Un tiot coucou avant que l'temps i s'arbroule. In a eu des oraches violents avant hier. Pus d'électricité, pus d'ordi. Heureusemint avec un tiot groupe in a pu sauver les réserfes dins les congélos. Y a d'abord eu des cops d'vent, les arpes i étotent ballotés mais ch'cop chi i z'ont tous tenu l'cop, 
N'pas avoir d'électricité cha imbête pas mal mais cha a du bon
j'ai pris un bon liffe, au calme, ben cha faisot un bon momint qu'cha m'étot pas arrivé. j'ai lu  l'histoire d'eune famile de Dordogne, de Napoléon à la guerre d'Algérie, l'histoire s'répète et chaque génération a payé. Bieau liffe
Bonne journée

.  Ch'est fou l'dégat qu'cha peut faire l'orache.Un jour dins min villache in arot pu nager d'sur l'route.
.  Nous in a eu de l'chance, l'majon étot un tiot peu in hauteur.
.  Dins l'tiot magasin, à côté; l'ieau introt  d'un côté pour arsortir par l'freumète d'in face. Les voisins étotent vénus donner un cop d'main pour vider l'ieau, même ch'curé étot la.
.  Dins l'cafe tous ches étiquettes des boutèles à pinard étotent décollées.
.. Que dallache et pis core in n'a pas été noyés longtimps, à côté de c'qu'in vot à l'tété ailleurs.
 

Ch'est quo l'titre de tin life la clo ? cha m'interesse, pou vir si ils l'ont à l'médiathèque.

Nosaute in a nin eu d'orache, par conte cha fait pus d'eune semaine qu'in a un vint d'sot, in cop frod, un cop caud et je n'sais pas c'qui vaut l'miux... pou m'part j'préfère l'vint frod parce que l'caud cha m'rind complètemint raplapla... In tous les cas cha vaut quind même miux que l'orache et chés inondations bin que j'ai vu eune majon dins m'rue d'ù que l'arpe devint l'intrée n'avot pus d'tiête et les grosses branques étottent par tierre, in tiot peu d'pus l'ferniête étot cassée... i devot quind même ête malate l'arpe, ch'est l'seu que j'ai vu cassé..
C'matin in dirot que l'vint i s'a calmé.

Salut tertoutes et tertous !

L'liffe ch'est -Tout l'amour de nos pères" de Christian Signol chez Albin Michel.  Il a écrit  beaucoup de livres mais celui qui l'a fait vraiment connaitre c'est "La Rivière Espérance". C'est un écrivain de l'école de Brive comme Claude Michelet, Denis Tillinac et Michel Peyramaure.

Bon diminche, bonne fête à toutes ches mamans.

La Clo

Ah, j'avos bin pinsé que cha devot ête christian signol, j'ai fort querre, mais chtilal d'life j'l'ai nin cor lu.... Ouais l'rivière espérance cha m'a bin plu, j'ai bin aimé l'feuilleton qui in a été fait aussi, avec jean claude drout que j'adore -quel bel homme ! et quelle voix ! mi j'sus fort sensipe aux voix !

Pisqu'in parle d'liffe, min préféré de Christian Signol, ch'est Adeline en Périgord. Ch'est un de ses premiers liffes, un liffe sur s'grand mère. Comme toutes ches grands mères qu'in a pu connaite.