bonjour!

je sais pas si vous me lirai, ja pas l'habitude ed'poster de message, mais j'voudros vous dire que j'etos partie ech'week end am'mason secondaire situé à la FAUTE SUR MER, avec min mari, les gosses étotent rester à ST MESMIN, heureusemint, car z'ont pas vu les DEGATS!!

Ché dur de s'trouver in pleine nuit, a 3h du matin, sans electricite, din sin lit et que té vos l'iau autour de tin lit!
IN a cru y mourrir, in guettos avec impatience el'décru, in allot al'fenetre raviser l'iau monter.....!et quand vers 7h30, là, té attinds les sirenes de pompiers té pousses un grand OUF de soulagemint, et qui t'amene din eune salle ou là, t'as les pieds au sec, té artrouves tes voisins in VIE..........excuses me, mais j'ai telmint vécue eune nuit de cauchemard, faut y etre present pour savoir , ja besoin d'ecrire pour évacuer , ja vu des gins din l'detresse, des personnes agés mortes din leur lit, trop viux pour pouvoir grimper au toit de leur mason, ...ché inoubliable !
merci à roger, de pouvoir m'exprimer par le biais de sin blog, escusez mes fautes pour l'orthographe, chu choquée incore , ché un film qui arpasse din m'tiete, merci a tous ceux qui comprindront pourquoi j'viens écrire, raconter tout cha, j'arrive difficilemint a m'exprimer , chu core sul'choc!
bonne journee à vous tous

ah babette, ch'est de l'trinsmission d'pinsée, j'viens justemint d'mette in sujet rin que pou ti...
j'avos su c'matin pa nanadette qu'elle étot sin nouvelle d'ti et qu'alle s'faisot du souci et cha ma turlupiné aussi
alors in est bin contint que té viennes nos tenir au courant et dis te bin que même ceusses qui vien'tent pas souvint babeller su l'forum is sont toudis les bienvenus
ch'est sur que quind in vot les imaches à l'télé in est pus qu'impressionné, comme té dis ch'est eune vraie catastrophe
alors j'te souhaite bon courache et si cha peut t'faire du bin d'venir discuter avec nosautes et bin n'hésite pas à frinchir la porte....
j'discuteros bin in tiot peu d'pus avec ti mais ch'est l'heure que j'aille querre mes tiots à l'école
in tout cas j'tinvoie toutes mes pinsées positifes....

Mi aussi j'chus d'tout tchoeur avec ti. Tes afants sont protégés, te dos ête rassurée. Les imaches elles sont gravées dins t'tiète, ch'est normal et in est là aussi pour t'écouter. Mets des mots chu' tout cha, vient babéler, dire, in t'écoute tertous. Courache in est avec ti et les tiens.

Ah ouais, t'étos au bieau mitan du bazar ti.

T'as bin raison de venir in causer ichi. Ch'est des séquos qu'i faut évacuer, comme chez le pyschiatte.

In n'est nin docteurs, mais comme ch'est un méti d'ùche que le plus gros du boulot ch'est d'écouter.... cause tiote! Comme cha in espère que t'évacueras vite tout cha du mitan de t'mémoire.

merci a matante, de tin soutien moral!
Ché sur,mes infants ont été protéges,!!!! mais comme in étot pas avec eusse, bin, in a pinser a eux toute el'nuit , je disos "pourvu qu'in meure pas, qu'in laisse pas des jumeaux de 16ans!!! car, té sais, mi ja perdu min pere a 17ans, em'mere a 21ans, et in y arpinse, in se disant , "faudrot pas qu'eusse vivent l'meme peine que leur mére" !
Min mari vient de revenir de la FAUTE, car y'a pu y aller, etant donner qu'il faut faire expertise l'voiture, y'a été a la mairie pour les formalités en cas de catastrophe naturelle, bin y m'a dit que les helicos, les sapeurs pompiers sont toudis al'archerche des gins,l'bilan est de 47 morts sur les 2 communes !
y'a core dels rues inondees, les coef de marée sont a venir dinl'soirée et demain matin,....! !
en principe, si l'météo est avec nouzautes, mercredi in va y artourner, prinde des photos pour les assurances, et vire si in pourra kemincher a nettoyer toute el'boue, mais tout cha, s'fera din les prochains jours!
J'voulos rajouter, l'COURAGE, l'organisation des SAPEURS POMPIERS, la croix rouche, l'entraite des gins qui n'ont pas été sinistrés qui apportotent des couvertures, des chaussettes, vetemints ...jouets pour les tiots, afin de les occuper et leur faire oublier l'temps!!! J'souhaite a personne de vivre eune telle CATASTROPHE, mais bon, j'min sors VIVANTE, avec em'tiote famille! mais ja des pinsees pour ceux qui ont perdu leurs parints, des infants dinl'nuit du 28 ! ché affreux!

