Ch'est à pus rin y comprinte!
Ch'est pos l'cat qui est dins l'horloche ichi mais y a un dallache dins mtiête.

Ma soeur Matante ( faut suiff, Matante ch'est ma soeur mais ch'est nin ma matante à moi vu qu'ch'est foque ma soeur mais elle s'apelle Matante ichi su l'forum: ch'est clair? alors ej continue, Matante ch'est l'soeur ed Batisse mais ch'est nin s'matante vu qu'ch'est foque es soeur et du coup hé bin Batisse ch'est min frère, vu qu'ch'est l'frère de m'soeur... attintion interro surprisse, j'vous dirais nin quand)
Donc.. quo que j'dijos déjà? Ha ouais, Matante elle m'avos donné un truc infaillipe (tiens, min z'ys!) pour pus gratchi à m'tiête dins l'sens des aiguilles ed l'horloche qui faut tourner.. pas l'horloche mais les aiguiles, y faut toudis qui n'd'a qui suiftent nin ichi!)
Elle m'avot dit: In AVril in AVince et in octobRE, in REcule.....nous vlà in mARs et in n'dot nin ARculer mais in dot avincer les aiguiles?
Cmint qui va faire pour s'in rappeler?
Ch'est des jeux tut d'même, j'in perd el nord.

Ch'teune histoire vraie.
. Eune amie invite sin père à diner un diminche....(Grand père i est core la i a 99 ans ch't'année)..... à 10 heures, v'la grand père qui s'amène pour diner........
..........I s'étot trompé, i avot "avanché" l'heure ed du mauvais côté, i étot in avanche ed deux heures ! ! ! !
. Sacré pépére ! ! ! Ch't'un cas ch'pépère la ! ! !

nos in est invité à midi, j'cros qu'ch'est bon in s'est pas trompé dins chés histoires d'heure, in est su l'départ....

in tout cas mi j'ai tout compris dins chés histoires d'frère et soeur, j'peux avoir 10/10 tout d'suite, sins faire l'interrogation écrite ?
j'ai même compris que Shirley-Loreleï ch'étot l'nom du quien à Loumarcel....
au fait in aurot du y laisser Loreleï comme nom à c'quien, car vu qu'elle a des longs poils, elle pourrot dire quind elle les escoue "Loreleï pace que je le vaux bien"

tiote bellotte a écrit:

au fait in aurot du y laisser Loreleï comme nom à c'quien, car vu qu'elle a des longs poils, elle pourrot dire quind elle les escoue "Loreleï pace que je le vaux bien"

Euh... i a quelqu'un qui peut m'expliquer?

Marcel i arot du printe deux quiens de l'même couvée: Loreleï et Finezerb.

Pardon

Nan tros syllapes dins in nom d'tchien cha va pas pou y donner des ortes

Cang'mint d'heure.
. J'pouvos bin in parler du grand père qui savot trompé d'côté in cangeant l'heure. Min fils ainé i a eu l'même tour aujourd'hui ! ! ! ! c' qui fait qu'in les a vu arriver d'bonne heure aujord'hui pour dîner al majon ! ! !
........
. Qui ch'est qui a dit "Ch'est tout sin père ? "

Mi aussi hier soir j'ai ar'culé tous ches révèles d'eun' heure , mais ch'matin cha m'a fait tout bizarre ed vire sus l'ordi qu'in avot pas l'minme heure.
Pourtant in Avril in avinche et in Octobre in ar'cule et cha je l'savos mais j'ai pas réfléchi, j'ai bougé ches aiguiles ch'est toute.
Ouais mi j'étos in avinche mais à l'déchèterie, l'responsape all avot pas cangé d'heure du tout alors all' a ouvert avec eun' heure d'ar'tard, i avot la queue.

L'déchetterie elle est ouverte le diminche chez vousautes? Z'avez de l'veine.

In même timps, ch'est comme dins les magasins. Ch'est aux heures que grammint de gins ne peuttent nin y aller à un autre momint qu'in trouve le puq de pinsionnés.

