Ch't'aprèm' j'sus allé inm’ner Solan?e et l’tiote à l’aéroprt et in
est passé là dû que cha a brulé et que cha brûle cor, à 4km de l’maison, chés
canadairs is arros’tent toudis, bin sus des kilomètes ch’est l’désolation tout est
noir, l’garrigue a disparu, l’verdure a disparu, i reste que des trognons d’apes.
I a eu quiques maisons d’brulées mais pas d’mort, ni d’blessé jusqu’à ch’t’heure,
i a cor du vint qui souffe et j’cros que ch’fu i a ar’pris, j’attint cor un
canadair qui dot ête au d’sus de l’zone.


Ch’étot un des coins d’nou randos pas trop loin d’St Mathieu,
in y va deux tros fos dins l’année et j’avos l’intention d’in faire eun’ vers
octope.


L’nuit dernière i a cor eu tros débuts d’incendie simultanés
pas loin d’ichi à un aut’ villach’ à côté du Pic ch’est bizarre tout cha.

Cha dot ête impressionnnant d'vire cha aussi près de s'majon avec ches canadairs qui ronronnent au-d'sur de ch'tiète !

Pour l'rando va falloir aller ailleurs et attinte que cha arpousse pour l'refaire !

ch'est terripe chés incendies ! d'ù qu'in étot in vagances à l'montane i avot toute eune bande d'végétation sur un versant qui avot brûlée i a au moins 5 ins, bin ch'étot cor bin triste à raviser, i avot pas cor grind cosse d'arpoussé... et in a pas su c'qui avot été à l'origine de ch'fu, car à 1800 m même si i fait in biel été ch'est pas des températures qui donnent des départ d'fu, pet ête des gins imprudents ?

in tout cas j'espère qu'asteur cha va miux dins tin coin loumarcel !

Ichi à l'maison i a eun' odeur d'brulé qui flotte dins l'air, i faudrot eun' bonne drache pou fréquir tout cha.

in a bien pinsé à ti....ché terripe quind meume....
cha a du éte eune catastrophe in russie....
cha fait peur

Tous chés incendies comme cha ch'est des catastrophes et heureus'mint qu'i a pas eu d'victimes, passe qu'i faut 20 à 30 ans pou ar'faire ch'paysach', l'nature qu'i avot avant.
J'vous parle pas des bestioles qui n'ont pas eu l'temps de s'sauver hein!

Avec l'pleuff' qu'in a d'pis hier soir, ch'fu i pourra pus ar'printe et cha sintira pus l'brûlé.

ichi aussi ch'est l'déluge ! cha n'arrête pas
j'étos in ville c'matin, mouillée des pids à l'tiête, jusqu'au snipe, l'pluie arrivot à passer malgré min ciré (jcros qu'cha devot s'infiltrer par les coutures !), i a bielle lurette que j'ai pas vu pleuvoir ainsi !

jusqu'achteur, cha allot,mais là au matin, cha qué à délaque...j'vas pon pouvoir aller au marqué
j'avos prévu d'imm'ner ch'tiot pépére, bin in est arvenus!

Hier soir j'ai débranché l'télé, ch'l'ordi, l'chaine etc...passe que ch'l'orach i étot au d'sus d'nous zaut', in veyot clair comme in plein jour et cha quéyot à daques.
Minme chés cats is sont rintrés à l'maison.
Ch'matin i a cor des nuach' avec des bouts d'ciel bleu, mais l'vint i est queu, j'pinse que ch'mauvais temps i est fini.

Cha i est in dirot bin qu'ch'est fini mais que pluie, quel arnu ! In pus manque ed chance in a des infiltrations su l'tot i pleuvot pindant l'nuit dins m'salle de bain et pis dins l'garache que dallache! Pis pou rach'ver l'tout min lapin noir i s'a sauvé i a du avoir peur mais heureuss'mint au matin su l'cop d'8heures v'là ti pas qu'i s'promménot dins l'gardin OUF i n'a pas pris l'portail grand ouvert

Bonjour tertous!
Bin vraimint vous êtes nin gâté dins vos coin,jusqu'ichi pour nous à n'avot nin trop à s'plainte,mais aujourd'hui comme camanette elle dit cha qué à délaque...