Salut tertous et sin quien,
Eh ben i a l'air que Roger i nous a fait un rute de bieau cadeau de Noël! Un grind merci garchon.
Je chus un tiot peu désolé de t'in avoir fait baver à cause que j'ai dit tout haut cha que des autres is pinsottent tout bas, mais à m'mote qu'in ne va nin l'argretter.
Bon, je continue m'n'exploration de tin nouvieau bazar. Cha sint le plâtre neu. Ch'est rigolo, in dirot qu'in visite eune nouvielle baraque d'ùche qu'in sait qu'in va passer grammint de timps et qu'i faut donc qu'in connoche tous ses racoins.
Incore un grind merci et bravo Roger, et si que t'es fâché après mi à cause de ce que j'avos dit chu les imperfections de tin premi site, je te présinte mes plus plates excusses.
A ch't'heure je vas in laichi des autres in premire ligne aussi. Ch'est comme dins Pagnol, tchand que César i écrit à sin fils Marius qui est impoyé à printe des mesures chu un navire océanographique et qui li dit de laichi un tiot peu mesurer les autres, souligné bien gras les autres...
Je vos qu'ichi in peut souligner, barrer, chinger l'talle du texte, prévisualiser avint d'invoyer et qu'in peut même "spoiler". J'espère bin qu'in va rigoli ichi autint qu'in a déjà rigolé avint
Bravo, cha me plait déjà fin bin tin bazar...