tertous
sur l'bureau du chef, j'vous ai mis un tiot tableau, in cliquant sur l'pitite flèche à droite,vous allez vir défiler plusieurs noms,ch'est des hébergeurs d'images,vous pouvez i mette vos photos,et récupérer le lien pour mette sur ch'forum.
Vous avez l'choix,i sont tous gratuits.

que faire, in dit toudis que m'émile ou min mot ed passe y est pas bon,

Ch'duc, à m'mote que t'n'adresse émile elle est bonne et que ch'est tin
mot de passe qui coince.

In fait, pour que tin mot de passe i soche arconnu par les sites que
Roger i donne, te dos t'inscrire et lu donner un mot de passe à chacun au momint de l'inscription.

Un mot de passe que te choisis ti-même tchand que te t'inscris.

Cha fait rin si que ch'est le même pour tertous (autremint in ne s'in sort pus, in mélinge tout). I ne faut nin confonte avec tin mot de passe pour te connecter à internet. Ch'est comme si qu'is te deminderottent le prénom de tin père ou de t'bielle mère. Tant que te lu as nin dit eune fos, is ne le savtent nin. Mais eune fos que te l'as dit, is vérifittent que te réponds juste à chaque cop que te te connectes à lu site.


Par eximple, tchand que te t'inscris chu Hibox l'première dos, is vont de poser des questions et, in particulier, is vont te deminder le mot de passe que te choisis. Te réponds par eximple "boyaurouche" sins les guillemets. Si que personne d'autre i n'avot choisi ch'mot de passe-là avint ti, te seras inscrit chez eux avec le mot de passe boyaurouche. I peut arriver qu'is te distent que que ch'mot de passe-là i est déjà pris et i faudra alors que t'in trouves un autre. In général l'inscription elle devient effective eune fos que t'as buqué un numéro ou des lettres toutes biscornues que seul un humain i sait lire et arcopier. Ch'est pour nin être imbêtés avec les spams.

Te fais parel avec les autres hébergeurs d'imaches. Aux autres aussi te peux dire que le mot de passe que te choisis ch'est "boyaurouche". Is s'in foutent des mots de passe que t'utilises chez les autres. Le seul qui les intéresse ch'est chti-là qu'is ont inregistré chez eusaute. Ch'est comme si que le prénom de tin père ch'étot le même pour les allocs et les impôt et la sécu. Tchand que te réponds l'réponse que eux is attindtent de ti, ch'est bon.

Ch'est seulemint après que t'as fini t'n'inscription et indiqué le mot de passe que t'as choisi qu'à chaque cop que te te connectes is vérifittent que le mot de passe que te donnes ch'est bin ch'ti que t'as choisi à l'iinscription.

Te comprinds?

merci batisse, ej mettos min mot ed passe internet, ej ferais ét t'alleurs, pour l'instant ej fini ed nettoyoer min parterre ed devant..

ché bin compliqué vot' histoire.j'en'treuve meme pas el flèche..ej va peut ete passer pour un débile mais tant pis.

bin nounours à côté du texte in vert, t'as eune tiote flèche et




infin mi j'utilise - image up - pou les photos et là i a pas b'soin d'sinscrire ni d'mot d'passe.........

merci tiote belotte cha marche.t'as l'art ed faire simpe quand cha paraît compliqué.te vexe pas Batisse.

Citation :

infin mi j'utilise - image up - pou les photos et là i a pas b'soin
d'sinscrire ni d'mot d'passe.........

J'ai rajouté "imag up" comme hébergeur d'images.
les autes nan pu té nin obligé de t'inscrire,mais in créant un compte tes gères tes photos.

J'ai treuvé 'ltruc" pour mète mes photos. Ch'est peut ète pas cathodique mais cha à l'air ed marcher. J'utilise "imagup" d'puis un bon momint ! ! ! El chance cha sourit aux inochints, ch'est peut ète pour cha "qu'j'ai gagné".
. J'ai mis "imagup" d'sur el bureau..J'mets les "Url" dins Word, les uns au d'zeur les autes, pour avoir plusieurs photos et j' "copie" l'paquet intier avant de l'intiquer dins nous site in "copiant". J'ai tout bon ? ? ?
. In intindant, j'cange pas d'main, j'sins qu'cha vient....
.
. Vous zavez vu cha vous zautes. Vous vous rindez compte si qu'in m'arot poussé quand qu(j'étos tiot ! ! J'arrife à m'épater mi-même