In allot pas in vacances comme aujourd'hui. Min père y avot querre à nous immener comme cha pour l'journée à l'mer.
Chétot vraimint inne espédition. I fallot artenir nos plaches dins un café del Grosse Berline à Sallaumines (y avot toudis des affiches avec ches dates et destinations) l'matin Départ devant ch'café très tôt. L'autobus nous immenot à Berck ou Stella. In n'pouvot pas toudis comminder l'solel, y a eu des escursions pluvieuses et là ch'étot pas rigolo. Sinon in arrivot à l'plage, l'midi in allot minger des moules frites l'après midi re plage et j'avos l'drot à inne glache. l'soir au retour dins l'autobus ch'étot calme les tiots étotent indormis d'avoir passé inne journée au grand air.
Je m'rappelle qu'un jour in attindu, attindu l'autobus n'est jamais arrivé, l'voyache n'avot pas attiré beaucoup d'clients, j'étot incosolabe. I ne pouvotent pas nous prévenir, pas de tél portape ; j'étos tiote mais j'min rappelle core.

j'min doutes qu'cha a du ête un sacré coup pour ti ed' pas pouvoir partir , mais ché vrai qu'in etot pas a l'abri d'ech' mauvais temps , ni des imponderapes , comme ech' non départ faute ed' clients , quand a l'route chétot vraimint catastrophique , surtout passe que chetot long

Ben mi, je ne l'ai fait qu'eune fos ou deux, in train. Cha qu'in appelot des trains du plaiji.

I faut dire qu'in avot du plaiji! A m'mote que ch'étottent les plus viux wagons que l'CNCF elle pouvot trouver. Et ch'train i s'arrêtot à tous les bruns de guevaux. Je sais que ch'étot hyper bon marché. Cha devot incore être des locos à vapeur.

A l'époque, printe le train cha ne te coûtot nin t'quinzaine!