J'arpassos et J'pinsos à m'mère in train d'arpasser sur l'tape del cuisine.
I faisot inne caleur ed'diabe dins l'pièce.

In pourrot faire inne série avant pis après.

Avant : tabe ed cuisine, inne couverture pliée in 4 pas d'zus avec un vieux
bout d'drap pour poser l'linche.
Les fers in fonte avec inne loque épaisse pour l'z'attraper suche fu.
el linche humecté avec un tiot bouchon à tiots trous posé sur inne boutelle in verre genre tiote boutelle ed'bière.

Après ! tabe ed repassache, fer à vapeur, genre formule un, dernier modèle, ou bien presse, ou bien centrale à vapeur, vaporisateur pour amidonnache ou bien défroissache du linche, etc j'n'ai sûremint oublié.
J'sus pas conte l'progrès, n'croyez pas cha, j'voudros seulement trouver un fer à arpasser qui arpasse tout seu. ch'est pas compliqué.

Ouais ch'est vrai qu'in a connu cha :

J'ai acaté eune centrale vapeur quind mes infants is étottent étudiants, l'aîné à Paris, l' cadette à Perpignan, l'pus jone heureusemint su plache. Quind is arrivottent l'vendredi soir avec leu barda, fallot vite faire teurner l'lave linche, pis l'sèche linche pou qu'tout i seuche prêt à ête arpassé l'dimanche matin, pou armette dins les sacs avint qu'les infants arpartent l'dimanche soir.... Ben j'peux vos dire que m'centrale vapeur j'l'ai drôlemint apprécié, pace qu'in gagne sacremint d'timps avec cha, et pourtant mi j'ai quer arpasser mais quind in a eune montane d'linche si in y passe pas tout l'matinée, ch'est cor miux !
Asteur in est pus qu'à deux, mais j'arviendrai pus in arrière et j'garde m'centrale vapeur... Ch'est d'ailleurs l'premi cadeau qu'j'ai fait à la Noël à min garchon quind i a quitté l'majon après chés études. Avec eune leçon d'arpassache d'quemiche. I a été un tiot peu surpris mais comme asteur i met eune quemiche tous les jours, ben j'peux vos dire qu'i apprécie !

Ej sus d'accord aveuc ti Tiote - mi aussi ej n'ai une - et in pus l'linche est bin arpassé - su ché plis comme indit ché nous...Linche impec....

La Clo - alle rève - té voudro un fer à arpasser qui traval tout seul !
Armarque aveuc ché robots japonais ou chinois cha do exister....
Pourquo pas ???

tiote bellotte a écrit:

Ouais ch'est vrai qu'in a connu cha :

In peut t'appeler Pleumette de Néanderthal alors?

Même mi que je pourros presque être tin père, j'ai jamais vu personne se servir de cha, à part pour casser des cailloux ou écraser des araignées.

A l'occasion, même mononque i n'd'a jamais vu servir. T'as qu'à vir...

Au fait, d'ùche qu'i est incore parti ch'ti-là? In ne le vot pus.

Même mi que je pourros presque être tin père, j'ai jamais vu personne se servir de cha, à part pour casser des cailloux ou écraser des araignées.

Mi j'n'd'ai vu un se servir de fers :un cul-de-jatte

T'as raison flersois: i me simblot bin que ches fiers là cha servot à autre cosse qu'à écraser des araignées....

Mais pleumette de néanderthal elle est trop jone pour avoir incore connu les poilus bin esquintés par cheule saloperie de boucherie de 14 18.

Je l'imagine d'ichi à s'ardrechi à in faire péter tous les boutons de sin bustier vu qu'in dit qu'elle est jone....

Evidemmint les garchons que ch'est pas mi qui m'a servi de chés fers à arpasser, comme vos dites, j'sus bin trop jone (heu les boutons d'min bustier is ont résisté !).
Quind j'dis que j'ai connu cha, c'est pace que j'ai vu m'maman et mes grinds mères se servir d'cha, alles faisottent cauffer l'fer su l'cuisinière de l'cujine, i n'd'avot 2-3 in même timps et alles cujissottent selon l'timpérature, chti qui allot l'miux selon c'qu'elles devottent arpasser, bin caud pou les cosses in coton et moins caud pou.... bon j'vas pas vos apprinde commint in règle l'timpérature, vos devez l'savoir.. non ????
Et comme dit La clo, alles arpassottent su l'tape de l'cujine avec eune couverture et un drap posé d'sus..... Bin sur pus tard alles ont eu un fer à arpasser éleuctrique et eune tape à arpasser, mais j'm'arvos cor dins l'cujine à raviser chés fers qui caufottent.... quind j'étos jone... très jone... très très jone

I avot nin le gaz à vous majons? Parce que mi - intre autres - avint les fiers éleuctriques à thermostat, j'ai connu les fiers cauffés au gaz.

