Je chus in train de me poser des questions existintielles: commint que cha se fait que les pichons qu'in trouve dins les boîtes de conserfe is sont grammint plus tiots que les ceusses qu'in trouve frais chez les marchinds de pichons?

Le premi qui dit que ch'est à cause que dins les boîtes i a nin les tiêtes i a eune margnouffe.

Pour mi, les boîtes de sardines elles devrottent avoir in gros l'longueur des boîtes de maquereaux. Et les boîtes de maquereaux elles devrottent être deux fos plus longues au  moins.

Ch'est un mystère... Pourquo qu'in ne met que les tiots quénèques in conserfe?

Y a-t-i un espécialisse de conserverie de pichon qui pourrot m'éclairer? Merci d'avinche!

Ch'est vrai qu'mint qu'cha fait? Pou ch'thon ch'est parèle.

Ché vrai qu'cha dot nin ète facile d'mette un thon dins ène boite d'sardines !

Wette ichi le flamind qui vient semer sin brun mine d'arien... In ne le chingera pus ch'ti-là!

N'impêche, i n'd'a des mystères alintour des pichons in conserfe. I du thon à l'hule et du thon au naturel. Par contre j'ai jamais vu de sardines au naturel. Et le maquereau ch'est intre les deux.

Ch'est cuit avint ou après être intiqué dins des boîtes?

Et commint qu'is font pour mettre les filets d'inchos dins les tiots bocaux? Parce que pour les sortir, ch'est souvint eune tiote partie de carnache au début.... Et pourquo que ch'est tellemint salé?

Les inchos, y sont péchés dins l'Mer Morte sur'mint !

T'as vu cha , in peut acater des boites ed'sardines millésimées, bonne idée de marketing pou vinte les vieux stocks!

Les anchois sont mis à la mains dins ches bocaux, is sont péqués dins la méditerranée (in a visité l'entreprisse chi d'sous à Collioure).
Cacher après : http://www.cote-vermeille.fr/economie/collioure/les-anchois-desclaux
Pou ch'thon in l'a vu à l'télé, in a vu l'pèque, l'déchargemint, l'travale dins l'usine du qu'insuite ch'est mis dins ches boites, tout cru, et cha passe à l'étuve après pou ête stérilisées. ( Journal Télévisé de 20h du 15/12/2015 sur la 2 )
V'là s'que j' peux vous dire.

Cha dot nin ètre facile d'mette ché sardines in boite avec la queue !

Faut comminter là?

Voyou de flamind! Te m'as l'air armonté. Je ne sais nin si que t'as été un jour démonté, mais in tous les cas t'es armonté.

Tchand que j'étos jone, au siècle passé, i a un jour m'tiote soeur qui a été malate dins l'auto (eune Panhard PL17). Du coup mes parints is s'ont arrêtés pour netchi l'dallache. I a des flaminds qui étottent là avec lu grosse limousine américaine comme is n'd'avottent grammint à ch'timps-là, et l'femme elle a baissé sin carreau et elle a dit à m'mère "te veux eune tite pilule Madame? Nousautes in a l'habitute sais tu". I a nin à dire, is sont forts chu les pilules in Gelbique