in parisien s'promène dins l'campane dins s'décapotape toute neuve et i vot in cinsier avec eune vaque au bord de l'route qui li fait des grinds gestes..
i s'arrête et deminde quoque l'cinsier i veut : "bin j'me sus fait d'maux à min pid, faut que j'rinte pou traire Marguerite et j'peux quind même pas monter su sin dos, alors si vos pouviez nos ramener à l'cinse cha s'rot bin aimape...
"je veux bien vous ramener vous, répond le parisien, mais Marguerite ne peux pas monter dans la voiture"
"faut pas t'faire d'bile pou Marguerite répond Anatole l'cinsier, elle va nos suife, ch'est eune sacrée biête"
l'parisien in ricannant dins chés moustaches et prenant l'cinsier pou l'idiot du villache, l'invite à monter dins s'carette, i démarre et comminche à rouler à 30 à l'heure
Anatole avec in tiot air moqueur li fait armarquer que cha roule pas bin vite chés carette décapotapes, l'parisien répond qui voudrot pas perde l'vaque d'vue
"oh té peux y aller min gars, répond l'cincier, in va vir si t'carette elle est pus indurante que Marguerite"
l'parisien est piqué au vif et accélère, 50 70, 90.... l'vaque elle galope toudis derrière l'carette, l'parisien i est in tiot peu vexé et s'dit qui va donner eune leçon au cinsier, i appuie in bon cop su l'pédale et monte à 150 km/h, Anatole in perd s'casquette !!!!
d'in cop l'parisien vot l'vaque qui tire s'lanque, tout content i dit au cinsier "ah je crois que votre vache commence à donner des signes de fatigue, elle tire la langue"
"bin, cha cha m'étonnerot répond Anatole, d'quel côté elle tire s'lanque ?"
"heu du côté gauche répond l'autre"
"bin serre te in tiot peu su la droite répond Anatole, elle veut simplemint t'doubler".........