Bonjour mes gins, ej sus incor dins m'généalogie et vlà que j'auros besoin d'vous autes ! ej vous armercie à l'avinche !
Qui qui pourrot m'dire si au cimetière ed DENAIN (ej sais pon si n'a gramint des cimetières) i aurot des tombes aveuc des
noms comme SENECHAL ALLARD - SENECHAL MAYEUR - SENECHAL PETIT - croyez me cha ché fort important pour mi !
Si cha existe dins l'cimetière ej vais vénir vir ! Par contre i faudrot m'dire (si ché un grand cimetière : du qui sont) aveuc un plan pour m'orienter. Merci d'avinche!
N'rigolez pon ché sérieux !
In devrot ouvrir eune rubrique Généalogie ichi (faudrot vir avec Roger)
A plus !

Bon DENAIN ché dins l'Nord(ej sais bin) mais in s'mélanche aveuc l'PDC....ché cul et quémiche....

coucou Lyly
alors mi j'sus d'Escaudain, in tiot villache à côté d'Denain, des Sénéchal i n'd'a dins nou coin, i n'd'avot même qui étottent amis de l'famile, asteur te dire si i a les familes que té dis au cimetière d'Denain, ça j'in sais rin....
j'pourros toudis allez vir au cimetière quind j'armonte, mais ch'est pas pou tout d'suite du fait qu'in y a été in février...
asteur i a l'tiote Annesophie qui est d'Denain, pet ête qu'alle va pouvoir t'renseigner

t'as essayé d'te renseigner à l'Mairie d'Denain ?

Dis Lyly, t'es allée vire dins l'rubrique "Ch'est histoire et d'dire" el sujet "Qui qu'ch'est qui arconnot ?" .... cha pourrait t'plaire ej pinse.

Mon dieu que bonheur ichi ! Tiote !
Si té pouvos arcacher pour mi dins l'cimetière ! Ej sais bien ché pon marant du tout mais j'avinche comme ej peux ! Parfos eune promenate dins l'cimetière cha détind (calme sérénité et zen).
J'arcache des SENECHAL (eule noyau des SENECHAL qui sont arrivés au KANSAS ou au COLORADO ensuite - Pour eusses ché bon). Ej voudros faire plaiji aveuc une photo ed tompe ed DENAIN ed des SENECHAL.
J'espère que Roger i va pon m'censurer !
Merci tiote.

j'ai bin archu tin message privé lyly, et si j'peux t'aider ch'est avec plaijir mais comme j't'ai dis j'sais pas quind j'vas armonter à Escaudain, cha s'ra pet ête foque dins 1 in.... in cop in monte, in cop ch'est l'famile qui descend et là comme j'te dijos in vient d'armonter....

Finalemint Tiote ché comme in ascensseur !
Bin que ju ! Mi j'armonte dins m'famille et ti aussi !

ouais lyly, in vot qu'in est du plat pays

Tiote ej pinsse qu'avant un an té vas cor contacter t'famille ? Du cop té pourros parler d'mi sur DENAIN aveuc mes anciens !
Quo qu'tin pinsse ?
In a l'temps m'mourir d'ichi là !
Ej t'armercie gramint d'avinche Tiote.
Que ju aveuc nou anciens !

mais non qu'in va pas mourrir d'ichi là, té pinses !!! in est in pleine fleur de l'âche !! (fleur de province, bin sur )

question d'in parler à m'famile, j'peux toudis essayer mais i m'reste que de l'famile du côté de m'maman qui pourrot y aller et is habitent pas à côté d'Denain
(l'seu cousine d'min père qui reste elle a 82 ins et n'conduit pas)
alors affaire à suife !!