Bonsoir Babette,
is ont tous raison viens soulager tin coeur ichi, nous raconter tout cha, cha videra un peu t'n'esprit, cha inlèv'ra des imach'.
In est d'tout coeur avec ti et courach' pour la suite.

Bonsoir Babette
ya nin plus pire que l'ieau!
Quand j'vos chés imach' à l'télé,cha du ête terrible pour vous,
J'sus tout coeur aussi avec ti,et j'te souhaite beaucoup d'courach'.

. Ch'est effroyape eune histoire parèle....I faudra beaucop d'courache pour surmonter tout cha et effacer toutes ces imaches d' horreur qué vous avez vécues. .Ch'est inimaginape ! ! !
. Ed tout coeur aveu ti et les tiens! ! ! !

merci a VOUS TOUS de votre SOUTIEN MORAL, et grand[merci a roger d'avoir utiler sin blog, cha m'a permis de dire, d'évacuer ce que ja pu ressintir,me soulager par écrit !
INCORE MERCI A VOUS TOUS! bonne soirée et a bientot de vous arlire , car je vous lis régulieremint, mais chu pas experte pour écrire in patois, pis ja pas core bien compris commint invoyer des photos, aller din indrot a un autre( manque d'experience in informatique, chu pas douée !) alors j'compte sur vouzautes a rigoler devint min PC a vous lire !amities a vous tous [/img]

Hé bé Babette, j'comprind que tout c'dallache vécu d'si près et de nuit cha dot mette in émouvette.
Rin que d'voir toute c'bedoule, ces majons dins l'ieau et ches corps atrouvés cha nous artourne l'choeur. Y faut qu'te parle, qu'te l'écriffe.. pour sortir tout cha qui buque toudis dins t'tiête.
Te va artrouver tes afants et jomais l'baisse de leur momère et d'leur monpère y'ara été si précieux.
A ch t'heure ch'est les papis d'assurance qui faut faire.. tant qu't'es dins l'action te busie moins.
Cha qui est bieau malgré tout, ch'est l'solidarité et l'amitosité qui reste des fos bien muchi dins les gins et qui arsort aveuc des catastrophes comme cha.
Ichi, not abris bois et auto y a tchu sans faire ed dégat et in a foque eu des coupures ed courint et pis pus d'ieau au robinet c'matin avint d'aller à l'ouvrache.
Cha que je me reproche, ch'est qu'hier in avot bien caut auprès d'not insert et in a nin pris des nouvelles d'un viu ami ed 97 ins qui est frileux comme un viu cat et qui devot ête dins sin lit sins chauffache. j'va li téléphoner demain. D'habitude tchin qui a des crues du Cher, y vient à nou majon.. et là in l'a oublié!
Allez Babette courache pour la suite.. te nous dira quoi hein?

merci a ti merilou de tin tiot mot, el'courache, t'inquiete pas, eune chti, cha armonte toudis ses manches, el'ramon pis l'wassingue ne m'a jamais fait peur ! !ché les papiers,pour les assurances !

mais là, ech'soir, el moral y'est armonté avec vouzautes TOUS!
J'espere pouvoir dormir, ché pon eune certitude, j'attinds dehors arpleuvoir comme vaque qui piche! que malheur! in n'a pas b'soin de cha!

bin si in a réussi à t'armonter in tiot peu l'moral c'soir, cha nos fait gramint plaiji et j'cros que j'peux dire cha au nom d'tertous
allez Babette haut les coeurs !

