Les malheurs d’un t’chien
Théto un couple vraimint heureux
Y s’intindote té ben à deux
Mé cha féso quatre ans qui z’étote té marié
Et point d’infant néto encore né.
Alors un jour in r’venant du boulot
Un t’chiot t’chien à s’femme y ram’not,
Elle éto continte ed’pouvoir s’occuper
Dé l’t’chiote biète pendant tout’ l’journée,
L’première chosse qu’elle a dut faire
Ch’est dé l’conduire au vétérinaire.
Visite, vaccins et tatouache
Jusqu’à champoing,pour sin pelache.
Au matin quand t’elle allo faire ses commissions
Y sauto din l’panier à provisions.
Tout fière,y rel’vo s’tiète contint
D’un air ed’dire ravisez comme et chu ben.
Et puis un jour,y’ n’compto pu tant
Car un infant éto né intre temps.
I essayo ben d’s’approcher de s’maîtresse
Pour avoir comme d’habitude un t’chiote caresse
Mais elle ne l’raviso point,disot qu’iétot sale.
Li, n’compréno rien, y’avo rin fait d’mal
Petit à petit,y resta din sin coin
Par jalousie, un jour y montra ses dints
Alors tous les deux le prit in n’haine
L’attacha dehors avec un’ chaîne
Y n’arrivo pas à si faire,de s’nouvelle vie.
Si heureux hier,malheureux aujourd’hui.
Et si maîtresse un jour ed’li s’approcha
Pri l’chaîne et l’détacha,
Tout contint d’aller s’prom’ner
Croyant retrouver leur bel amitié,
Y’y’avot déjà pardonner
el’mal qu’elle lui avot fait
mais ch’est din in refuge,qu’elle l’am’na
et dins in’t’hiote cache, y s’inrtrouva.
Dins ses yeux in pouvot lire tousse détresse
Quand t’ia vu partir au loin s’maîtresse.
Pourtant y’ y’avot tout donné
A s’te personne qui n’avot pas eu d’pitié
Et ché au bout d’huit jours
Qu’un allo l’am’ner
Au fond d’el ‘cour
Pour qui soit gazé.
Voilà l’histoire d’un t’chien parmi tant d’autre
Qui a vécu pour boucher les soirées mortes
Mais lorsque vient un heureux évènemint
In l’élimine tout simplemint.
Je ne connais pas l'auteur de ce poème,je l'ai retrouvé dans mes archives non signé.
Sujet: Les malheurs d'un t'chien 
Mar 14 Sep 2010 - 22:08
