Hier in a eu eune visite surprise.

André y étot tranquille dins l'salle à minger quind y a vu eune chose grise passer dins ch' couloir.

D'un bond y est allé vir, et ch'étot tout simplemint un jonne pigeon.

Y a un nid dins ches tilleuls su l'devant de la maison, et li y avot fait l'tour de l'maison, peinard, y étot rintré in trottinant par el cuisine et y étot arrivé au pied de ch' l'escalier.

Y s'a laiché attrapé sans problème, et in a été l'armette sur l'pelouse in d'sous d'sin nid.

In suppose qu'y artrouvé s'famille.

Ch'est plaisant d'pprocher eune bête qui n'a pas peur, cha devient rare.

Ch'est vrai qu'cha dot ete surprenant d'printe un osiau dins s'main sins qui s'débatte. Te cros que quand i s'ra plus vieux i s'ra toudis aussi amiteux ?

Bon, j'arcomminche vu que min précédint messache i s'a apparemmint perdu in route...

therese a écrit:

D'un bond y est allé vir

Et le tiot pigeon i a raconté à s'mère qu'i avot vu un marsupilami ou, à la rigueur, un kangourou!

Te m'étonnes qui se tord des fos ses articulations monhomme, à faire ainsi des sauts de cabri.

Attindez vous à apprinte un jour qu'i s'a fait du mau à s'tiête in se buquint au plafond, ou que sainte Théresse elle a du appeler les pompis pour le désincriquer du lustre.

Duchemint mononque, duchemint....

Cha dot ête du pigeon ramier cha?
Quo qu't'attint d'les printe et d'les nourrir un tiot peu, et après té les minge avec des tiot pos!!!

Mi j'cros qu'ch'est in faisant sin bond qui a dû s'claquer s'tiète in haut d'sin cagibi et qu'i a cassé l'modème ed sin serveur, et à ch't'heure i est in rade du Mt St Michel.
Nan Nan Batisse ch'est pas sin serveur qui est mauvais ch'est à causse d'ech cop d'tiète.

Eh ben? Et pourquo que t'incinères que je pourros dire que sin serveur à André i est mauvais?

Alors là, je prinds tertous, y compris le grind chef à pleumes mingeux de crême de caramel au burre salé acaté un lundi à témoin: je chus là trintchille à faire du sudoku in silinche dins min coin et i a Marcel qui me déringe comme si qu'i me réveillot in cerceau, pour me dire de nin dire que sin serveur à André ch'est du brun.

Comme si que je diros cha. Mi... De sin serveur à André... Ch'est quelle marque déjà? (j'in sais rin mi, ch'est li le professeur espert in linformatique).

Te me connos André, jamais je ne feros cha. Ch'est incore eune combine de boyau rouche metteux de fu qui voudrot bin qu'André, min mononque, i soche fâché après mi alors qu'i n'a nin plus amiteux que mi.

Infin, si, pour l'amitosité, je chus ex aequo avec les autres 59.

T'avos qu'à nin comminchi Marcel.

Bin té vos mi j'croyos.