Bon comme j'in avos parlé hier j'sus allé ar'connaît eun' rando in Ardèche avec bien du mau passe que mes mollets is m'font des misères. Bref in est rintrés i étot presque 21h.
J'ai eu un problinme avec l'pétite rando, ch'bus i peut pas allé jusqu'au point ed départ (route avec virach' trop étroite pou tourner par indrot) i a donc fallu cugir un aut' rando sur plache.
Bon cha até fait et in a ar'connu.
In ar'vénant après avoir ar'pris chés voitures, in s'arrête à l'sortie de l'vallée, là dû qui avot un bar-restaurant pou boire un cop, in avot vraimint soif.
Quand ch'patron i est v'nu printe l'commante j'ai tout d'suite ar'connu qui étot pas d'par ichi passe qu'i avot eun' pointe d'accent ch'ti, alors j'y ai posé l'question pou savoir ed dû qu'i étot bin j'vous l'donne un mille....
i étot ed mes gins Tourcoing hé ouais
Ses parints is ont tenu in débit ed tabac in face du cimetière (pont de Neuville) et après l'restaurant "Le Sancerre" à Tourcoing et li à eun' certinne époque i ténot "Le Vendôme" à Wattrelos et à ch't'heure i tient un restau et bar bien situé à l'sortie ed trois vallées in Ardèche.
Peut ête que t'a connu chés restaus là Batisse ?

Les Ch'ti, ch'est eune race ! ! ! I n'da partout ! ! !
. Dins m'famile de ch'ti, j'ai:
Eune cousine in Amérique.... Chicago.
Sin frère,.... in Espane
Un cousin d'sur la côte d'azur...Les Adrets de l'Esterel
Un cousin dins les Pyrénées...Tarbes.
Eune cousine dins l'région parisiènne près de Mantes.
Sin père dins l'même coin
Sin frère même région.
M'soeur ...Narbonne.
Min frère, Toulon
Eune cousine ...Paris.
. Mi côte d'opale....
. J'cros qu'ch'est un tiot peu partout parèle, les familes alles zont du "esploser"....
..... In arot jamais pu imaginer cha quand qu'in étot tiot ! ! ! ....Que ju ! ! ! !
.

ouais chez nousautes aussi in est au quate coins de l'France...

nos pindant chés vagances in a rincontré du gins du 62, qui habitottent intre Boulogne et Calais (j'me rappelle pus l'nom du villache !) et qui étottent venus rinde visite à d'la famile installée vers Royan....
j'in ai profité pou faire de l'pub pou acoute-ichi

Si que par hasard is s'appelottent Martinache, is peuttent venir de grammint de villaches... T'as qu'à deminder à Léon et Gérard!

In tous les cas Marcel, je chus contint de lire qu'après eune journée de brun, te t'as réconcilié avec l'vie in rincontrint un tourquenniot. J'espère que cha confirme cha que te savos déjà: ch'est les meilleux!

Je ne chus nin expert in restos et les noms que te dis, je ne les connochos nin. Incore que le Vendôme à Wattrelos, si que ch'est net in face de l'église st Maclou, je connos.

Allez va, va-t-in soigner tes guimpes, pauf garchon. A m'mote que ch'est comme avec les guernoules: si qu'is sont trop bieaux, un jour ou l'autre is te juttent des tours.

Ch'est pour de rire hein...

Nan l'douleur à mes mollets cha dot v'nir d'un médicament (crestor), ch'docteur i a dit d'l'arrêter et d'faire eun' prisse ed sang.
J'avos jamais pris ed médicament et à ch't'heure que j'in print deux me v'là tout défoutu, que b...

Si que cha t'intéresse, je connos eune magnétiseusse qu'elle habite quelque part intre Perpignan et Carcassonne. D'après cha qu'elle dit, elle guérit tout. In puq ch'est eune productrice de pinard!

Je l'ai vue à l'oeuvre chu le dogt - qu'in croyot cassé - d'un copain... résultat époustoufflant!

Citation :

Nan l'douleur à mes mollets cha dot v'nir d'un médicament (crestor),
ch'docteur i a dit d'l'arrêter et d'faire eun' prisse ed sang.

t'as l'même tour  que Jacqueline,
elle fait in tiot peu d'cholestérol,ch'docteur i avot donné "crestor" comme médicamint,malheureuse,elle qui prind nin d'cachets,elle passot des sacrés nuits avec des douleurs din ses gambes,chétot ch'cachet qui li faisot souffrir ainsi.
j'pinse que ch'toubib aura du mau à li fair arprinte un aute médicamint...

Ouais bin vaut miux minger des gauff' et avoir un tiot peu
" d'colle elle s' tait rôle ".
"elle s'tait" ch'est possipe cha?

A partir d'un certain ache et même d'un ache certain, in fait partie du clup des "Tamalou" , et , l'jour dù qu'in a d'maux nulle pert, in crot qu'in a eune nouvièle maladie ! ! !

pour el colle est tait role faut printe tahor y fait pas maux elle colle est tait role y fait du dégat à ches artéres et ch'est là que cha devient dangereux, ...

L'Tahor je l'prénos avant cha m'a fait parèle, pus moyen d'monter in rando, pus d'gampes, mais pas d'douleur à mes mollets.