cette semaine j'étos cor in vagances, comme min homme li avot arpris l'boulot j'avos prévu de m'mette in tiot peu à jour dins mes albums photos et d'y passer l'pus d'timps possipe..
mais lundi i a bin fallu aller rimplir ch'frigo, laver et arpasser ch'linge... pis lire tout c'qui avot eu su l'forum pindant qu'in étot parti donc pas gramint d'timps pou chés albums
pis mardi i a fallu emmener l'cat au vétérinaire pou chés vaccins, pis faire queques courriers importants, pis travailler in tiot peu chés partitions d'clarinette, pis discuter eune heure au tel avec nougatine... donc l'album a pas gramint avinché
mercredi i a min garchon qui est venu faire l'plombier donc toute l'matinée occupée, pis i a bin fallut y faire à minger (quind j'sus toute seule à midi, cha va vite, eune pemme, in yaourt... faut bin éliminer l'surplus d'eune semaine dins ch'nord!!)
hier jeudi, rin d'prévu, ahhhhhh alors là j'peux vos dire qu'j'in ai mis in sacré cop et qu'j'ai pu finir l'album d'nou randonnée dins l'Aubrac d'l'in passé...
aujord'hui j'avos prévu de m'lever d'bonne heure pou commincher in aute album, seulemint comme j'ai oblié d'mette min rével j'me sus foque levée à 8 h 00, alors j'ai pas traîné à faire min ménache... mais cha comminche bin pisque j'ai pas pu m'impêcher de v'nir babeller avec vosautes...
alors mi j'vos l'dit y m'faudrot cor deux semaine de vagances.... vivemint l'artraite !!!!

mi s'que j'vos surtout ché ta grammint babellée , alors forchémint ech' traval y n'avinche pas ,

AH CHES FEMMES

Viv'mint l'artraite ? ? ? Ch'mos chi, j'ai touché 15€64 in moinsse qu'les mos passés. "Is" zont du compter l'augmintation ed du mauvais côté ! ! ! ! !

ya grante chance ," ché in erreur ed' l'informatique , " mais cha s'ra pas possipe de t'rimbourser , el machine al voudra pas ,
vaut miux in rire qu'in braire , pas vrai , j'parle ed' l'erreur pas d'el diminution

mi j'disos simplemint vivement l'artraite pou avoir l'timps d'faire tout c'que j'veux sins avoir toudis l'oel su la pindule...
quoque i paraitrot qu'à l'artraite in est toudis débordé et qu'in a pas l'timps d'faire tout c'qu'in voudrot... infin in verra bin, d'toute manière ch'est pas pou tout d'suite
quind au montint d'l'artraite in verra bin aussi, pis ch'est pas l'indrot pou parler d'cha, ichi in vient pou rigoler

bonjour mes gins, bin mi j'ai été convoqué par la cram hier,ej vais gagner moins qu'a la cotorep !

Ch'est cha d'vieusir ! Quind j's'rai à l'artraite, j'gagnerai moins qu'in travallant ! et j'voudros bin ête à l'artraite, j'in approche jour après jour et cha d'puqu' j'chus née !

in tout cas ch'duc i nos a fait eune visite super éclair....
cha dot donc ête vrai qu'à l'artraire in a pus l'timps de rin

intre deux pleufs j'ai fuis min gardin ,,j'ai smé mes tomates et mes melons din des godets pour dire ed pouvoir planter al mi mars,, asteur j'attind qui fait meilleux pour mette mes échalottes et oigons,et in tiot peut ed finitions al maison, peinture din wc, du fait que j'ai pas pus finir au mois vovemp , mais ej promet ed venir dire bonjour el plus possip !

I me simblot qu'in t'avot dit de rester trintchille à nin faire la biête avec tes oches.

Et ti te fouis tin gardin... Est-ce bin raisonape cha garchon? Planter des graines dins des godets, ouais, mettre les godets dins l'tierre, ouais, mais fouir tin gardin, hein?

Infin, je dis cha... ch'est surtout parce que j'ai eune sainte horreur de faire cha!

batisse min medecin y m'a dit ed faire einne demi heure ed marche par jour, donc ej fuis einne heure par jour , cha arvient au meme !

ej sus moins fatigué à fuir qu'a marcher !

bin ménage te quind même hein ch'duc, l'santé ch'est primordial qu'in seuche artraité ou non

pis té sais ch'duc l'marche ch'est l'meilleu sport pou l'muscle cardiaque, alors té devros acouter tin médecin

ej l'écoute, mais ej préfère mius etre din min gardin !

J'sus super contint de t'lire ch'duc!

Citation :

intre deux pleufs j'ai fuis min gardin

t'as core largemint d'faire tin gardin!
chés viux i t'dirotes, té in train d'interrer el froidure!

bonjour tout l'monde , ch'est cha qui m' dit min voisin, et que min gardin y se serot pas sauver !

Te vos, tertous i dit l'même causse et ti, te l'sais mais tin fait qu'à tiète : fouir un gardin ch'est nin l'même causse que marcher !

(in passant, j'aime bin l'nouvel avatar de not' chef, i a muché les caveux qui li restent avec des pleumes ! Cha t'va bin)

Y faut laichi c'pauff Ch'duc trintchille.. si qui préfère passer l'louchet dins sin gardin que d'aller arquer tout partout dins sin quartier, y fait à s'mote et cha c'est bon pour l'moral ( ed faire à s'mote).
Semer des tomates, melons échalottes et oignons, ch'est oeuvrer doublemint pour sa sinté...
Allez, vas y Ch'duc oeuff dins tin gardin intre deux pleuffs.. attintion à tes godets qui s'involtent nin pacque l'vint cha devrot souffler d'après la momère Météo.
J'y connos pos grind cosse au gardin mais à m'mote que tes godets y restent cor au caut pour un momint.

Pour arvenir à les projets d'artraite ed Tiote Bellotte, j'cros bin qu'elle ara nin l'timps ed faire tout cha qu'elle a prévu in puque des babellaches téléphoniques aveuc s'tiote bielle soeur Nougatine...mais y vaut miux avir trop d'projets que d'bertonner su les vijins dins sin coin in tournint in rond dins s'majon! Cha risque pos d'li arriver.

bonsoir merilou ,ch'est pas de m' promener que j'ai peur, quand t'est vot qui quin dins l' rue t'est peut toudit y dire el meme, malgrès que te li à dit plusieurs fos el meme, alors ej préfère faire min gardin tout duchemin, et etre trinquille, si ej sus matte j'arrette et va boire in bon café,et ppeut dire ed fumer inne tiote cigarette, j'ai arreter définitivemint depuis el dix sept novemp, deuis que j'ai été opéré ed min pontache aorto bi fémoral, ej sus bien depuis que j'fume pus,ej fait attintion ,par ce que j'ai tendance à minger ed plus , et ch' est pas bon non plus !

ichi y pleut toudit, alors in attindant, el bieau temps, j'ai fait mes semis ed tomates, melons, et potirons, pis del laitue, et comme j'ai incore del fibre ed verre , j'arfait min vater , parce que y est humide !