Bonjour tertous !
j'ai b'soin de vos consèles : min garchon i a eu (et i a incore un tiot peu...) d'problèmes ed sinté donc i est arvenu al majon depus 2 mos mais i n'est nin arvenu tout seu', dins ses bagages i a "Cannelle" une belle catte à poils longs. Ches poils i m'inquiquinent mais ch'est nin pour cha qu'j'ai b'soin vos lumires.
I a 2 ins, j'ai eu l'cat d'ma soeur qui faisot ches griffes su' papi' peint ! L'problème ch'est qu'Cannelle elle fait l'même cosse :elle gratte el mur elle aussi. Près d'el porte d'intrée (ou d'sortie suivint l'indrot d'où qu'in est) j'ai mis du papi' collant trinsparent mais....rin à faire elle continue su' tous les bas d'mur !
Dites, vous auriez un' solution à min problème : avoir un' majon présintable sins avoir à tapisser toutes les s'maines (ce que je ne fais nin, j'ai pon l'timps) D'avance merci pour vos

matante faut fayencer tes murs sur cinquante centmetes de haut, comme cha t'est n'aura pus ed problemes, sit'est veut j'ai incore des fayences, et ej te les pause ....

Ah ben te vlà incore arringie tisaute!

J'ai été vir quo qui se dit chu les répulsifs à cats et i simblerot qu'un mélinche de moutarte, de vinaique, de poiffe et d'ieau caute - elle dot finir par arfrodir... - cha donne des bons résultats.

Et si que te mettros de cette préparation chu eune berlouffe ou un filet ou eune corte à l'indrot que le cat i fait ses griffes?

Sinon, te li tricotes des gants de boxe.

Et t'invos les photos hein?

J'savos que l'poiffe i faisot arculer les cats (dis André, t'aime les cats ti dis me ) mais j'ai peur que Cannelle elle seuche pu d'où aller qu'in j'arros mi l'mélinche sur les murs, car ch'est sur tous les murs qui faudrot que j'in mette ! Quint au consèle à Ch'duc, j'chu in location et l'faïence ch'est frod non ? Merci quind même.

Sinon te vas chez monsi leroy merlin ou un de ses potes et t'acates des bantes de plexiglas de 75 cm de larche pour faire tout le tour de t'majon. Te les accroches comme te peux - te verras cha va donner un charme indéfinissape à t'majon - et le problème i sera résolu.

Comme cha te pourras garter tin poiffe pour faire du pâté de lapin à l'mote boyau rouche.

Te nous diras quo?

bin binvenue au clup Matante
min cat qui a bintôt 10 ins a pris l'mauvaisse lubie i a 15 jours d'gratter l'tapisserie dins l'intrée alors qu'i l'avot jamais fait jusqu'asteur.... faut dire qu 'i a in tas d'bos à s'disposition si l'invie li prind d'faire chés griffes !!
bref, malheureusemint pou li j'étos dins l'pièche à côté quind j'l'ai intindu faire, su l'momint j'me demindos quoque ch'est qu'j'intindos !!! j'y ai pas laissé l'timps d'réagir, j'l'ai attrapé par pieau du cou, j'y mis eune margnouffe in y montrant l'mur et in li disant que j'voulos pus qui fasse cha (ouais i est malin min cat i comprind tout ) après j'l'ai mis à l'cour et j'l'ai impêché d'rintrer pindant l'reste de l'jornée.........
bin cha a fait sin effet, jusqu'à présint i a pu arcomminché
bin su pou ti in appartemint ch'est moins évident, mais j'cros qui existe des ginres d'tiots arpes spéciaux pou qu'les cats is fassent leu griffes...
j'ai aussi arcollé les morcieaux déchirés avec de l'colle, alors pet ête que l'odeur de l'colle cha l'a aussi dissuadé ??...

L'problème ch'est qui fait cha quind j'y suis pas......i est tout seu l'jornée, j'chuis nin pinsionnée mi et j'travalle pas à l'majon. J'va essayer "l'confiture" d'Batisse que sur un mur et j'vous dirai quo d'accord ?

Matante a écrit:

J'savos que l'poiffe i faisot arculer les cats .

Et bin Cannelle (l'cat d'min garchon qui est à l'majon).....elle minge el'poiffe !!!! J'ai investi dins du film trinsparant....elle le gratte (cha fait pire que mieux un' fos qu'elle l'a gratté) J'cros que j'va laisser les murs in l'état l'timps que l'garchon i artrouve un' stabilité professionnelle et donc un logemint ! (i ara du boulot à artapisser !!! nin l'cat mais l'garchon bin sure..... )