L'camping dins l'timps.
.

.
Chétot vers 1946/1947 . In n'avot rin ! ! ! Pas d'mat'las pneumatique, pas d'confort du tout. L'tente étot faite aveu quate trianques ed tente all'mante que m'mère avot cousues insanne.
. Chaque troufion avot un trianque et à, quate, aveu les quate trianques is montotent eune tente aboutonnée. . L' réchaud ch'étot un réchaud des surplus américains à essence qui marchot comme eune lampe à souder. .....Aveu un posse à galène in acoutot Simons au soir à Radio PTT Nord Lille.
. In avot core el drot d'faire un fu d'camp par nuit! ! ! !
. In nageot dins l'marais à Biache! ! ! ! Achteure: Verboten ! ! ! !

. Alle n'est pas mal el photo. Alle étot faite aveu un Box , eune boîte carrée qu'in plachotd'sur sin vinte pour printe les photos.

Ch'est des penne tierre à côté? et pis des caneçons qui séchottent chu les tendeurs?
Nous in piquot eune peune tierre su les mats de l'tente pour nin printe la foudre.... in s'croyot des avinturiers toudis in danger.
Un été , j'sus allée camper dins la creuse aveuc Matante et tous les jours y drachot, les guernoules elles étotent à l'abri in dessous du tapis d'sol de l'canadienne, tcheu ju!
In faijot sécher nos berlouffes aux barres de la Dyane aveuc l'cauffage à fond.
Cha qui a d'bien dins l'camping, ch'est aussi d'artouver sin lit, sin cabinet, s'taffe et eune vraie cayelle!

Vife el campinge ! ! ! !
. L' photo a éré prise à Biache, à côté d'ech marais. A l'époque in n'avot pas core "invinter" toutes ches interdictions. In dallot nager dins l'marais. Ch'est bin nos cann'çons qui sèquent d'sur les fils ed tente.
. In faijot note popote , ch'est bin les patates qui sont à côté.
. ..Nous, in laichot pas d'ordures par terre ! ! ! In étot "bin èl'vés"
. Achteur, in n'a pus l'drot ed rin ! ! ! ! J'sus pas sur qué ch'est miux.... mais si qu'in arot core el drot, j'cros bin qi arot un rute dallache après leus départs, à ches campeurs sauvaches, et qui arot beaucop d'viante soule ! ! ! !
. In dot ète eune race in voie ed disparition ! ! !

Tout cange! ! ! ! paysache....
.

.
Biache aujourd'hui ! ! !
. ....I a déja pus d'soixante ans ! ! ! déja ! ! ! ! In dallot camper à Biache tous les diminches, à vélo, aveu nous matériel 14/18.
. Ch'étot pas trisse , i avot eune guiguette qui diffusot d'el musique tout l'jornée, des barques d'sur ech marais, des nageux ! ! ! des péqueux ! !
. Du qui est ch'timps la ! ! !

.

cha ch'est de rutes souv'nirs,
mi ch'est nin à Biaches que j'allot,mais din ch'village d'à côté,à Plouvain,in campot sur l'bord de ch'tiot marais.

.......In allot aussi à Plouvain, in faijot du fu d'bos près de l'iau et in nageot dins l'noir, dins l'marais......
. A Biaches, un diminche i n'avot deux qui s'noyotent. Jé n'ai arsaqué un mais j'ai pas pu arsaquer l'aute qui s'a noyé ! ! !
. A Brunémont deux d'un cop, mais la j'avos pris un mat'las pneumatique.
J'avos pas pris d'risques c'jour la ! ! !

1974, in suède...
su la gauche, camping sauvache (in avot cor l'droit) et tiot casse croûte su la droite..
z'avez armarqué l'pantalon patte d'éph d'min copain et m'bielle jupe à grosses fleurs, à cheule époque j'mettos aussi des fleurs dins mes caveux, ah jonesse !!!!! min frère et l'copain asteur n'ont pus gramint d'caveux su l'tiête !!!
in étot parti in R10 du 1er aout au premi septempe, j'étos l'pus jone (18 ins) mais j'arprenos l'traval l'2 septempe, min frère et sin copain eux étottent étudiants et pouvottent cor s'la couler douche queques timps.. in a fait in tout 8889 km (Danemark, Finlande, Suède, Norvège), j'argrette pas car d'pis j'y sus jamais artournée... mais cha devrot s'faire car min homme i connot pas...
j'avos fait in life d'bord qui raconte tout au jour le jour, ah souvenirs, souvenirs........
ch'est l'seule fos de m'vie qu'j'ai campé, in étot jone, c'étot amusant mais asteur i faudrot surtout pas m'in parler !

