Des fos in a des cerveaux - des cervelles pour les guernoules - qui font des rapprochemints rigolos.

D't'à l'heure je cachos eune photo pour faire indever un pote et me vlà parti dins min stock, pourtint limité par rapport à grammint, de photos numériques chu disque dur.

I a belle lurette que je ringe - si si ch'est possible, que ceux qui m'ont connu plus jone sertent lus guiffes - les photos par grinds sujets, pour avir eune meilleure chince de les artrouver.

Et ch'est là que min cerveau - je ne vous arfais nin le coup de l'cervelle, cha ferot récauffé - i s'a souvenu des scéinces de diaporamas d'artour de vacinches ou de voyache ichi ou là.

Tcheue corvée... "alors te vos, là ch'est d'ùche qu'i avot un guichet qu'in pouvot acater des tickets pour un tour in batieau et blablabla et blablabla".

Alors valà. Cha ch'est typique des festivités que j'évite si que je n'd'ai l'occasion.

Est-ce que je chus le seul intisocial ou est-ce qu'i n'd'a des autres pour me soutenir ichi dins le tiot groupe des guerriers du chef énino?

Et vousautes, ch'est quo les festivités que vous aimez et celles que vous n'aimez nin?

Finalemint, j'ai nin artrouvé l'photo que je cachos. Je me deminte si que je l'avos inregistrée...

pet ête même que t'as cru faire l'photo mais que t'as pas pu l'faire pou obli d'piles dins tin apparel.... j'connos eune colompe alsacienne à qui ch'est arrivé... non ?

Oh mais elle est armontée l'guernoule limassonne in dirot...

Pis d'abord, l'photo ch'étot nin mi qui l'avot tirée. Mais bon, ch'est vrai que j'ai un apparel qui consomme grammint et qui a eune facheuse tindince à me laichi tcherre net tchand qu'i ne faudrot nin.

In pourrot pinser que ch'est un cadeau qui m'arot été fait par des copains qui aimtent bin rire de mi. Pourtint non, je l'ai acaté mi-même.

D'occasion.

Et je comprinds pourquo qu'i n'étot nin cher. Pourtint, i va rudemint bin.

Si te veux, j'ai des photos de touaregs.... in fait ch'est eune touarègue in tenue traditionnelle que j'ai. Mais bon, cha n'intéresse suremint personne. Quo que t'in pinses?

mi j'ai eune photo d' in bricoleux qui a in joli snipe par dessus s'maronne, quo qu'tin pinses ?

Je la connos, elle est sur fesse bouque!

ah ouais ch'est rigolo cha, eune photo de snipe su fesse bouque, té l'as fait esprès j'sus sure.....