Té pourros m'dire combien qu'ya cimetière à DENAIN ?
Mi ej sais pon du tout ej vais devoir vir sur un plan ; un pus ej cros que vais printe des rinseignemints aveuc l'Mairie. I vont s'deminder quo qu'elle fait ch'elle là dins l'cimetière pour vir toutes ché tompes ? Pétète que je vais devoir deminder un autorisation especiale pour arpenter l'cimetière !
Ej voudros pon être hors là loi !
Que ju !

el cimetière ed Denain i se situe rue ed Casanova.ej vient ed phoné am' belle mère qui est d''Haveluy pour savoir.qui'ech' qu'ej f'ros pas pour vous autes.

Ouais, méfie-te Lili, à l'intrée du chimetière de Denain ch'est écrit "réservé aux morts". Si t'es nin morte t'as nin le drot d'intrer!

Sérieusemint, t'in fais eune montagne foque pour savoir si qu'un tel ou un tel i est interré à Denain. Si que le quelqu'un in question i habitot à Denain, te demintes à l'état civil de Denain de te dire tout cha qu'is savtent au sujet de li ou elle. A l'occasion, si qu'i est interré à Denain, is te diront si que s'plache au chimtetière elle est incore occupée ou si que l'concession elle a expérée (elle aussi...). Sinon is te diront d'ùche qu'i a été interré.

Parce que si que t'as un frère de tin arrière grind père qui est mort dins le secteur de Verdun... t'es nin là de trouver s'tombe si que t'méthode ch'est d'errer au hasard dins les chimetières.

lyly si té buques cimetière Denain su gougoule, in 6 ou 7ème position t'as "cliquez ici pour le plan du cimetière..." ch'est fait par des inciens combattants du Canada !!!,
(Denain serot y mondialemint connu ?? bin sur voyons !!)

armarque cha pourrot ête un bieau spectaque lyly errant dins les allées du chimetière avec deux ou tros mouettes au d'sus de s'tiête...
té pourros aussi dresser les mouettes lyly pour qu'elle t'aide à artrouver chés tompes....

Cha serot plus réalisse avec des vautours.

Surtout que ch'est in relation avec le far west et les coveboyes.

surtout in pleine nuit avec eune lampe ed poche.
si ale n'a pas ed lampe ale pourrot ete éclairée pas ché feux follets.

alors lyly cha s'rot ma dalton et les vautours Averel, Jack, Jo et william et qui ch'est qui s'rot Rantanplan ???

cha s'ros pas mi les cimetières ché comme les églisses ej les évites

ah j'croyos qu'allos dire que cha pouvot pas ête ti pace que té savos pas aboyer....

ej marche pon incor à 4 pattes.

Lili, si jamais te me lis, j'ai été à Malo samedi dernier. Je ne t'ai nin vue. J'ai été déçu.
J'ai mis un sujet là-dessur, avec des photos et tout et tout, mais i a l'air qu'i a pus que les chimetières et les morts qui t'intérestent vu que te ne l'as nin vu.

Bon, alors, question chimetière, j'ai été vir qui qu'is ont viré de ch'ti de Denain. I n'd'a eune liste de 118 concessions abindonnées, in annexe du rapport du consel municipal du 27 janvier 2006. I a nin de Sénéchal dedins. Cheux que te caches is sont morts in quelle année? Parce que là is ont viré des gins interrés de 1925 à 1945 inviron.

Et commint que j'ai trouvé cha? In buquint cimetiere de Denain chu gougueule et in lisint cha qui est proposé. A l'première page i est question de 118 concessions abandonnées. J'ai buqué, j'ai vu.

Buqui, vidi, jteldi comme dijot le grind Jules (chimetière de Rome, allée A).

Allez, je te fais eune grosse baisse, à l'abri des mouettes...

batisse a écrit:

Buqui, vidi, jteldi comme dijot le grind Jules (chimetière de Rome, allée A).

Allé A, Jacta Est bin sur.......

té parle el latin tiote belotte?té va pouvoir seconder ech' pape poir el bénédiction Urbi et Orbi

vous etes graves Lyly ale parle ed' cimetière et nous on délire l' a d'sus mes gins vous n'irait pas au paradis in tout cas pour mi ché n' risque pas