Chu l'cuisinière à gaz i avot un brûleur avec un bouton exceprès pour les fiers à arpasser. Là l'flamme elle sortot par eune tiote rampe toute droite qui étot au mitan d'un brûleur standard rond. In posot le fier debout là-dessur et roule ma poule, cha cauffot dur. Même des fos trop dur... ch'étot bin pour faire des traces de fier chu les séquos arpassés à sec!

Et cha ne cauffot qu'au mitan du fier, cha qui fait que le fier i pouvot avoir eune pognie in bos qu'in ne se brûlot nin in l'prenint.

L'rampe spéciale arpassache étot pratique aussi pour faire cauffer l'bougie du vélosilex tchand qu'in avot mis trop d'huile. Cha infinquot l'majon mais cha cauffot bin. Cha virot au rouche comme pour de rire.

A part cha, te les as cousus avec quo tes boutons à ch't'heure pleumette? Du fil de fier avec eune rondelle par derrière?

Mi aussi j'ai connu chés viux fer qu'in faisot cauffer sus l'cuisinière, j'ai minme arpassé avec quand j'étos jone, fallo ténir ch' fer avec un chiffon sans quoi té t'brulos t'main. J'ai cor cheux de m'mère i dot y in avoir trois.
In avot pas l'gaz nous in s'cauffot au carbon.
Té sais Batisse j'cros que pou ténir ses boutons Tiote al met des goupilles findues cha tient miux.

Ouais Batisse, comme i dit Marcel, in s'cauffot avec eune cuisinière à carbon, n'oblie pas que j'sus eune 59 du bassin minier ! alors eune gazinière in d'a eu eune (pas comme chelle que té décris) mais j'devos d'jà avoir 10 ans, cha dot ête juste avint m'communion, au momint d'ù qu'min papa et min grind père paternel is ont agrandit l'majon (is l'avottent construite juste avint m'naissance) in faisant eune sorte d'véranda et in a fait eune nouvielle cuijine la d'dins avec eune gazinière et des meupes in formica, ch'étot un sacré cangemint !

Pou mes boutons, vos faisez nin d'souci, asteur j'cujis des bustiers extensipes, cha évite les problèmes

sur chés anciens fers à repasser qui fallot mette sur l'cuisinière pour les faire cauffer,i ont un numéro différent dessus, cha correspondot à quoi?

Le degré de l'brûlure si que te les prinds à mains nutes.

Ché premiers fer à l'électique, sans thermostat, y fallot les mette près de s'figure pour savir si y z'étottent assez co...

Citation :

Le degré de l'brûlure si que te les prinds à mains nutes.

Le degré de l'brûlure!... le degré de l'brûlure!!...:
Quand j'arvette et tiète sur l'photo, j'in vos eun' fameuse ed d'brûlure!!!

Nin Roger, l'photo a été faite un jour qu'batisse i a treuvé des piles CARGEES pou mette dins sin apparel photo, l'personne qui étot in face d'li a voulu immortaliser l'momint rarissime !

Pus sérieusemint (quoque j'sus toudis sérieusse) j'cros que chés numéros su les fers, ch'est pou l'talle, i n'd'avot d'différintes talles des fers.

Roger a écrit:

Citation :

Le degré de l'brûlure si que te les prinds à mains nutes.

Le degré de l'brûlure!... le degré de l'brûlure!!...:

Quand j'arvette et tiète sur l'photo, j'in vos eun' fameuse ed d'brûlure!!!

Nin non, m'cicatrice de brûlure que j'ai à ch't'heure chu m'tiête elle date d'après cha.
L'tache que j'ai chu m'joue, à m'mote que ch'est les restints d'un bèque.

. Mi l' ancète vous pinsez bin qu' j' ai connu tot cha, les fiers à arpasser qu'in métot d' sur l'fu à carbon. Comme l' dit jstement Flersois les grands mères l' approchotent d' leu figure, d' leus joues pour savoir si qu'is étotent assez cauds. I n' davot toudis plusieurs d' sur l' fu.
. J' sais pas si qu' les premiers fiers électriques i n' avotent pas quand même un thermostat.
....

PépéPéBé
(\__/)
(='.'=)
(")_(")

heureusemint qu"ach t"époque la i n'avot pas d' téléphone .imaginez eune garnoule in voulant décroquer,au lieu d' mette l'apparel a s' n'orele qu'ale confonte avec l' fer à arpasser.
cha auro pus très bien pu arriver à tiote belotte

pépéPéBé a écrit:

.
. J' sais pas si qu' les premiers fiers électriques i n' avotent pas quand même un thermostat.
....

A vir ch'ti d'droite y peut n'davir un de thermostat....

. T' as raison, ch'ti la i devot pas n' d'avoir ! ! ! ! Ch' est tell'mint loin tout cha ! ! !