Bonjour mes gins ej sus toute fierte ed vous aprinte qu'un jeune qu'in a depuis l'âge ed 12 ans pour faire du char à voile; il est devenu hier (à 21 ans) Champion ed France ed Char à Voile (type CLasse 8 et une Vice-Championne aussi qui s'entraîne ichi aveuc nous. Ej sus fin bénache pour eusse et pis pour min Clup. Ej cros qu'on fait miux que chés footballeux inch'momint Hein quo que vous in pinssez ?
Min Champion ché Stephen SCHAPMAN. Jeanjean i va mettre un insertion dins l'voix du nord et l'Phare Dunkerquois.
Alle n'est pon bielle la vie !
Cha fait toudis plaiji ed vir que des jeunes i sont motivés.
A bétôt mes gins
Lyly la FLeur de crevettes ed Malo

Bin zut ej voulos mette classe huit et j'ai un soleil! i a des choses bizarre sur l'site à Roger.

valà j'ai corrigé l'erreur Lyly, simplemint in buquant su l'chiffre 8 (su l'pavé numérique)

in tout cas bravo à c'jone pou s'performance...
pis bravo à ti aussi pace que si t'as réussi à mette in sujet dins "chés inclassapes" cha veut dire que té les vois infin toutes chés rubriques

Ouais Tiote mais min tiot i a 21 ans ast'heur !
Enfin cha séra toutis min tiot du clup....
in m'arfait pon....
Tcheu brin astheur in va avoir des interwioux (ché cha la gloire)... Ej vais mettre un drapeau bleu blanc rouche à min Clup faute d'avoir l'drapeau pour l'football...
Ej sus fin continte...

Au fait, ej sus surte que vous n'savez pon cho que ché un char classe huit ; bin voilà ché un char à tros reules avec un sièche ; l'pilote i s'assit ed'dins et i prind deux manettes dins ses mains; chés deux manettes alle sont arliées aveuc pleins ed fils à un cerf-volant comme eune grande lune....et i faut saquer ed'dins....
Il faut du vint, d'eule forche et d'eule tactique....
Vlà cho que ché....

Ej voudros mette deux ou tros photos d'min champion ichi mais ej sais pon si j'ai l'autorisation du chef sioux et commint faire ; in pus j'ai pon l'timps du tout.
Bin forchémint ej sus prisse aveuc Jeanjean et eule Presse; ché pas comme pour l'footballe HEIN !!
Donc ej voudros vous deminder si ej peux compter sur quiquin pour m'faire l'boulot à m'plache ?
Vu qu'ast'heur in est dins l'grand monte !
La Baronne de la Tronche en b......
Lyly la FLeur ed Crevettes ed Malo et Baronne de la Tronche en b......

Dis me Lili la tronche in biais, l'fleur de Malo qui sint la crevette, te parles de TIN clup de char à voile, mais quo qu'ch'est que t'intinds par là?

Ch'est quo tin rôle dins ch'clup-là? Ch'est ti qui l'a créé? Je supposse que t'es nin l'secrétaire ni l'attachée de presse, parce que si t'arrifes nin à mettre eune photo, cha dot être dur pour les journalisses à l'autre bout...

Allez, raconte, je voudros bin savoir, pour nin mourir tout à fait idiot.

......Lyly invoe me tes photos, j' essaierai d' les mète ! ! !
à@+

Dit Lyly d'la tronche à bière, si té d'mandos à tin jone champion si i est aussi calé in informatique qu'in char à voile, i pourrot p'tète t'faire vire quemint qu'i faut faire pour vire les vidéos (in va décoder sec) d'Léon et Gérard.
In minme temps dit d'minde zi quemint qu'in met des photos sus ch'site au lieu ed d'minder à quiqu'un d'aut' de l'faire, à moins qu'té sois née un mercredi d'ducasse.
Par ailleurs t'as toudis pas répondu à m'question que j't'ai invoïée in privé, avec mi aussi, comme Tiote, des photos d'écran pou t'essspliquer.

