Vlà chi inne arcette que j'viens d'artrouver - core un bout d'journal tout jauni qui date exactemint du 27 novempe 1953

Préparer une pâte brisée
Garnir le moule à tarte et faire cuire la pâte (après l'avoir piquée afin qu'elle reste bien plate) à feu moyen.

Préparer 1 kilo d'oignons les éplucher les hacher menus puis les faire dorer à la poêle dans un peu de beurre. Les déposer dans un saladier y ajouter 2 jaunes d'oeufs et les 2 blancs battus en neige et une petite béchamel faite avec un verre de lait.
Bien mélanger le tout puis verser cette préparation sur le fond de tarte.
Faire dorer au four 10 à 15 minutes servir aussitôt

pour ches évintuelles questions

l'béchamel : in tiot peu d'bure inne cuillère à soupe ed farine et verser inviron un verre ed lait

pour l'pâte d'nos jours in trouffe de l'pâte brisée toute faite pour les ceusses qui n'sarotent pas ches proportions pour in faire inne (je n'vise personne in particulieur hein !)


N.B sur l'arcette d'origine y avot écrit béchamelle avec elle

J'pinse que dins l'temps in ne mettot nin de crème dins les recettes..

Le principal avec eune tarte à l'oignon, ch'est l'quintité de pets qu'in peut faire par ration....

Mi j'aime bin le "préparer eune pâte brisée". Un kilo de farine cha suffit? A t'mote? Peut-être deux pour être sur énon?

La clo...

Citation :

pour l'pâte d'nos jours in trouffe de l'pâte brisée toute faite pour les ceusses qui n'sarotent pas ches proportions pour in faire inne (je n'vise personne in particulieur hein !)

Je n'cite personne mais suivez mon regard !!!

tout à fait Flersois

j'fais armarquer à tertous qu'in est jamais assez précis dins nos recettes pisqu'y a toudis des questions.

In file bien élevée j'ai pas osé noté l'aute jour : que plus qu'in mets d'ognons plus qu'in fabrique des pets ch'est arconnu cha. Y in a qui sont au courant j'pinse.

Ch'est comme el jour du que j'faisos mes courses à ch'marqué

Inne gintile jeune femme - la trentaine - m'aborde in m'demindant quemint qu'in cuisinot cha
Ale ne savot même pas qu'in appelot cha des topinambours.

J'li esplique ches différintes façons d'les préparer. et bla bla in parle d'aute cosse
vraimint inne jone agréabe. Comme j'ai vu qu'ale parlot facilemint ale allot partir et j'y
rajoute : faites attintion quand même pace que cha a un inconvénient ch'est que cha provoque beaucoup de gaz. ....... ale m'ravise et devient rouge in s'a quittées comme cha j'étos toute seule après à rigoler mais j'me sus dit est ce qu'ale va in acater ou pas

Ch'éto l'quart d'heure d'poésie corrézienne.

Et pourquo que les gintites jones femmes d'eune trintaine d'ans elles ne prindrottent nin aussi du plaiji à lacher des caisses?

Je me deminde commint que cha fait avec les strings... cha dot vibrer et créer des sinsations nouvielles.

Bon, ch'est quind même nin cha qui va me faire essayer un string.

Ch'étot les chinq mineutes de poésie alsacienne.

flersois a écrit:

J'pinse que dins l'temps in ne mettot nin de crème dins les recettes..

Pourquo que te dis cha tisaute?

A cause de ti j'ai tout arlu pour trouver d'ùche que te voulos in venir et j'ai toudis rin compris.... Bravo!

parce que ce sont des princesses .... et que ches problèmes ed pollution par le gaz ale ne connaissent pas .........
jusqu'au jour du qu'ale rincontent un mec un vrai.

batisse a écrit:

flersois a écrit:

J'pinse que dins l'temps in ne mettot nin de crème dins les recettes..

Pourquo que te dis cha tisaute?

A cause de ti j'ai tout arlu pour trouver d'ùche que te voulos in venir et j'ai toudis rin compris.... Bravo!

A'm'maison, j'avos jomais vu utiliser la crème fraiche in cuisine...

Et l'chantilly, te l'faijos avec de l'hule ou du burre à t'majon?

Si seulemint t'avos habité du côté de Tourcoing au lieu de chti de Roubaix, t'aros mingé des meilleures séquos.... garchonal!

batisse a écrit:

Et l'chantilly, te l'faijos avec de l'hule ou du burre à t'majon?

