Te parles d'un tour de clown!
Ch't'au soir je rintre à m'majon après 3 jours d'absince et in veyint les vitres de l'porte d'intrée toutes pleines de buée, je me dis qu'i se passe eune drôle de séquo là-dedins...
J'ouvère l'glin (l'porte pour ceux qui ne connochtent nin le bieau parlache du côté de Tourcoing) et là je chus saisi par l'frodure qu'i fait dins l'majon, par rapport à déhiors.
Du coup, vite, je mets l'cauffache in route, au mazout pour que cha aille plus vite et... cha cauffe à peine. Te parles, i a eune sonde extérieure. Du coup l'caudière elle se dit dins s'tiote tiête que ch'est nin la peine de cauffer grammint, vu qu'i fait caud déhiors.
J'avos mis 10 ins à régler cha bin comme i faut.... je vas brûler du bos pour récauffer l'barraque!
Ah ch'est bieau l'automatique!