Hier au soir j'm'in vas faire chés courses à mon Edouard L et pou l'trosième fos in deux mos d'timps, j'me sus faire prinde mes sacs in plastique accrochis à l'pugnée d'min chariot !!!
Cha comminche à bin faire !
L'première fos, j'étos devint l'rayon de l'charcuterie, comme in pouvot pas circuler car i avot des palettes qui attindottent leu mise in rayon, j'ai laissé min chariot su l'côté pou n'pas gêner, et quind j'sus arvenue l'querre.... pus d'chariot ! j'ai comminché à m'dire que j'l'avos pas laissé là et j'ai caché après, j'l'ai artreuvé tros rayons pus loin et j'ai pinsé que quequ'un s'étot trompé d'chariot... j'continue mes courses et arrivé à l'caisse j'm'aperçois que j'ai pus mes sacs, ben cha alors ! que j'me dis... Mi, naïfe, j'dis in riant à l'caissière que chés voleurs is ont pas fait eune affaire car i avot pusieurs sacs qui étottent bin abimés et alle me répond "oui mais ils vont les échanger contre des sacs neufs à leur passage en caisse, malheureusement cela arrive très souvent".... ben j'avos pas pinsé à cha..
Du cop, mi j'racate des sacs....
Même scénario pindant chés fîêtes, là in étot avec min homme, l'timps que j'aille dins l'rayon d'à côté et que li i s'arteurne pou cujir un paquet d'café, quind j'l'ai arjoint, pus d'sacs... cha comminchot à pus trop m'faire rire.
Pis hier au soir, trosième acte alors que, vu l'heure, i avot pas grind monte... j'faisos juste queques réapprovisionnemints d'produits laitiers pou mes tiots et j'avos foque deux sacs, posé DINS l'chariot et j'ai laissé min chariot tout seu sins l'raviser, 10 secondes, l'timps d'attraper chés boutelles d'lait, y m'fallot mes deux mains.... alors là j'peux vos dire que j'étos in colère, j'ai ravisé d'partout, demindé aux rares clients si is avottent vu quette cosse (is ont du m'prinde pou eune folle, tout cha pour des sacs !, j'l'ai bin vu dins leu argard !)...
J'ai pas racaté d'sacs cheule fos çi ! l'prochain cop j'arprinds mes vieux paniers....
Pis j'invisache sérieusemint d'aller faire chés courses avec eune carette à reules...
Franchemint j'comprinds vraimint pas à quo cha sert d'faire cha...

ahh ahhh.....l'carette à reules va faire des adeptes!!

Te vos, Tiote Bellotte j'armaque que pour mi cha n'arrife pas pa'c'que mes sacs is sont pliés dins l'fond du chariot avec mes commissions d'sur puisqu'i faut tout armette a'l'caisse...j'récupère alors mes cabats .

Mi tiote bellotte j'laiche mes sacs dins l'coffre de l'carette pis j'ringe tout avint d'monter . Ch'tin malheur mais faut ruser à s't'heure ...

cha m'est arrivé deux cops de n' pus arteuver min caddie l' premier cop ej l'ai arteruvé l' deuxième ech' cache cor après.
ne l'dite à personne comme ej sus un farceur,des fos ej met des courses dins u cariot qui n'as pas à mi.

ahhhh, bin ché p'téte ti qui a ché sacs plastiques à tiote belotte!!!

Bon, j'ai compris, l'prochain cop que j'fais mes courses si j'vos un homme avec un oel d'farceur à côté d'min chariot, je li deminde : "té s'ros pas nounours ti des fos, ou bin un cousin ? "
D'jà si i comprind c'que j'dis, cha f'ra un chti d'pus dins mes connaissances

Si te veux vraimint pinte tes sacs in platique à t'carette pour faire de l'provoc, vas-y avec des sacs de super U. Cha m'étonnerot qu'i soche possipe de les écanger contre des neus à l'caisse...

A malin, malin et demi énon?

Allez va, à ch't'heure je vas passer m'journée à t'imaginer in train de courir après un voleux de sac in platique.... Je te fais eune grosse baisse pour t'consoler de toutes tes misères.

ouais mais je n'd'ai pas des sacs super U...

Eh ben te vas in faucher chez super u, chu les caddys de nonoches qui les laichtent à portée de main. Je chus sur que cha existe....