Si seulemint t'avos habité du côté de Tourcoing au lieu de chti de Roubaix, t'aros mingé des meilleures séquos.... garchonal!

Ti t'es incore jeune, nous'autes in n'avot nin incore d'frigidaire à nos maison, c'est p'tète la raison...



L'rue de Tunis, ène rue qui donne sur la rue de Roncq, ché nin Tourcoing, dins cette rue i'avot un laitier qui in vindot surmint de l'crème...

T'as habité dins l'rue de Tunis?

Min chef i étot de là aussi. I est de 34 (34 ch'est sin année de naissince hein, nin l'numéro de s'majon dins l'rue hein, faut faire attintion). Van de Voorde qu'i s'appelle. Un sacré phénomène... Sin père i étot bacleux dins eune filature et li a fini ingénieur. Ch'étot le poussin noir de s'famile. Te ne l'as nin connu par hasard? Un grind déguingandé. Je cros qu'i juot au basket.

batisse a écrit:

T'as habité dins l'rue de Tunis?

Min chef i étot de là aussi. I est de 34 (34 ch'est sin année de naissince hein, nin l'numéro de s'majon dins l'rue hein, faut faire attintion). Van de Voorde qu'i s'appelle. Un sacré phénomène... Sin père i étot bacleux dins eune filature et li a fini ingénieur. Ch'étot le poussin noir de s'famile. Te ne l'as nin connu par hasard? Un grind déguingandé. Je cros qu'i juot au basket.

Quint j'habitos dins cette rue, ch'éto partir bonne heure et rintrer tard, pour connaite les gins i faut aller au bistro, j'n'ai jomais rintré dins c'ti qui éto au coin de l'rue...



I fait beau, j'min va à la mer ...

la clo a écrit:

parce que ce sont des princesses ....

Ch'est des haricots cha. Décidémint, in n'in sortira nin!

Et pourquo qu'in appelle les guernoules chuchucs des péteusses? Ch'est bin parce qu'elles pètent énon? In tenint lu bouque serrée in espérint que cha ne sifflera nin. In tous cas elles pètent.

Et ch'est foque tchand qu'elles ont infin trouvé un vrai mec qui in fait des qui craqtent qu'elles se libèrtent, quitte à mettre cha chu le compte de lu bonhomme. Au début. Après, elles participtent aux concours...

la clo a écrit:

l'béchamel : in tiot peu d'bure inne cuillère à soupe ed farine et verser inviron un verre ed lait

J'ai voulu faire de l'béchamel avec t'n'arcette.... j'ai abindonné!

Un tiot peu de burre, ch'est combien? Eune cuiller à café? 50 grammes? un quart de plaquette?

Inviron un verre d'lait. Là ch'est du flou inflouté. Des vierres, je n'd'ai tout plein: des tiots à moutarte, des grinds à moutarte, des demis à bière, des vierres à bière belge qu'is font souvint 33cl, des vierres à goutte, des à pastis, des à vin de toutes sortes et talles. Je prinds lequel?

Et inviron un vierre, ch'est quo? tros quarts? Un et un tiot peu?

Pour finir, je suppose qu'i faut cauffer... mais dins quel ordre? Le burre d'abord, cha ouais, vu que j'ai eune logique masculine... mi... et après?

Elle va incore dire qu'in in trouve à ch't'heure de l'toute faite. Je vos cha arriver gros comme eune majon...

Frinchemint, les guernoules, in dirot que vous le faites exprès. Le pire ch'est que non....

Je ne chus nin étonné qu'i faut grammint de timps pour former eune infeurmière à préparer des piquouses ou des médocs! Ch'est la faire agir contre s'n'instinct de berdouillache à peu près selon cha qu'in a sous la main...

Min tiot Batisse, n'essaie nin d'faire l'cujine, té sais bin que ch'est pas tin truc, ti t'es fort in mécanique ou bidouillache pou avoir des basses d'sus les enceintes d'tin ordi, ou bin pou fabriquer eune neufe mobylette avec les restes d'chinques vieiles mobylettes, les castroles té n'arrifes pas à les dompter pace que té veux tout connaite dins les moindres détails, t'as pas l'créativité et l’instinct culinaire... ti t'as l'créativité et l’instinct pou l'mécanique...
Mais, comme in dit, heureusemint qu'in n'sait pas tertous tout faire, et, pour rester dins les flatulences (j'cause bieau, hein ?) in pourrot dire : chaque pays chaque mote, chaque cul chaque crotte

valà ch'étot l'minute d'poésie beaujolaisse

(n'impêche té devros t'faire payer un stache d'cujine par tes infants à la Noë... cha pourrot ête drôle.... si té l'fais n'oblie pas d'deminder qu'in t'filme

Bizarre, bizarre.....Batisse i a pas répondu "Pourquo te dis que j'chais nin cuisiner, t'as déjà goûté à m'cuisine ?" ou queque cosse comme cha, te sais Tiote parfos i est susseptibe not Batisse national !

