Roger
Sexe : 
Date d'inscription : 17/12/2009
Messages : 1281
 Henin Beaumont
 |  Sujet: la boîte à boutons  Jeu 19 Aoû 2010 - 10:33 | |
|
raconté par Edmond TANIERE
La boîte à boutons de Charles BRUCHET
ln connot eun' époque, à ch't'heure,
Où l'économe est critiqué:
ln jette des chos'es, ah ! que malheur,
Sans les avoir bien ravisées.
Mais, ch'est pas tout partout pareil,
Et y'a cor, dins grammint d'maisons,
Des femmes, pour mi, des vrais modèles,
Qui, d'ché viell'es loques, gardent chés boutons.
Et ch'est ainsi qu'au fil des ans,
S'intassent dins l'boite à boutons,
Les souvenirs de tous les instants,
Qu'in ar'tripote à l'occasion.
Et ch'est aussi eun' bonn'e manière,
D'écrir'e l'histoire de s'péquée,
D'ar'vivr'e des momints gais ou amers,
Que les boutons peuv'ent raconter.
Quand "boite su l'tabl'e alle est vidée,
Que d'souv'nirs in si peu d'plach'e,
Chés chi, ch'est de m'n'oncl'e Amédée,
Chés là, ch'est d'min parrain Eustache!
Pou m' femme,ch'est toudis ses éfants
Qui parl'tent à travers chés boutons;
Des bleus, des ros'es ,des pt'its, des grands,
Des rhabillur'es ed'nos deux garchons.
Surtout n'in riez point, mes gins,
Mi, j'lai déjà vue, toute attendrie,
Serrant un bouton dins ses mains,
Qui v'not d'eun' brassièr'e d'un pétit.
Quéqu'fos, am'dit : té vos ,ch'ti chi,
Cha vient d'un pull-over de ch'grand,
Et l'premièr'e fus qu'il l'a mis,
Y'a queu dins eun'e flaque in courant!
Un'aut'e bouton a eun'e histoire,
Qui fait frémir à raconter,
Un biau pétit, couleur ivoire,
Qu'min pu vieux y s'étot mis dins l'tre d'nez.
ln rit à ch't'heure, car ch'est passé,
Mais à l'époque, que d'tourmints,
Surtout qu'y a des boutons dins l'nez
Que bonne pommad'e ne guérit point!
A l'occasion, quand j'rafistole,
Un sac à mains ou eun' musette,
Dins boite à boutons plein'e ed'bricoles,
y a toudis un je n'sais quo qui s'y prête.
Dés fos,pour faire eun'e partie dé,
In artrouf' deux...mais jamais trois.
L'boîte à boutons eun'e fos vidée,
In s'rin bin compte qui nin minque pas.
L'boite à boutons, ch'est un trésor,
Qui n'intéress'e pas les voleurs,
Ch'est eun' espèc'e de coffre fort,
Qui gard'e sans clef tout' ses valeurs.
Quand in cope ch'pain in fait des miettes,
Qui faut offrir à chés moniaux,
Mais les vieux boutons sont des restes,
Qu'in dot garder comme des joyaux
|
Dernière édition par Roger le Jeu 19 Aoû 2010 - 12:33, édité 5 fois |
tiote bellotte
Sexe : 
Date d'inscription : 22/12/2009
Messages : 3111
Dins le beaujolais (69)
| | Sujet: Re: la boîte à boutons Jeu 19 Aoû 2010 - 11:19 | |
|
merci roger, ch'est émouvant
i minque un strophe écrit par rapport au texte parlé, vers l'fin intre
"y a toudis un je n'sais quo qui s'y prête"
et
l'boite à bouton ch'est un trésor.... |
|
Roger
Sexe :
Date d'inscription : 17/12/2009
Messages : 1281
Henin Beaumont
| | Sujet: Re: la boîte à boutons Jeu 19 Aoû 2010 - 12:30 | |
|
merci tiote
j'l'ai rajouté. |
|
camanette
Sexe :
Date d'inscription : 22/12/2009
Messages : 611
chef lieu du pas de calais
| | Sujet: Re: la boîte à boutons Jeu 19 Aoû 2010 - 14:20 | |
|
j'vas d'minder à min chef su qu'in peut pon l'méte dins nou répertoire pour un d'ché jours, cha m'fro plaiji d'l'apprinte |
|
pépéPéBé
Sexe :
Date d'inscription : 25/12/2009
Messages : 4646
Wimille 62126
| | Sujet: Re: la boîte à boutons Jeu 19 Aoû 2010 - 19:59 | |
|
 Tres bieau texte ! ! ! Très juste ! ! ! Emouvant.... . |
|
Contenu sponsorisé
| | Sujet: Re: la boîte à boutons | |
|
|
