Cheule année ch'étot min tour d'archevoir pou la Noël...
Comme à l'habitute dins chés cas là, in sort les tiots plats dins les grinds et mi j'ai quer cacher des nouvielles arcettes et m'lancer dins des séquos qu'j'ai jamais faites...
Min frère aîné a quer faire à minger et quind in s'artrouffe i a forcémint un momint d'ù qu'in parle popote.
Donc cheule année j'avos fait pou l'première fos de l'poularde, que ch'est bon et que cha a un goût très fin, accompagné d'un gratin de cardons (qu'ichi dins l'région ch'est un incontournape mais que c'est ma mamn qui l'avot fait pace qu'alle voulot pas arriver les mains vide), pis eune cassolette avec des girolles, que cha aussi ch'étot drolemint bon...
Bref min homme découpe l'volaille, in sert les assiettes, in comminche à minger et là j'ai min pus jonne frère qui travaillot jusqu'à 15 h qui arrife avec s'tiote famile, in arserre les rings, et in finit d'minger nou poularde in parlant du timps qu'i a mis pou v'nir pace que les routes avottent verglacé d'pis l'neige du matin...
Comme tout l'monde avot trouvé cha bon, min frère aîné m'deminde commint j'ai préparé cheule bestiole et j'y explique commint j'l'ai fait cuire pou qu'cha seuche pas sec et que j'ai surtout fait une farce à base de pemmes, d'calvados et de morcieaux de boudin blanc aux morilles.... et là min frère i m'dit "bin d'ù qu'alle est l'farce, je n'd'ai pas eu ?"...
Bin alle étot restée dins l'micro-ondes d'ù que j'l'avos mise un tiot peu l'timps qu'in découpe l'volaille, pou qu'cha reste bin caud...
Du cop comme tertous avot finit sin assiette et à part queques courageux gourmands, in a foque ravisé l'plat et v'la pouquo asteur j'm'artrouffe avec de l'farce à minger pindant pusieurs jours...

Bin ch'est farce ed pas y avoir pinsé avant.

in appelle cha in farcie farcé

Avoue qu' t' as voulu leu faire eune farce ! ! ! Té séras à mitant pardonnée ! ! !

après la farce t'est faitl' dindon !!!

. Vain dé Diousses té surpasses ch'duc aujourd' hui ! ! fallot l' treuver chelle la ! ! !

pépé cha m'arviens, in coup in m'a dit , t'est ldindon ed la farce, pour einne journée ed récupération , donc j'ai pinsé à cha !!

. Ch' est eune espression courante mais j' saros pas donner eune esplication....cha vient pétète d' eune fape d' La Fontaine, j' va arcacher...j' les ai tertoutes.
.......à@+