Am'mote i vient d'arriver ! Ch'est un soudeur à l'arc. J'cros qu'avec PépéPéBé is vont bin discuter d'leu' jeunesse ! I est apparu dins l'sujete "soudure à l'arc"

Au plaiji ed te lire aussi su' d'autes sujets !

bienvenue à ti am'mote
faut pas hésiter à s'lincer, dis te que tertous ichi au début in avot d'maux à écrire, pis petit à petit cha vient, tout douchemint ou rapidemint selon les mots mais cha vient....

bin merci pour vos incouragemints , mesdames , ché vrai qu'ché dur , ouais j'ai été soudeur pindint , in bonne trentaine d'année , jusqu'a m'pinsion , el premier commintaire qu'j'ai vu , ché ch'ti ed' PPPP
alors comme dis tiote belotte j'm'ai lincé, si jamais ya des erreurs y faut me l'dire ,

Salut Am'mote et binvenue ichi dedins.

Dis me, je chus des fos plus curieux qu'eune guernoule... commint que t'as fait pour trouver sin site à Roger, nous grind chef à pleumes?

A part cha, ne t'in fais nin de trop pour les fautes. In in a tertous fait grammint au début. Je diros que ti t'as eu un bon départ. Déjà i a nin de k dins tin texte, ch'est très incouragint!!!

In fait, vu qu'i a nin de life de grammaire in patos, in admet ichi que ch'est plus facile à l'écrire et surtout à le lire si qu'in li applique le puq possipe de règles de l'grammaire frinçaisse. Cha se limite le plus souvint à mettre un s tchand que ch'est au pluriel et à conjuger les verbes à l'mote du français. Mais rin que cha, cha fait grammint.

Allez, à plus. Te nous donneras peut-être des cours de soudure! In ce qui me concerne, cha va à peu près tant que l'cordon i est à l'horizontale. Je chus toudis impressionné tchand que je vos les soudures chu les viux tuyaux de cauffache. I a des rutes artisses. Dont ti probablemint!

bin ché pas dur , j'connos ech' site a roger ed' pu longtemps , j'y allos tres souvint pour vir , et pi un jour j'su arquéyu d'su el pancarte qui indiquot ech'site ichi , ed' pu el début , j'viens faire un tour ichi , et pi j'mé décidé pour vir ,
cha veut dire quoi ya pas ed' " K din tin texte " y faut in mette ed' tins in tins des " K " ? bin mi j'trouf au contraire qu'ché pu dur , a écrire et a lire in patois
quant al soudure , in est soudeur , comme in est monteur , ou tuyauteur , ou couvreur , ou terrassier , ou boucher , ché la vie qui décite ,
quo qu't'appelles , soudure d'su chés viux tuyaux ed' chauffache " tuyaux cuif , ou acier ?
ouais j'pinse avoir fait parti ed' l'élite din l'soudure , comme grammint d'autes , et pi j'ai connu grammint ed ' SUPERS elites , a qui j'ai fait appel in depannache , mais tout cha cha fait parti d'chés souvenirs ach'teur , j'su même certain qu'té pourros em batte

Bienvenue am mote !
In va apprinte à faire connaichince tut duchemint. Ch'est toudis agréape ed parler in patos et d'comprinte... mais si te parle ed soudures TIG ou MIG, ch'est aveuc m'n'homme que te devros parler sauf qui n'parle nin in patos...
L'principal , ch'est l'soudache ed l'amitosité et de l'solidarité intre les gins.

poil aus dints!!!! et in pus, ché vrai!!

camanette a écrit:

poil aus dints!!!! et in pus, ché vrai!!

ah ouais ? t'as du poil aux dints ti asteur ? ch'est pou in prochain rôle ? ti aussi té jues in leuwarou ?

merci mérilou j'viens d'aller vir et' fiche , pour connaîte et du qu'té resse , in touraine ?, cha tompe j'ai connu t'homme al centrale ed' chinon , j'dos y avoir été deux ans a peu pres la bos , ed' 1980 a 1982, armarque cha m'etonnerot quand même , passe qu'yavot au moins 3000, bonhommes ach' momint de l'construction
tiote belotte , j'pinsos qu' belote yavot qu'un T , t'es in grante jueusse ed' belotte , ou , ya pas ed' rapport avec el jeu ?

am'mote a écrit:

tiote belotte , j'pinsos qu' belote yavot qu'un T , t'es in grante jueusse ed' belotte , ou , ya pas ed' rapport avec el jeu ?

i a nin d'rapport avec l'jue d'cartes, tiote bellotte ch'est comme cha que m'appelot m'grind mère paternelle, sins doute pace qu'elle me trouvot bielle les grinds mères ch'est toudis indulgentes......

ah bin j'comprinds miux , ché tiote béllotte avé l'assent d'su le E

ch'est ça, sauf qu'in met pas d'accent devant 2 consonnes, ex : maternelle, paternelle, poubelle, hirondelle, coccinelle, etc....

mes gins.
bienvenue à ti am'mote!
fait comme à t'mason,in est chi eun' grande famille.