Eun' toute jonne souris dins les pattes d'un cat,
Un viux cat qui savot sin métier
Ed' défournaquer* chés souris et chés rats,
All' essayot d'l'apitoyer :
"Laichez-me vife, j'sus si jonne !
J'sus trop maîque pou ête bonne,
Pour vous faire un plat à minger...
Laichez-me m'in aller
M'nourrir un tiot peu dins ch'monde,
J'vous r'viendrai bin pus ronde !
O z'avez qu'à arpasser,
Mi, j'm'in vas m'ingraisser.
J'démeure dins ch'tiot tro par ichi,
J'vous donne em'parole ed' souris !"
Ch'viux cat i a fait l'sourde orelle,
I est bin trop malin pou in croire eun'parelle !
"Ch'est bon, ch'est bon, qu'i dit,
J'ai pu querre minger min rôti
Tandis que je l'tiens tous cuit !"

L'miux, ch'est de jamais s'mette
Dins les griffes d'un matou comme chà.
Ch'est à mon d'chés gins comme à mon d'chés bêtes !
Artenez bin l'histoire de ch'cat

MARIE-ANGE MERLIER

(*défournaquer : sortir du four, enlever quelque chose quelque part)

j'avos mis in loyen pou acouter l'inregistremint de cheule poésie mais j'viens m'apercevoir que nou grind chef à pleumes Roger avot déjà mise l'vidéo su sin excellint site www.videochti.fr .... donc si vos voulez intende l'poésie i vos faut aller su l'site d'roger, rubrique "vidéos chtis - poésie vidéos"....

Pour vous qu 'is zaimez bin les cats (j'in fais partie)
. Arguettez comme i est trognon ch' ti la ! ! !

. Mi, j' mi connos pas grandmint in marque eude d' cat, cha vous dit quoi.
. Un camarate l' a eu à la S.P.A., un fum...l' avot abandonné ! ! !
........I l' a eu pour rin aveuc ses papiers d'idintité, ch' est pas "un clandestin"
.ROGER! ! ! YOUPPPPPIIIIII CHA MARCHE ! ! !