T'as vu le timps qu'i a fait? J'ai sorti m'mob... objectif: le nouvieau disque à Laurent Voulzy que je n'd'ai intindu un morcieau au poste et que je chus resté scotché chu l'accompagnemint.

Eh ben j'ai fait les boutiques.... in passint par les routes à zig zag et in faijint des rutes détours. Au bout d'un momint j'ai trouvé bizarre que personne ne l'avot - futefute hein le batisse?... - alors j'ai demindé à un espécialisse du rayon, qui a cachi et qui m'a dit que cha sortirot le 28 novimpe. Cha fait qu'in intind au poste des séquos qui n'existent nin incore. In vit dins un monte merveilleux.

Cha dit, cheftaine, je te laisse pinser cha que te veux au sujet de mes capacités cuisiniques. Mi je trouve que je me débroule.
Même que des fos j'invinte des recettes et que ch'est bon.

Mais si mi j'explique eune recette, in comprind. Tout y est dit. Tchand que des quantités ne sont nin mesurapes, j'indique l'consistince que l'bazar i dot avoir, par eximple dégueulis de cat.

Mais cha, vous les guernoules, ch'est au-dessus de vous forches. Avec vousautes i faut deviner. Pour l'cuisine comme pour l'reste d'ailleurs...

L'première qui dit que ch'est nin vrai, ch'est eune minteusse.

Hein ouais les hommes?

Citation :

="batisse"
Cha dit, cheftaine, je te laisse pinser cha que te veux au sujet de mes capacités cuisiniques. Mi je trouve que je me débroule.
Même que des fos j'invinte des recettes et que ch'est bon.

Bin mi j'te cros et j'deminde qu'à vérifier et à goûter, et j'sus sure que j' vas m'pourléquer sec.... j'peux v'nir quind ?
pis j'cros qu'in s'ra pusieurs guernoules à v'nir... au moins un autobus, toutes cheules qui osent mette des arcettes pis toutes cheules qui n'osent nin pace qu'elles te connaissent pas et qu'alles croient que té un soyeux mais nous les "anciennes" in sait que ch'est pour de faux et que ch'est juste "histoire d'dire"

Au fait j'ai pinsé à ti c'soir j'ai fait du fenouil, suivi d'eune tiote crème cuite au bain marie ... même que min homme a dit "si batisse i veyot cha !"

Citation :

Un tiot peu de burre, ch'est combien? Eune cuiller à café? 50 grammes? un quart de plaquette?

Inviron
un verre d'lait. Là ch'est du flou inflouté. Des vierres, je n'd'ai
tout plein: des tiots à moutarte, des grinds à moutarte, des demis à
bière, des vierres à bière belge qu'is font souvint 33cl, des vierres à
goutte, des à pastis, des à vin de toutes sortes et talles. Je prinds
lequel?

Et inviron un vierre, ch'est quo? tros quarts? Un et un tiot peu?

batisse a écrit:

Mais si mi j'explique eune recette, in comprind. Tout y est dit.

Allez mets nous une arcette qu'in pusse juger par nous-même, hein ouais les filles !

J'vins d'aller vir, Batisse i nous a jomais mis ène recette...

BATISSE UNE RECETTE


BATISSE UNE RECETTE

Quo qu'te fait avec tout cette crème que te vas acater dins l'Doubs...




Si c'est nin indiscret ...

MALHEUREUX té vas t'faire mette au piloris !!! et l'arcette de "l'joue d'pouchiau" quoque t'in fait ?? !!! Batisse i va s'étranner quind i va t'lire... aramarque, s'étranner in lisant un sujet d'arcette cha s'rot pas banal...

flersois a écrit:

Quo qu'te fait avec tout cette crème que te vas acater dins l'Doubs...
Si c'est nin indiscret ...

I l'minge avec ches dogts !!! parfos avec un' ceuillère..... raremint dins un' arcette