Bonjour mes gens

J'chus entrain d'faire un pot au feu et j'prépare toudis min bol et ch'écumoir quind j'mets l'viante dins l'ieau....et à chaque fos j'me d'minte si ch'est l'réalité ou m'mémoire qui m'fait des siennes : j'artire drôlement moins d'écume qu'avant ! Quoque vous in pinsez dites-me ?

Bonne jornée j'artourne à mes couets .

ouai matante ,ch'est vrai, faut dire aussi que l'viande asteur al est moins grasse qu'avant !!

Te mets t'viande et chés osses dins l'eau froite ?

Bin ouais Flersois, pour avoir un bon bouillon.....si j'veux un' viante avec plus ed goût, j'la mets dins l'ieau qui a pris l'goût d'ches arômates et elle est caute es fois ci !

HUMMMMMMMMMM in dirot que j'sins l'bonne odeur d'ichi ! A quelle heure in minge ?

Alors ch'est vrai qu'asteur i a moins d'écume, pis ch'est vrai aussi quind in fait de l'confiture (cha qui n'a rin à vir avec l'bouillon du pot au feu, mais ch'est vrai quind même ).

asteur y font payer ches os à moelle, quand ej peut avoir einne queue ed boeuf, j'in prind une pour min bouillon ou d'el joue ,ej rajoute in bon morcieau ed flanchet !!in trouve pus ed pie ed vaque, chétot min nectar !!

Ch'est parce que t'n'écumoire elle a des plus gros trous, pis ch'est tout!

Mi je pinsos que l'écume cha venot du sang. J'ai tort? Le premi(re) qui dit "eune fos de puq", même tout bas dins s'moustache, ch'est eune margnouffe.

t'a raison batisse , cha vient aussi du mauvais gras !!

pis des impurtés qui à dins l' viande !!

Bref si comprinds bin, l'viante astheure elle est plus prope ch'est cha ?

Matante a écrit:

Bin ouais Flersois, pour avoir un bon bouillon.....si j'veux un' viante avec plus ed goût, j'la mets dins l'ieau qui a pris l'goût d'ches arômates et elle est caute es fois ci !

Un bon morcieau d'épaisse raccource, bin gras, ou bin d'flanchet,ou un coin d'poitrine.... et ène rondelle de jarret avec l'os à moelle...cha cha va t'donner l'l'écume, si te mets de l'souris ou du merlan ou ène araignée, te n'daura pos gramin.

L' pot au feu je l'démarre toudis à l'ieau froite.
Cha ch'est un menu pratique à faire, tout laisser cuire au coin du feu, ou du gaz
L'odeur dins l'cuisine, humm !

Ch'est l'diminche matin, din ch'coron,i s'dégageot eun' odeur d'bouillon,presque toutes chés maisons in faisotent, que cha sintot bon...
Eun' odeur pratiqu'mint disparu de nos jours,malgré que j'habite core dins eun' cité minière...

ch' bouillon pis ech' rata,cha donnot in sacré parfum din ches corons

Bin astheur ché l'pot au feu ! ché vrai que ché bon cha aussi...et eune bonne langue ed boeuf aveuc une sauce tomate et ses légumes à côté...ché fameux.....

Lili, t'as incore de l'fièfe? Je n'arrive nin à te suivre. I faut arconnaître que ch'est souvint dur hein?

Ch'sujet i cause de pot au feu, in touille dins les viux souvenirs pour dire que le diminche dins ches corons in faijot du pot au feu et que cha sintot bon et ti t'arrifes avec tes pantouffes et tes bigoudis et te nous annonces, fierte comme un bar tabac, que tout cha ch'est fini et qu'à ch't'heure ch'est du pot au feu...

Quo qu'ch'est que te voulos dire?

Et vou z'ottes, c'min qu'vous préparez ch'bouli qui reste, in minge nin toudis tout l'viante l'premier jour.
J'commiche:
j'cope l'viante in tranches
j'fais fonte un peu d'burre, j'mets un oignon ou ène échalotte coupées fin
j'mets m'vainte
quint ché co, j 'arjoute ène paire de morcieaux de cornichons, un peu d'moutarte,
ène cuillère d'farine, et enfin un peu d'bouillon

mi je l'minge frod
j'coupe j'bouli in dés,deux tros échalotes coupées fins,j'mets du persil haché fin'mint,huile vinaigre,sel et poivre,macéré eun' paire d'heures avint de l'minger.
Cha avec eun' frite, té min diras des nouvelles...

Roger a écrit:

mi je l'minge frod
j'coupe j'bouli in dés,deux tros échalotes coupées fins,j'mets du persil haché fin'mint,huile vinaigre,sel et poivre,macéré eun' paire d'heures avint de l'minger.
Cha avec eun' frites, té min diras des nouvelles...

Ouais, ché ène bonne idée, ché un peu comme l'salate de museau...

Ouais Roger mi aussi j'l'ai ker comme cha avec des frites ch'est super bon.

Cha n'a rin à vir avec l'pot au feu, mais pou c'midi j'ai préparé un boeuf bourguignon... qui a comminché à mijoter 2 h hier après midi et qui armijotte d'pis 10 h c'matin.
Bon ch'étot juste pou vos faire saliver....

té sur qui n' va pas avoir l' gout d' brulé?

Citation :

ha n'a rin à vir avec l'pot au feu, mais pou c'midi j'ai préparé un
boeuf bourguignon... qui a comminché à mijoter 2 h hier après midi et
qui armijotte d'pis 10 h c'matin.

Ouah!!! cha aussi ch'est super bon..
té m'fais guiler tiote...
avec eun'frite aussi....
j'pinse que j'vas nin tarder à in minger!

les boulettes qu'in avot à l'cantine chéto pas des restes d'bouli ????

A m'mote qu'i vaut miux nin trop cachi à savoir quo que ch'étot...

In est passés d'un extrême à l'autre: à ch't'heure, dins les collectivités, cha qui n'est nin mingé à un repas i dot aller à l'poubelle. I n'est nin question d'arcycler des restes.

In tous les cas je peux vous dire qu'à m'majon tchand qu'i a des restes, is ne vont nin à l'poubelle.