Bon courache Babette

Alors Babette à d'ù qu't'in est avec tout cha ? cha comminche à s'résoudre tout chés problèmes ? et t'majon ?

t'as eu l'même pinsée qu'mi!
avec ce que j'ai vu à l'télé chés derniers jours avec tous chés maisons qui vont abatte,j'pinsos à Babette.

bonjour

un tiot mot, pour répondre à tiote belotte et roger,not'mason secondaire à la FAUTE,n'est pas située din l'zone noire.OUF!Mais vous imaginez l'état d'esprit qu'ont tous ceux qui vont avoir leur mason rasées !! ché eune 2eme tempete pour eux!! L'camping municipal, qui compte 280 mobilhomes,keminche l'traval de "broyache"des buzzs depis lundi.
Inch'momint, gramint d'monde les weeks ends, y'a aussi les vacances scolaires, faut dire!
Ché énorme, el'destruction de toutes ces masons, j'cros que ché parce qu'y a eu, faut rappeler sul'secteur de la Faute 29 morts!! et les masons ont été construites din "eune cuvette" ou avant y'avot des marais, mi,étant eune chti,comme gramint d'gins venus d'ailleurs, n'avottent pas connaichance des terrains y'a plus de 30ans! L'été, in veyot gramint de voitures 62/59, et souvint sur la plage, j'intindos l'patois!
Pour em'part, j'peux pas dire si ché bien ou pas ce que l'Etat fait,chu pas ichi pour "politiquer", mais cha m'fait maux de vire les gins in colere, fatigués, déprimés et j'me mets à leur plache! In a eu del'chance, in est in vie,el'terrain n'etot pas situé dinl'quartier.
El moral, achteur va gramint miux, puisque les travaux ont keminchés depis l'semaine derniere, que les murs sont presques secs, grace au biau solel et au vint , faut dire que j'y va régulieremint pour aérer, chu un peu crevée, de tous ché allers-vénues, mais bon, j'pinse aux zautes et aux victimes surtout!
Merci incore pour vous tous de vos incouragemints, de vot'soutien!
Bonne journée a tous !

J'sus continte d'vir que pou ti les soucis comminchent à diminuer, même si tout n'est pas cor réglé
Comme té dis Babette, i a gramint d'sinistrés qui vottent leu vie incor bin escouée, i va leu falloir incor bin du courache...
C'est sur que tout cha cha dot amener du monte, pou nos le hasard fait qu'in part l'semaine prochaine vers Royan, La Rochelle, min homme ayant vécu tros ins dins l'région, in y va d'timps in timps, ch'étot in déplachemint qui étot programmé et réservé d'pis avint La Noël mais ch'est sur qu'in ira pas juer les voyeurs...

Babette, j'n'étos pas souvint à vénir vire l'forum ch'temps chi, j'n'avos pas ouvert l'sujet chi.
Ch'est épouvantape ! même si in a vu des imaches à l'télé in n'peux pas s'imaginer l'peur, l'désolation quanque l'ieau ale sin va et qu'in vot ches dégâts.
Nous in a dins note commune inne zone qu'in appelerot noire maintenant ; in 1960 cha avot fait les grands tites des journaux et te vos 5o ans après les gins i in parlent toudis.
J'espère qu'pour ches démolitions d'masons i vous argarder au cas par cas.
Bon courage, Babette, j't'imbrasse très très fort.

[quote="la clo"]Babette, j'n'étos pas souvint à vénir vire l'forum ch'temps chi, j'n'avos pas ouvert l'sujet chi.
Ch'est épouvantape ! même si in a vu des imaches à l'télé in n'peux pas s'imaginer l'peur, l'désolation quanque l'ieau ale sin va et qu'in vot ches dégâts.
Nous in a dins note commune inne zone qu'in appelerot noire maintenant ; in 1960 cha avot fait les grands tites des journaux et te vos 5o ans après les gins i in parlent toudis.
J'espère qu'pour ches démolitions d'masons i vont argarder au cas par cas.
Bon courage, Babette, j't'imbrasse très très fort.