'ras comme l'pourchieau...A't mote...

Te prinds un' scie à métaux (i a bin 2 pognées à un' scie à métaux, j'me trompe pas dis ?) les 2 pognées ch'est pour rimplacer l'coutiau à 2 minches du fromager qui a souvint dins ches cas là, l'lame qui part toudis du côté où qu'i faut pour qu'in in ait plus !

Eune scie à métaux à deux pognies? Jamais vu!

Les seules scies à deux pognies que je connos ch'est pour coper des gros arpes. Mais ch'est des bazars qui font 2 mètres de long, qu'i faut être à deux pour s'in servir: un qui saque et l'autre qui fait simblint de pousser!

A m'mote que je vas continuer à l'mote pourcheau. Cha m'imbêterot de perte du si bon fromache in miettes. A m'mote que l'seule solution ch'est effectivemint le couteau à deux manches qu'in met tout sin poids dessur.

J'ai le poids mais nin le coutieau. Tant pisse!

Matante, y a pas deux poignées sus eun' scie à métaux, mais té peux l'ténir à deux mains cha ch'est sûr.

Nan j'pencheros putôt pou l'utilisation d'eun scie haie gouine.
Cha va faire des miettes mais té pourras les mète dins des pâtes ou ailleurs... bref té les mets dû qu'té veux Batisse.

Mi j'ai cha à proposer, mais commint qu'in appelot cha in patois ? :Un fermain ou ène séquo ainsi ...

alors,y àpus qu'in moyen,t'est el demi bouled'hollande d'in in essuie tout ,et t'el met in dessous del reule eut t'in caméon t'es roule ed dessus cha va l'aplatir,cha te fera eine fine tranche ed fromache..

nous in appelos cha in cassoir, ej m'in servos pour coper ech cochon in deux, cha servot aussi pour findre ches raccourches plein ed noeuds

in français in appellelot cha in fendoir al boucherie,jem'trompe peut etre ch'est pas eine serpette sin nom..

Et pourquoi te prinds pas un marteau et un burin hein

Pourquo nin un mateau piqueux pindint que t'y es?

D'ichi bétôt in va me proposer l'dynamite...

J'cros qu'j'ai trouvé l'solution Batisse.

Té print tin fromach', té va amon Cast.. ou amon Ler.. Merl..
et té d'mintes dû qui y a des "fendeurs de bûches".
Là té d'mintes eun' démonstration sus l'utilisation de l'machine et té mets tin demi fromach' à plat du côté qu'i a été copé sus l'machine et té d'mintes à coper tin fromach', cha va s'faire sans eun' miette.

Tcheu malheur in li propose toutes sortes d'bonnes solutions, mais il n'in veut nin...Et si qu'il mordot directement dins sin fromache ?

T'arrifes à morte un mur tisaute? Eune demi boule cha fait eune partie toute plate. Et ch'est justemint l'partie bonne à minger!

Ou alors i faut morte dins l'croûte chu le bord? Elle est épaisse et i a plein de bestioles là-dedins... Te le feros?

A m'mote que ch'est marcel qui jusqu'à ichi i a eu l'idée qu'elle est la moins mauvaisse.

A part que les boutiques is sont fermées le diminche et que des findeusses de bûches pour des buches de 25 cm, ch'est nin les plus faciles à trouver. Et qu'is ne font nin de démonstrations...

Z'êtes eune rude équipe tisautes!

à condition d'avoir in bon ratelier

Ayé! Ne cachis pus à m'immener vers des solutions extrêmes... j'ai trouvé!

I suffit de plusieurs coutieaux pointus. In les plante le long de l'ligne d'ùche qu'in veut que cha s'ouvre et tout d'un cop cha s'ouvre!

Je chus contint.

Bon, cha dit, ch'ti qui voulot me le faire bouillir ou coper avec un bazar tout rouillé i peut être trintchille: je m'arvingerai!

Ene aut'fos t'essaieras d'hériter d'un sé-eau d'crème fraîche...