in avot dessiné l'itinéraire qu'in faisot au mur et à mesure su l'capot de l'carette..
i n'd'a eu des questions pas chés gins qu'in rincontrot !!

i avot in cornalle qui v'not toudis nos rinde visite les deux jours qu'in étot resté dins l'même camping.. i étot in tiot peu envahissant, fallot rin laisser trainer, i nos a fait un tro dins l'serviette.....




min diu mes photos alles ont mal vieillies, alles virtent à l'oranche

. vain diousse, vou n'davez fait des kilomètes.
.

.
Alle est bellotte , tiote ete cornale ! !

Consel gratuit d'un bitaclé, si tes photos alles sont oranche, té peux les mète in noir et blanc! ! ! ! ! aveu un tiot peu d'contrasse ....
.......

ouais d'accord ppPB, pou l'forum j'y ai pinsé quind j'ai vu l'résultat après avoir scanné m'photo
mais ch'est dins min alboum qu'alles sont oranches pou l'pupart, et ça cha m'a fait in tiot cop au coeur, quoque cha va ête dins 20 ins !!! mais bon qu'est ce té veux, j'avos in tiot apparel argentique à cheule époque, acaté avec mes tiotes économies, i avot même pas in grind angle....

. T'escusse pas tiote Bellotte, j'étos pas pus riche que ti. J'ai comminché aveul'apparel photo d'em mère, el BOX Kodak, après la guerre , jusqu'à 1948 ! ! ! déja ! ! .
.

.
I n'étot pas question d'faire des photos in couleur aveu cha....I avot deux vitesses, pose et instantanné, au 1/125 ème de séconde! ! !
. Souvint les gins qui zavotent un apparel comme cha, is photographiotent les mempes d'el famile dins l'gardin, d'vant cheule porte ed cabinets, quand qui avot du solèle. Et les photos alles étotent bonnes ! ! ! ! ! !
. Cha a bin cangé ! ! L'numérique a détronné l'argintique ! ! !

.

Et pis y'a pus les cabinets au fond du gardin... Cha a bin cangé

. Ouais ch'est "presque " vrai..in pus ch'étot dingereux, i n'avot pas d'papier à culte, dins l'timps, i avot des jornales copés in quate accrochés à un clo dins les gogues. I avot d'eule lecture pour les costipés.
. . Mais i avot eu des accidints fort grafes. Aveu l'jornal communiste "Liberté" i n'da qu'is s'sont copés leu tarlare aveu l'faucile! ! !

Bin mi j'me les ai écrasées avec ch'martiau amon de m'tante, j'savos pas quel journal is prénotent.

..Ch'est sur'mint l'même jornal.! ! !
. I a un indrot, cha fait toudis rigoler mais cha fait rud'mint d'maux ! ! !

Ouais, bon, à vélo je veux bin, mais in posint s'crotte.... i faut le faire exprès.

A moins de se mettre debout à califourchon chu l'cuvette et de glichi.

Et incore... i faut qu'elles pindtent rudemint, in puq de nin avoir de réflesques.

Mais bon, à vélo, ouais... et ch'est vrai que cha fait toudis rire les autres!

Et au foot quand té prints ch'ballon là dû qu'in parle j'peux t'dire que cha fait pas du bien surtout quand l'aut' i a fait eun' r'prise ed volèe à deux mètes ed ti.
Rien qu'à y pinser j'ai cor du mau.

bin messieurs j'viens d'lire dins in journal, qu'eune étude sérieusse avot été faite in europe pour mesurer l'tale de vos savez quo chez les hommes !!!
alors là cha m'sidère, à quo cha peut bin servir d'savoir cha, commint qu'is ont fait l'étude ? qui ch'est qui a mesuré ?, in peut s'poser l'question pace que, escusez me, mais i faut certaines conditions...
infin messieurs les Français soyez fiers, paraitrot qu'vos êtes les champions d'Europe (vos imaginez in championnat d'Europe !!!)... et les grecs is peuv'tent pleurer (d'jà qu'ch'est pas la joie in c'momint dins leu pays !)
mais j'vos donnerai pas les résultats sinon j'vas m'auto censurer !!

J'frai pas d'concours, j'sais d'jà que j'sus hors jeu.