l'aute jour j'ai artreuvé cheule carte de Ste barbe qui n'avot pas été écrite, j'pinse que c'est m'grind mère paternelle qui a du me l'donner quind j'étos jone...
quind elle faisot du tri elle avot l'habitute d'distribuer tout cha à chés tros tiots infints avec pus ou moins d'succès, ça s'rot maintenint j'frai bin pus d'cas de tout c'qui est nous racines....

LOUMARCEL :
Mi j'voudros ar'mète l'Ste Barbe du fond de l'fosse in photo mais in attindant j'a vous dire que j'ai souhaité eun' Bonne Fête ed Ste Barbe au Mononque et d'Solan?e à nou Mononque quoi.
Bin cha li fait 82 ans comme i m'a dit (j'pinsos pas), i argrette ed pus pouvoir faire grand cosse à s'mason, i est souvint assis et i va jusque s'barrière comme i dit mais s'barrière alle est à 5 m de s'mason. Ouais ch'est vrai qu'cha m'fait du mau d'l'intinte, ch'est eun' vrai soufflerie, mais j'ai querre à l'intinte, passe qu'i sait cor rigoler i dit cor des blagues, des crutes quique fos et in rigole insanne, faut ête patient quand j'l'accoute passe que cha vient duchemint faut li laisser l'temps d'respirer.

Ouais ch'est li qui cante (un inregistremint d'y a pus ed 15 ans) "min p'tit tchien caniche" sus l'site à Roger, mais i paraît qu'cha a un aut' nom "ch'Tourcainois malin" ou in truc comme cha (mais ch'est pas Batisse hein!)

Bref i étot vraimint contint d'min coup d'fil, ch'est l'principal pou mi.