Sacré Marcel!

Bin dins l'seminne j'ai pas l'temps, faut dire que ch'est ouvert que l'vendredi, l'sam'di et l'diminche matin.
Nan j'débroussaille, j'nettoie dins l'seminne et l'W E j'inmène à l'déchetterie.
Et pis j'fais s'que j'veux hein! Batisse nan mais alors!

Bon, si que ch'est fermé du lundi au jeudi, je serre m'guiffe...

batisse a écrit:

tiote bellotte a écrit:

au fait in aurot du y laisser Loreleï comme nom à c'quien, car vu qu'elle a des longs poils, elle pourrot dire quind elle les escoue "Loreleï pace que je le vaux bien"

Euh... i a quelqu'un qui peut m'expliquer?

bin j'sais que t'argardes pas souvint l'télé mais j'faisos réference à l'publicité d'ù qu'in vot chés mannequins qui escouent leu' longs caveux in disant "Loréal parce que je le vaux bien"..... té sais Loréal l'marque d'produits d'bieauté...

tiote bellotte a écrit:

..... té sais Loréal l'marque d'produits d'bieauté...

Ah valà...

In fait ch'est un tiot peu comme si que je te causos d'un médicamint pour délier les cortes vocales. Te ne te sintiros nin concernée.

té sais Loréal i fait pas que des produits d'bieauté, i fait aussi du shampoing, té dos in avoir dins t'salle de bain.....
OUPS ! pardon, j'oblios qu't'avos pu d'caveux !

Si si, chu le tour... Mais bon, ch'est vrai qu'eune boutelle de shampoing, cha fait des années que je n'd'ai nin acatée.

M'file elle n'est pus à l'majon, mais j'ai du stock de flacons intamés à elle jusqu'à mes 80 ins, facile.

Ch'est du '' longueurs z'et pointes'' ?

in tout cas i aurot in marché à prinde...
ch'ti qui va lincer l'gamme "tour d'orelles" i a bieaux jours d'vint li

Batisse a dit:"M'file elle n'est pus à l'majon, mais j'ai du stock de flacons intamés à elle jusqu'à mes 80 ins, facile."
. A 80 ins, t'aras pètète pus bésoin d'champoing..... si t'as pu d'quéveux........eune bonne brosse à arluire ! ! ! ! ! ! !

cheule photo d'1972, ch'est mi avec min mononque...
li aussi avot eune bielle piste d'atterrissache à mouques et mi j'avos des longs caveux
à cheule époque ch'étot l'mote que chés garchons is euchent des longs caveux et comme in voulot vir avec mes frères à quo aurot arsonné nous monoque in Beatles in a fait cheule photo... in a bin ri.....

Vinguette, ch'est vrai que t'avos des long tifs. Tcheu bazar que cha devot être à détouiller tous les matins....

J'imagine très bin les grimaces que te devos faire.

Et vu comme t'es grinte, te devos faire attintion à nin trop marcher dessur hein?

In tous les cas, i a eune séquo que j'armarque: à l'époque te ne muchos nin l'clé de tin manicraque à babelle. Ch'est cha qu'in vot chu le côté, à hauteur de tin bras drot (chti qui est à gauche chu l'photo) énon?

In est dins le sujet "in a cangé d'heure" mais in pourrot désormais l'appeler "in a cangé de siècle".

Arwetchi ichi l'imbiince premier mitan du siècle d'avint...



Tcheu bieau afant, vous ne trouvez nin?

Et ch'étot un rute cat aussi. I attrappot plusieurs ojeaux à l'fos. Au mitan du poulailler i avot un arpe. I se mettot dedins et i observot les ojeaux qui venottent chiper du grain. Tchand qu'i estimot qu'is étottent bin plachis... i se linchot dessur. I parait que sin tarif ch'étot 4 et qu'i ralot tchand qu'i in loupot un... Ch'est li qui m'a arwetchi minger dins s'gamelle.