Vue ch'temps qui fait aujourd'hui,j'ai nin pu faire grand quosse comme ouvrache.
J'ai passé m'n'après midi à faire cha...
prenez votre souris et ammenez l'flèche jusqu'au coin droit in haut de ch'forum,vous allez vir un effet de tournepage faisant apparaître la bannière de min site,in cliquant d'ssus vous allez directemint sur www.videochti.fr

d'timps in temps in pourrot faire honneur à un site, un blog, qui vous as plus in i mettant sin logo quelques jours et pouvoir l'visiter directemint de ch'forum.
Quo qu'vous in pinsez!

Pourquo pos ! Mi cha m'dérange pas......tu t'as bin amusé dis, et l'résultat est pas mal.

ch'est eune bonne idée

T'as cor fait quiquosse ed bien et pratique.
Dû qu'ch'est t'apprint à faire tout cha.
Ouais visiter un aut' forum cha s'ro pas mal, in s'qui concerne chés blogs mi j'ai pas querre là dû qu'chés réponses n'vont jamais avec l'sujet ou alors quand i a des lines et des lines ed caractères pou faire un genre d'imach'.
J'comprint pas pourquoi qu'is mètent cha, i a p'tète eun' astuce comme l'nompe ed visiteurs, i a ptète l'nompe ed lines d'écrites aussi.
Faudrot m'éclairer là d'sus.

Citation :

Dû qu'ch'est t'apprint à faire tout cha

j'apprinds cha Marcel,sur d'autres forums,mais cha deminde gramint traval,car ch'est tout des codes à rintrer,rin pour faire cha ,ya n'a toute eun' feuille a4,après faut l'mette chez un hébergeur,que là,té reprinds un aute code que té mets sur ch'forum,mais j'ai querre, j'apprinds pas mal de choses.
Les blogs que té parles,mi nan pu, j'ai nin querre,j'pinse qu'à chaque fos qui font eun' réponse sur un autre blog,i ont des points,malgré que l'réponse et hors sujet.
J'peux nin t'éclairer la d'ssus,j'me suis jamais interressé à faire un blog comme cha.

j'ai eune copine de l'musique qui a fait un blog et su sin blog in troufe que c'qui a in rapport avec l'sujet, eune fos je li ai demindé commint alle faisot pour pas avoir tous chés messaches qui n'ont rin à vir, bin ch'est tout simpe qu'alle m'a répondu, comme i faut sin accord pou que l'messache qu'in veut mette i seuche publié, (i apparait pas tout d'suite) bin alle supprime tout c'qui n'a aucun rapport avec l'blog... i suffit aussi d'obliger les gins à s'inscrire pou pouvoir écrire cha évite tous les tiots plaisantins
avec tout cha asteur alle a raremint des messaches à supprimer pace que quind les gins is n'votent pas leu messache d'valider is sav'tent que ch'est pas un blog d'ù qu'in peut faire et dire n'importe quo et is vont vir ailleurs..CQFD !

ch'est bieau l'tournepage. te peux mette quetcosse à vire in priorité et pis cha attire l'oeil. j'sus un tiot peu curieusse comme inne garnoule, té peux n'ête sure que j'ai cliqué tout d'suite là dessus.

Pour ches blogs du qui y a plein d'commintaires j'ai pu tellemint invie d'participer pour certains, je n'sais pas quemint qu'cha marche, ches bloggeurs amis viennent dire un tiot coucou in passant ; des cops y a des réponses intéressantes, mais ale sont perdues dins l'masse ed messaches.

Bon, incore eune fos j'arrife après l'batale...

Cha faijot un momint que j'avos arpéré ch'bout de page écorné in haut à droite de min écran. In mi-même je me disos "ne touche nin à cha garchon, ch'est incore eune ruse de faijeux de réclame!" et donc j'ai nin touché.... jusqu'à ch't'au matin.

Et là j'ai été bluffé. Meuillerd que je me chus dit, nous grind chef à pleumes i fait des rudemint bielles séquos. Je m'in vas le féliciter de ce pas.
Et ch'est là que j'ai découvert qu'i avot déjà un sujet là-dessur.

I a des fos l'avis de nouvieaux messages i ne marche nin (nin de messache dins l'boîte émile et nin de tiote leumière plus claire que les autres dins l'récapitulatif des forums). I a que chez mi que cha fait cha je suppose. Ch'est comme pour les diaporamas à codes exotiques et tout cha. Je sins bin que vous m'in voulez.

Allez, un bon diminche à tertous. Aujord'hu ch'est sortie mobylette toute l'journée. In sait in gros vers d'ùche qu'in part mais ch'est un tiot peu improvisé quind même. J'adore...

A part qu'i est prévu de l'pleufe ch't'au soir

Flute, j'ai oblié le principal: Bravo grind chef à pleumes. Te peux être fier de ti. Je te présinte mes respects technologiques, croqué in deux avec min front qui touche à tierre.

Ch'est sincère te sais.

batisse a écrit:

1)...I a des fos l'avis de nouvieaux messages i ne marche nin (nin de messache dins l'boîte émile
2)...Allez, un bon diminche à tertous. Aujord'hu ch'est sortie mobylette toute l'journée. In sait in gros vers d'ùche qu'in part mais ch'est un tiot peu improvisé quind même. J'adore...

1) in fait, in a un nouvieau messache dins l'bote à émile que quind in a d'jà participé au sujet...

2) min homme aussi i est parti faire un tour improvisé d'mobylette c'matin, tout heureux, cha fait deux dimanche qui peut in faire, d'pis 1 in 1/2 qui n'avot pas pu armonter su sin engin

. Et bin mi, ch' est pas d'main ni après d'main j' rriv'rai à faire des trucs comme cha.
." Faut l' faire et surtout savoir eule faire! ! ! ! "
Bravo chef, t'es un chef ! ! !
:merci:

Ch'tourne page i a disparu d'pis un bout ed temps, ch'est normal? cha plaisot pon?
Pourtant ch'étot bien pratique pou faire tourner l'aut site.

Bonsoir Marcel
Ouais ch'est vrai qu'ch'est disparu d'puis un momint,je n'sais nin commint qu'cha s'fait,j'n'ai nin core eu l'temps d'raviser, mais j'vas bintôt l'faire.

ch'est réparé!

merci roger,in est pus obligés ed mouiller sesdogts pour tourner el pache

y à des chitroules pis des fantomes,qui s' barloquent sur ech forum , pur hallowen