Bonjour mes gins et j'armercie tout particulièremint Tiote Belotte et Pépébé; i sont toudis là pour mi.
Batisse moque te d'mi cha m'touche pu!
Ej sus l'secrétaire du CLup Albatros et sécrétaire générale du Cté Départemental ed char à voile donc té vos ej sus bébette (rin dins l'gouvernemint).
Bon bin mon diu malheur, min tiot champion ed 21 ans ya mi l'timps d'm'aider; i est mitraillé par chés photos et chés journalistes.
Enfin mi tiote inch'momint ej dis bin inch'momint ej pare au plus pressé vu qu'ju fort prisse....
donc j'ai pétète pon eu l'timps ed vire tous tes messaches.
Finalemint ché l'solution à Pépébé que j'adopte vu qui a l'timps "min braf Pépébé".
Ej dos l'pouchiner....vu qui s'dévoue pour la Fleur ed Malo.

Effectivemint, j'irai à min lit moins idiot ch't'au soir....

Bonne nuit en espérant que té pinseras à Lyly in dormant...

J'avos pon vu l'messache ed Biau Mollet !
Min Lou du Pic st Lou, commint que té vas ! Ej vous l'dit ej sus débordée !
Bon j'arcache les plus bielles photos et j'avertis Pierre min chouchou (dit Pépébé).
Pierre ej compte sur ti....
A bétôt....

Pierre ej te nomme "responsape in communication" du Clup Albatros pour mette des photos sur l'site ed Roger.
Merci d'avinche.
A plus...

La maison ne recule devant aucun sacrifesse pour satisfaire sa cjientèle.
En voyez les photos please ! ! ! ! Si j' y arrife pas j' vas avoir bonne mine ! ! !
.

Roulemint de timbours....

J'attinds ché photos.....

Ej voulos dire j'attinds chés photos qu'in dot m'invoyer afin d'les faire parvenir à min "responsape ed communication" dit Pépébé.
A bétôt..

Alors qui ch'est l' meilleux ichi? ? ?
ch' est li aujour d'hui il est dallé au coiffeur s' faire tonte, in dirot eune gonzesse, et in pusse, i sint l' cocotte....
Saint Roch et sin tchien

Bonjour Pierre, ej sus fort continte pour tin FOX il do ête biau comme tout et in pus i aura moins caut (vu qu'i arfet biau).
Bin mi ché pon l'meume pour min TIGROU. I va pon bien du tout i a eu eune piqûre pour un virus d'après l'véto vendredi dernier et ed pi, i minge pu et i n'bot pu non pu. in s'fait du soucis pour min cat ; cha fait 10 ans que j'lai. Jean ché sin camarate vu qui est toudis alle mason et que mi ej traval.
Ej cros qu'in s'attind au pire. Min pauf cat j'ai du maux d'eule vir comme cha.
Pierre j'ai pon cor eu ché photos...
A bétôt...
Lyly [/img]

Bonjour j'ai invoyé des photos à PPPB j'attinds qui traval ast'heur ! Bon courache Pierre.
J'attinds....J'attinds....J'attinds....

Youpiiiiiiiiii! ! ! ! De la part de notre Lyly, fleur de Malo ! ! !

Stephen Shapman champion de France club Albatros DK


Championnat de France de char à voile
. ROGER, CHA MARCHE

Merci gramint Pierre, un jour té m'fera un cours pour apprinte à mette des photos su l'site hein M. l'instituteur;
bon astheur ej vous présinte donc min Stéphen SCHAPMAN, sur l'photo d'group ché ch'ti qui a un cade dins s'main; l'cade ché l'Trophée qui a archu au lieu d'eune coupe...In est contint pour li et fier pour note clup...
Encore bin merci à Pierre...

Pierre ej vais cor avoir besoin d'ti, seulemint j'attinds chès éléments....comme dins l'canchon "j'attendrai le jour et la nuit j'attendrai toujours ton retour...la la la..."
sauf que là ché du sérieux toudis sur l'championnat...
ROGER i devrot ouvrir eune RUBRIQUE SPORTS..Hein min roger quo que t'in pinsse...
In pourrot mette les exploits d'randonnée ed Loumarcel, l'char à voile, etc......

Sur l'photo, l'fille à côté d'min champion ché vice-championne ed min clup aussi Lydie MOLON...
Les filles qui ont des noms qui comminchent par Ly i sont bonnes...Hein...vous voyez....
In est des champions
In est des champions
In est des champions.....LA LA LA....