Bonne journée à ti aussi,
Tchind qu'in y pinse, i a grammint de séquos qui laichtent à réfléchir. Les drive, vlà eune autre séquo que je ne compriinds qu'au mitan. I a dins les magasins eune masse de gins qui font les commissions pour les autres. Is sont payés et au final, pour l'acateux qui vient cachi ses commissions à un parking construit exprès pour li, avec incore eune paire de quelqu'uns chu plache, ch'est le même prix. Qui qui paye? Les babaches qui se déplaçtent pour faire lus commissions?
Armarquez, les gins qui font les commissions à l'plache des autres, is font les commissions pour des autres.... I a nin longtimps j'étos occupé à queusir des avocats dins un rayon d'ùche qu'i n'd'avot nin grammint de mingeables. I a venu quelqu'un qui avot eune liste avec écrit 6 avocats... à m'mote que l'acateux i a pu in faire des boules de pétanque!!!
I faudra aussi m'expliquer l'différince intre eune station Total et eune station Total Access. Ch'est exactemint l'même, à part l'prix. Ch'est quo le truc?
In vit dins un monte rigolo énon?